¹ Kətləm ɗa'an ngət Bulus, tla kənanda də kətləm Almasihu kətlə ngun fə sənwakchə Farta. ² Ngət kadatwa səkwun ə dar kapa tar mbəs əni Farta tla fəritən kətləm ngowun. ³ Ngət yarawondəsi kə dar əndi pənanɗə fartə nefe ə wubta. Tlaya nekə wubtə kit tə yarata ɗəkbətl ə khur sənan. ⁴ Ma chan kawun kə tlaya. Nowun mɓakhən sənandə dikti Farta tə khur wubtə fərkit kə ɗar Almasihu. ⁵ Tla ə yuwa khesichi pəna waktəfe nafchawa. Nakan ə pənfə kə dar fe tlən ndefe tə fe tlə mba andəfe əndi ne səbta tətla ne chəta ta chaan ə khur semete. ⁶ Wubtə diktidiya nda'an ne ke fe sənwakchə Farta fen pad tlawur bəswən madi Farta kedecht tə ngan, tangatlat ə khur far arta tlawur wumdiya ankha ə khur didado dən di nda dəfe nafe kə cha khur Almasihu Yesu təmdi dikti Farta. ⁷ Kətləm tlaya chən chokad kə mafata təmdi fər mafakəti mbəs ən khar mədi Farta tla fəritən təmdi kwakwakəti alkətyan. ⁸ Farta fərichi sən ənidiya. Chok nakan ngət ne nguɗukh khur fə tatəfe ə Farta, kə mbasani fe sənwakchə dikti Farta ə dar fərti Almasihu tla ngawakchə tletkcha. ⁹ Kə sənani chokawun nefe kə dar tachasti Farta, wubtə fərkit tla ə nadi kha mbərchəkha Farta wubancha, mətlan tədi nech kə tlə tən chəkami nat. ¹⁰ Kətlam da'an ngomən nafecho Farta, fə alkəta tə fə kuturakti khwulafəlta naɗə sən mbər əni Farta tə chəme ndə sam-samən. ¹¹ Chəchan kəɗu kətləm natyankcha kə ndi tə kada ən khur Almasihu chənmən. ¹² Kətləm ə khur Almasihu ngaan mba owon əndi ne dichan. Kaan, tə mbər kəs ənkhar kətləm fərkityamən ə wuryan. ¹³ Kətləm da'an ngət kətləm ngun tla nach kə əna manowon nda. ¹⁴ Kətləm da'an nati cham kurum chə kha tə wadchinchə kha tə wadchinchə ə pangn chənda, ¹⁵ tla təmdiyan tlə 'yafe chəkawun tləwir tə nafchəyan tla fərta tə tla khakha. ¹⁶ Ngək kə ngəmonchi ə dar ter mandəyan, kə chəwun kwakwa kaan tə alkəta təmɗi semetyan, tla nech khurwun. ¹⁷ Ngət sita Almasihu kə chok ə khur wandə kaɗachyowon təmdi fərkityan. Ngət sita paɗ kənowon kwakwa tə təndə kha tə kurengnga kəta ə khur tlərdaktiyan. ¹⁸ Kətt nowen khur tlərdakta kətləm kə sənwun, təfə parachaan, mənek khurengnge kəta, tə khətl mɓər, tə mbara tlər dakti Farta. ¹⁹ Ngət siyowon nda kətləm kə sənwun əndichot Fartə tlərdakta kəmdi Almasihu mbərranchə sənnda. Chan tlaya kətləm kə ndiɗanfe nat didandi Fartəkha. ²⁰ Nakanya tla na alkət chət chəkami mbəkami mbəranchə dəndi sta'an nɗu kaɗata, tə alkətyan tla ne khurmən. ²¹ Manda kənsi kəmdiyan ə khur nafchi Farta tə ə khuri Almasihu Yesu kə yuwa yuwach chesi kə fərə. Kə chok kəɗu.