¹ A yai kotə yire re, kʊlǝn da nəbbǝn ka kura bwite bo mənni me rə ji ba jawi, kən Yesu a buwe bwiranəm bangəməng a sotən go, ² "Kʊlǝn da nəbbən de kə buni mənne, bərǝki kʊ kotə tə bwanbi nə kakin, me jǝni-jauri we. ³ Kʊ sotən mo diya kaini yatə rə kʊn ki, ba funo juwi, bərki, bagi kaina jiyu nən pre." ⁴ Bwiranəm bangem ka nga tən nəng go, "Mənni bənən nyawu jǝni-jauri ba lautəna nəbbambǝ na me kaina gaiwung a le?" ⁵ Ka gʊl hanjiməng go, "Katənə mwantə tə fum-fumi tə nyǝne?" Hanjim go, "Nyibi." ⁶ Ka sotəna nəb go a chiro-chiroi. Ka dəb mwantə tə fum-fumihiyǝng, buk ka Hangu a nəngnga tən wunan nəng, Ka kəra-kǝraiyǝng. Ka ne bwiranəm bang ngəməng go wutəgotən na nəb. Kən hanjim a wutugong. ⁷ Hanjim bo karə betǝlai bani, buk ka nəngnga tən wunanəng bo Ka sotən na bwiranəm bangəm go tə kabwi tə wutəgo. ⁸ A juwang ka rira. A kura jiya dutəniyǝng, ka riro kǝltǝ tǝ kuntai nyibi. ⁹ Ka nəbbə barəm a muri nyira netə tə gwar. Ka yo hanjiməng. ¹⁰ Rǝ-kwa-rə-kwang Ka dəga bwantulongngəng tən bwiranəm bang ngəm yǝgira kulo Dalmatiyai. ¹¹ Kə Farisawata be juga buri tən Hanguwung. Hanjǝm go Hangu na nəngngai gimən guji wu ci wulo wa jiyu, gʊlən da bəngorang ngəm. ¹² A hege yum a weguwung, kə go, "Wula maki dam bə kuwum fawe wulo jiyuwung? Mən sugəmən yǝmbə nyam, me rə wulowu bən nʊng ban dam bambi." ¹³ Ka dʊ ba hanjiməng, a dəga bwantulong ngəng ka diya yawurəng. ¹⁴ A wai fullahi, bwiranəmban ngəm ka tamən a diye bə rə jǝni-jauri kuri. Bwigi a mwan din da diye gra mura bwantəlong ngən. ¹⁵ Ka wutən suwong a hanjimi go, "Tə yo kəmtə tə fʊm bwi nyagu bəra rə julai ya Farisawati na tən Hiridus." ¹⁶ Məssarbe ka su jugga ra bwitan jiyu go, "Bə su yǝm bambe bəra ki me nənə mwan də fum-fumənǝng." ¹⁷ Yesu ka rə yǝmtang nga nyangngi, Ka sotən na hanjimi go, "Bəra rə wulai ki tə juga buri ya mwantiyǝng?" Tə yǝmbə ga? Lawerəku me tənə yǝmtang ga? Furna junu wa kuma muri ga? ¹⁸ Ka tə nə kəmte, me tə churə ga? Ka tə nə suni, me tə nwirə ga? Furna junu wa kuma muri ga? ¹⁹ N’kəra mwantə tə fum-fumi tə nʊwʊng a mura nəb nete tə nuwʊng, tə nya kǝltǝ tə nyǝna dutən? Hanjim go, "Kwau a jǝr təsʊ." ²⁰ Mənni fulawu kəra mwantə tə fum-fumi nyibi a mura nəb netə tə gwari, tə dəba kǝltə tə nyǝne? "Hanjim go, "Nyibi." ²¹ Hangu go, "Berə tən kʊ tə jǝgga bəga?" ²² Ka be Baisaida. Kən betənnə du a Yesuwi chilare mo titən kang ngeng. ²³ Yesu a tau kang ka duhiyǝng, ka jǝrmən rǝga murihiyǝng. A sug tən sugum a kəmtəng na titən kangngəng, Ka gʊləng go, "Kamən churə guji ga?" ²⁴ A jǝga jiyǝng, go, "Kamən churə nəb yorə nyǝra rite." ²⁵ A kaba titən kang a kəmtǝhiyǝng, kə nihi ya wumən kəmtəng, chutang ka gəng ka yigtən bwi churə kwe. ²⁶ Yesu go hangu a di ya kaitangngu, ka sotən go, "Kari bən dəga bər." ²⁷ Yesu a jǝr tən bwiranəm ban ngəməng yǝgira murta Kaisariya a Filibiyai. Ka juwiyǝng ka gʊl bwiranəməng go, "Nəb bə suwe go mənnə wune?" ²⁸ Hanjim a nga tənəng go, "Yohanna wu nəngatǝn baptisma nəbbi. Bagi bə suwe go, 'Iliya,' bagi bo go, 'Kwan a murə nəbbə yuwe yǝməm.'" ²⁹ Ka gʊl hanjiməng go, "Mənni jənbo, tə suwe to mənnə wune?" Bitrus a jautən go, "Mwe mənnə Kristi." ³⁰ Yesu a mwetən suwung go kari ba sotəna gʊ ni. ³¹ Kən Hangngu a su məsatəna hanjimi go, a chi bwi Yǝla Niyu a no kunang a mura jǝni mwam, tabe, nəbbə gram bə tung jǝna chǝriya Niyajiwum, na rə bə mula jǝniyǝm ba kwila Hangngu, bən ju, a buk ka kotə tə bwanbiyǝng ki ba gun. ³² A suwe yǝm həm nən tangsang. Kən Bitrus a bu Hangngu a kəng ngən ka su mwila tən yǝməng. ³³ Kən Yesu a wulga bwi jǝga bwiranəm ban ngəməng, Ka mwilatən yǝm a Bitrusi go, "Kawe bwi a buk ka miyǝng mu Shetan! Jǝya da ni me wa Niyajiwi wa jǝna nəbbə." ³⁴ Kə Hangngu a buwe nəbbə mwaməm na rə bwiranəm ban ngəm go, "Niwu farə go gə fungiyu ki, a chi kwak a ko durdangən, na dəbbe riyang yuwarang kanggəng na fungngiye. ³⁵ Bəraki, wunə wu farə go gə jǝg yum bangngəmmiki a chi bwi a buna, wargu wa buna yum bangngəm bəra nənmi na bəra rə yǝmbə ləmmangngǝm ba jəg. ³⁶ Ni ba nya fini tə nyǝni nyǝngka kʊra jina gusǝti warguwung, na buna yumbang ngəməng? ³⁷ Wulai ji wu ni ba nəbbən a nyi ya yum bang ngəmmi? ³⁸ Warigu ni wʊ ba chitən jiya bujǝriyu na rə bwamər damiyǝn a ban dam ba jǝni-bwiraiyǝmbe, Yǝla Niyu ba nwi bujǝri tangngʊ a ji wa babe tə we-təmri a mura gratətta Teyu."