¹ Kətləm da'an khur natənkha kha tlanech khur sakhta chənda, ngət siyowun nda kə chokwan keke tə yatdi'ya farə wunchə. ² Chokam tə wandə kada fər manɗa tə yakh ra'an tə kərəsta. ³ Kwe 'yəmkha ka'an kə nowun khur semet arta kətləm kənowun chok khaskhas kəta. ⁴ Fatsə arta tə semet arta kəd ɗəndi yatfewunchə kə dar dət wandə kaɗat arta. ⁵ Chənmən fartə arta, fətkit arta tə pad baptisma arta, ⁶ Farta arta pad mətlan ne kə chənmən nat, nat chəkami kharyan. ⁷ Chokwun faranfe kaɗa fər əni Almasihu. ⁸ Kəd dəndi mba tə dikti Farta, "Ɗəkan kafərta, ɗəkan na parat tə mafacha ə khur mafakəta fərankan sən ən nafcha." ⁹ Mənekə saktaan, "Ə tərsi," tlə ndachfəwa tərkhaka kə kan khakha. ¹⁰ Mətlan tə inni ɓach kakhyu mətlan ne tərtə kafərta kətləm chəchan kəɗu kə ndidenche dəcha nat? ¹¹ Almasihu fər chan əna chətaan kədaya fə ɓa'a ndəndi mbati Farta, fowun pastocha fowun fə chaandə nafchə khar. ¹² Chəchan kədi kətləm kə takhasfa tə fə para Farta kəkləm chət taran, kətləm tənda kafi Almasihu. ¹³ Chəchan kədu kətləm kə saamən nat kha arta, fərkit tə sən wai Farta. Chəchan kəɗu kə saamon kapakəla, kəɗ fə saanchə nat nati Almasihu kha. ¹⁴ Nachan kəɗu kətləm kə cha mə chok mən kəɗ wan wanchawa. Kətl nəfe təɓraməndəkhawa da'an kəɗu kətləm kə paramən choka wun chaandə kadi tla nech nat i sa khure tə chaadə kadi i nafcha fə datl chət lekte. ¹⁵ Kətləm ɗa'an namən mbu kitlaan khur tlərdakta kəttəm kə manmən khur nat chəkamə nech kə ya'an, mə tlan tə də nech kə Almasihu. ¹⁶ Tənanch Yesu fatyan fa farket nat. Kəmchə fataan tə chəkawun tanngtlata kətləm fatyan mani tənanchə indiyan khur tlərdakta. ¹⁷ Kətləm nda'an ni tədandə tləmat yowun khur tləm chənmən ndatwa kə ngərwun nat chok tə kət fe sənwak chə Fartawa, tlə nat ndə chət kə tla nga wachə kəsandatsi. ¹⁸ Kəm sən ən yandə kachi khur wandə kadata, ramchə na kanɗa kə ɓəs sisingdi Farta kətləm kumi sən ən yanda təmdi kwakwa tə wandə kadachyanda. ¹⁹ Harandau fatawa, fərndə fatyandə kə tar nafkəta təmɗi səɓtə tarcha. ²⁰ Nga kuɗu cha'atwun ndəchəti Almasihu wa. ²¹ Kadatinchəwa tapi səkwun. Chichanfe chaowunchə fe khar ə khuran kəd dəndi na kit i Yesu. ²² Waat kə məkawun dakhtə ənachət yowon kadi, dokhtə nef kə səbchə kadi kətləm yakh əna. ²³ Kə yakhwun dokhtə nefe kətləm kə chapan chə fe kaɗ khur semetyowun. ²⁴ Cham kedu kətləm kə nowun kə yuwa nafchə kəɗ Farta. Chəch fendə khur kakəta tə chiɗ chiɗ kəta tə fər kit. ²⁵ Kətləm nda'an weleman lektə kach. "Mbaam kit kəmdi tla natwun nduk," kətləm ngəmən fati ra'an. ²⁶ Kə səɓawun wandə kadach kadi, mə chəwun ɓəɓəfatawa, mə ngəmawun kə khəm fartəkhaa ngən khur səɓtə wandə kadatawa. ²⁷ Mə fərawun mbandə khwerawa. ²⁸ Mat tla ne kə yere kə ngər yarkət padwa kə malanchi kə chet tere. Kə chə tertə khar chiyan, ma'nan ɓəs andi natən farandə fə nawak chə yandə si. ²⁹ Kə ngəmawun kə chə səb tə ndi ktə kəs mee yowonwa mani ndaan kən kə kaa ndikche tla ne ɓat tə kaakəta kəmɗi fə səkchaan. ³⁰ Kə səɓawun wndə kadati səməti fartə kaɗ tla ne chid-chid wa. Kətləm timni chəfe mənchə kətləm Fartə ɗina fe tlət mənchi. ³¹ Chamaman səbtə wan'ndə kaɗat kaɗ nat wənikəte, səbtə wandə kadata, njir fata, nat tə kwa'an səbtə fata. ³² Chaman kakət raanta, kətl hadawun chə raanfa, kətl kalawun ra'an khaa kəɗ tla tlə kalowun'ndə Fartə khaa chur Almasihu.