¹ Chokh mematach nakowun khur ɓǝɓifatyoun kǝtlǝm chǝwowun ǝndichanwa. ² Khur ɓǝɓife ini maɗuwun khuran kǝɗinni yakh tǝ khessi we'tǝ seme ini yim chǝ khuri sǝɓtǝ wancha ³ Chokh natmǝn 'witǝkha khur nafchiini para sǝɓtǝ ɗǝch ǝ yakh tǝ fat'yamǝn. Nakamǝn khupandǝ khuri Farta, kǝɗ ǝnna chitǝ fe tlǝ nach sǝɓande khuri Fartǝ kaɗi. ⁴ Farta kapa tlǝ mbǝnfata nda'an ni pǝnamǝn ndǝn yakh tǝ kaanyu chǝkawuni. ⁵ Tlǝkhaɗi natmǝn kǝ mǝmatacha khur ɓǝɓifata, ɓakan kaɗ tǝmǝnchi khur yuwa sisingndi Yesu. ⁶ Tlaamǝnchǝ Fartǝ natmǝn kara'an kǝ chokmǝn nat arta tǝ Almasihu Yesu. ⁷ Chichan ɗinni kǝtlǝm khur khurachiɗi na ɓata kǝ mbǝnnan mbǝsta tǝ kakǝt'yan tǝmɗi Yesu. ⁸ Kǝtlǝm tǝmɗi tlǝrɗaktiyan khǝra'awundǝ fee, nga tǝm ɗǝyowunwa nachan pafǝn mǝɗi Farta. ⁹ Nga kǝtlǝm tarchiyowunwa, kǝtlǝm ndaan kǝ chǝ nef maan lndawa. ¹⁰ Kǝtlǝmkǝt ngamǝn tar kher'yan chǝtǝn khurAlmasihu Yesu kǝ chǝmǝn ɗǝch ndiichan kǝmɗi Farta, kǝ chokmǝn khuran. ¹¹ Kuɗǝkama chokh na chowun khur fata tlǝ 'yach fe wunchuwa fǝ kumi khecheche tla tlǝ chǝt nafchǝ nakanya tǝ khere. ¹² Fartǝ ini chakwun kha tǝ Almasihu Yesu, ramchǝ nakowun kǝmɗi Israilawacha, ramchǝ kǝ takhsanan kha. Sǝnwowunwa nowun wennendawa, ngunsi tǝ Fartawa khur khesuwa. ¹³ Nakanya nachowun khur Almasihu nguwunti ɗi nach langa chokh tǝ Farta, mbǝkhoonchǝfe nduk tǝmɗi feryan. ¹⁴ Ndaan nech kǝ khaskhas tǝ fat'yamǝn. Kǝtlem wumandach kha arta khur fer'yan fokhandǝn tlartǝɗi kha chakamǝnchǝkha. ¹⁵ Ndaanni welendǝn ndik para doka kaɗ tǝ ndik ǝnna chǝcha kǝtlǝm yuwa nefe khur fat'yan. Kǝtlǝm chok khaskhas kǝta. ¹⁶ Chichan kuɗu ƙǝ tahsanchǝ nafchǝ chep kǝ fat arta kǝmɗi Farta tǝmɗi kukwata tǝmɗi kukween ini welendǝn inmǝrtǝ kaɗi patlangnanda. ¹⁷ Yesu ɓi tǝ khaskhas tǝ fata nguntǝɗi nach langa tǝ fe nach nduk . ¹⁸ Tǝmɗi Yesu nat mbǝs tǝmǝn semet arta kǝmɗi chǝnmǝn ¹⁹ Kǝtlǝm nda'an ngun tǝɗi sǝnwakchǝ Fartǝya, nga ramchǝ nakowun wa, ngun tlawurchǝ ra'an tǝ taɗchaan i Fartǝ khari tlawur teryan. ²⁰ Tlǝ nowunchǝ fe ɗar fǝ ɓascha, tǝ fǝ mba tlǝnchi Farta tǝ Almasihu Yesu tǝ ind'yan ne kǝ ɗakwanan. ²¹ Tǝmɗiyan na ketǝn sitaan arta nakan mandǝ khur tlǝman. ²² Ə fiyan tǝ nowundǝ fe arta kǝ chokwun mǝɗi fartǝ khur semete.