¹ Kǝtlǝm kǝt nda'an chokam kǝ fǝ cha'a Farta kǝɗ wanchiɗan mbendǝn fata'an. ² Chokam khur mbǝnfara'an kǝɗ ɗǝnɗi mbǝnfa Yesu mǝnchi tǝ paɗ fǝr tǝn ind 'yan kǝ pafǝn tǝ tlǝrandǝ fer'yan kaɗ kǝ Farta kǝtlǝm mǝnchi tlǝrandǝn ferkaɗi tla ndiichan ǝna tlǝt kǝmɗi Farta. ³ Fǝlaukǝta tǝ chǝka we'tǝ tǝkǝmǝn mi, chǝka tǝkǝmǝn fǝlaukǝta kǝ tamfe mbǝstǝ patlang wunwa, kǝtlǝm kǝt kuɗuyu kǝmchis tǝ fǝ parapancha. ⁴ Malaman sǝɓtǝ ndikte, ndik ɓamkǝta, chika tarak ɓamkǝta fe kǝmwakchisi, tǝ kuɗuyu ta'an chokam kǝ fǝ chit usoko. ⁵ Sǝnwunwa fǝlaucha, fe nawakchǝ chiɗchiɗ, tlǝ 'yatata, fǝ manandǝ ɗǝkhacha nandǝ mbǝs mandi khulafǝrtǝ i Yesu tǝ Farta . ⁶ Kǝ lǝm nefwunchi kokha ɗǝchawa, kǝtlǝm kǝt ɗǝchiini, sǝɓti khuri Fartǝ ɓat kakh ƙǝɗar wanchiɗi tlǝ fǝrwakchǝ ma nda. ⁷ Kǝtlǝm kǝt nda'an, kǝ wumawun indǝ tǝ tandawa. ⁸ Chokh kun khur wutla, paɗ nakanya kun ɗakǝta khur chinmǝn. Ə 'wikowun kǝɗ wanchi ɗakǝta. ⁹ Ɗichiɗi tlǝ fǝrtǝ ɗakǝta nda'an ne kǝ mbǝs kafata tǝ fǝrkit. ¹⁰ Yaham ɗichiɗi na chinmǝn chit kheɗɗi khursi. ¹¹ Kǝ ɗǝfwun kher kǝ khur tarchiɗi nawak chǝ ndiichan i wutla wa, kwech kǝ mbaamǝn kes. ¹² Ketlǝm kǝt ɗǝchiɗi tlǝ chitwun mǝt wuɓta ɗǝ khartǝfata. ¹³ Kǝtlǝm ɗich nat ma ɓi ɗakǝta, nafe na tanda. ¹⁴ Nat ɗichiɗi mba tǝ fe chok kǝ ɗakǝta, kǝtlǝm kǝt nda'an ndakfewa, ''Nakh nu, chǝ tla ne su' ene, tla'u khur mǝmatacha; na ɗa kǝti Kristi nat ɗar indǝ'yo." ¹⁵ Kaɗamkhar tǝ cha'at'yowun nga kǝɗ fe sǝnwakchawa, kǝɗ fe sǝncha. ¹⁶ Tǝ farti ini, kǝtlǝm kǝt sǝɓti wanmǝncha. ¹⁷ Kǝ chokwun kǝ mbanchawa, kǝtlǝm kǝt kuɗu, sǝnam ɗǝnɗi ne kǝ sakti chinmǝn. ¹⁸ Tǝ paɗ kǝ ngalwun tǝ ǝnɗi ne tǝrowundawa, kǝtlǝm nan sǝɓandǝ nefkaɗi. Ngalam tǝ semete tla chiɗchiɗ. ¹⁹ Nakowun ndiktǝ tǝ ra'an khur zabura tǝ 'yemse tǝ 'yamǝs semete, kǝnowun inda tǝ mbǝnfatfa tǝ wandǝ kaɗat'yowun kǝmɗi chinmǝn. ²⁰ Nde kǝ nowun fǝr kit kǝtlǝm nat ɗicha khur tlǝm Farta tǝ chinmǝn Yesu Kristi. ²¹ Kǝnowun fǝran wandekaɗachyowun ra'an kǝtlǝm Kristi. ²² Nǝssa manaman khǝssǝyowun kǝɗ Farta. ²³ Kǝtlǝm kǝt khǝs nefe mǝtlan nech kǝ tlǝ panngnti nunefe kǝɗ ɗinɗi na Kristi kǝ tlǝ panngnati fǝ tǝr mbancha, mǝtlan paɗ ne kǝ tlǝ khǝra'andǝ fata. ²⁴ Kǝɗ ɗǝnɗi tlǝna fǝ para Kristi fǝran mandǝ Farta, waat kuɗu paɗ nǝssa kǝ manandǝ khǝssǝyanda khur chǝkamǝnat. ²⁵ Khǝssǝ paɗ, mbǝnan fa nǝssǝyowun kǝɗ ɗǝnɗi mbǝn Yesu fǝ para mbanchan, kǝɗ ɗǝn fǝrtǝn indǝ 'yan kǝtlǝm kǝɗ tanda. ²⁶ Chichan kuɗu, kǝtlǝm fǝ parandi kǝnandǝ wǝɗwǝɗ, chiɗchiɗ paɗ tǝmɗi chit 'yem kǝ in tǝ mbata. ²⁷ Chichan ɗinni kǝ fǝr indǝ'yan kǝ fǝ parach'yan fe ndiichan nga tǝ kwarmǝriyawa, tǝ ǝna ǝnɗ ne 'yatata tǝ ǝn kǝɗ ɗichiini, waat kǝ chokwun chiɗchiɗ nga fǝ sǝɓaanchaan kaɗwa. ²⁸ Kuɗuyu paɗ khǝssa kǝ mbǝndǝ fa nǝssanda kǝɗ fach'yanda. Tla tlǝ mbǝnchǝfa nuwan nǝn mbǝnfa ind 'yan. ²⁹ Nefsǝ tamchǝ kar ind'yanwa, tlǝ nachan kǝra nda nakan mbǝnfa anchi, kǝɗ ɗǝnɗi mbǝn Kristi fa fǝ parambancha. ³⁰ Kǝtlǝm ngamǝn chichongdiyan. ³¹ Kǝtlǝm nda'an, na nef mal chinan kha tǝ manan kǝ tlǝraɗanchǝ nuwan kafa, chep nde kǝ chokndǝ kǝ arta. ³² Ǝna wuɓtǝ iniya kit ta'an, tǝ manɗi natǝn, tǝ paɗ nachi ndikte kǝ ɓǝrati Kristi tǝ fǝ para mband'yan. ³³ Chika kuɗu, chǝk wuni waat kǝ mbǝnfa nuwan kǝɗ ind'yan, nunef paɗ waat kǝ fǝran mandǝ chǝmata'an.