¹ Wancha fǝraman mandǝ parchǝwun khur semete kǝtlǝm ndichansi. ² ''Manandǝn chu tǝ mu'' (nda'an nach kǝ tǝrkan ɗǝnɗi nda Fartǝwa kǝ chǝmǝn), ³ ''ma' nan nat ndiichansi kǝmɗiyowun paɗ ma nowun nat kha ǝ khurkhesi." ⁴ Chincha kǝ sǝɓawun khurchi wanchǝyowun kaɗwa paɗa kǝ yanandachwun ƙǝ tla'ndǝ ǝ khur ndikti Farta. ⁵ Mafacha, manaman fuwurchǝyowun khur khesi tǝ fǝranda manda tǝ lekǝtfa tǝ khur chiɗchiɗ. Kǝ manawun tanda kǝɗ kǝmsichi Yesu. ⁶ Kǝ fǝrandachwun manda, ngawa kǝtlǝm tandǝ nawunchi kǝ tǝrawun khurchandǝ hawa. Kwech kǝ nowu fǝr manda kǝɗ mafachi Yesu cham ɗinɗi yakhtǝ Farta. ⁷ Manaman tanda tǝ wandǝ kaɗat arta, kǝɗ tǝ nowun manandǝ Farta nga neffawa. ⁸ Kǝ sǝnwunwa nat ɗǝnɗi chǝt nefe, nan tlǝt kǝnawan mǝɗi Farta, ndu mafat nakan ndu nga mafatawa. ⁹ Kun fǝ wurcha, kǝ chawun mafach'yowun kǝɗa paɗ, kǝ kwarawun tandǝ kaɗwa, sǝnwun chin mafacha tǝ yuwun arta ǝ khulafǝrta, paɗ ngǝmawa nefsuwa. ¹⁰ Chokam 'kwa'kwa khur para Yesu tǝ alkǝt mandǝyan. ¹¹ Pam kapa yandi Farta 'ma nowun mbe'la yandǝ tǝ khwe'ere tǝ ǝna chich 'yan. ¹² Kwe'tǝ 'yamǝnkha nga i tlu tǝ ferawa, paɗa kǝɗar fene chok kutrakchi khesi, paktǝ kuturchǝ khwa'archa, kǝɗar sǝɓtǝ khwa'archa ǝ ɗar khusambicha. ¹³ Paɗa pam kapa yandi Farta ma' namǝn mbǝ'la tlatǝ kit khur sǝɓtǝ khesiɗiya. ¹⁴ Ke chokwun tǝ alkǝtfa kǝnawun khur'yowun tǝ fǝr kit, kǝ chuwun ǝnɗi yakh tǝ fee. ¹⁵ Kǝn pakhǝmchǝ ǝ sarta, takhsamfa kǝ mba'wun ndikti Farta i chok khaskhas kǝta. ¹⁶ Khur ɗich nat, kǝ fǝrwun kit kǝtlǝm kǝ mbakhǝnwun 'ma nowun ɓǝlandǝ kǝstiwati khwe'er kaɗi. ¹⁷ Kǝ powun lǝɓokǝr kǝɓikaɗi tǝ tlutǝ semete, tla nach kǝ ndikti Farta, ¹⁸ tǝmɗi siyandǝ Farta tǝ sitǝ khur semete tǝ wandǝ kaɗata i fǝr kit, kǝnowun parat khar tǝ kǝrǝsta paɗ kǝnowun siyandǝ nafchi Fartǝsi. ¹⁹ Siyami si, 'ma nafe fǝri tlǝnda ma inani me'inchi kha, siyama 'ma ni mbǝs alkǝt mba kit tǝɗi Fartiya tla nach wuɓtiya. ²⁰ Ketlem ndlkti Farta nati kǝ tlǝ tlǝnda sakh tǝ chalala 'ma ni mbutǝ tǝ alkǝta kǝɗ ǝnɗi kǝmchǝs kǝ ndiki. ²¹ .Titikus wanmana tla yakhti, paɗ mafati Yesu nanmbo'owun chikami, ma nowun sǝn ǝnɗi nati khuran. ²² Tlǝnchi ndi kemɗiyowun kǝtlǝm kǝ sǝnwun ǝnɗi natǝn khuran, paɗ 'ma nan furowun alkǝt wandǝ kaɗata. ²³ Kǝɓikaɗi kǝmɗi wanmanchina, tǝ yakh ra'an tǝ fǝr kit mǝɗi Farta chinmǝn tǝ wa'yan Yesu Kristi. ²⁴ Mbǝs 'ǝnkhar kǝmɗi nat fe yakhchǝ wa'yan Yesu Kristi tǝ yakh ra'an tla nawakchǝ mǝrtǝ kaɗi.