¹ Farisawatǝ ka kʊra bwi a gwan Yesuwi tǝn bagi nəb mularəm ba soriyǝm ba jire wa Urshalimam. ² Hanjim ka chu go bəgai bwiranəm ban Yesuwum bə jau jǝni rə kani kursən. ³ (Bəraki a chi tən bwi a Farisite na yahudate a yuramən kani kadu a jau jǝni, me bə jarə jǝni kani kʊrsǝn. ⁴ Farisawa kauwe bwi a banduwa ki, a chi bwi a waihi ka mənna jau jǝni-jauri. Ka yagi sortəwe mwam yǝ hanjim fungri wa tau yuraməntang a chulaiti, gute, rə gani chirona gun jarə jǝni-jauri wi.) ⁵ Farisawa tən nəb mularəm ka nəngnga tən gʊlǝn a Yesuwi go, "Wulai jǝ ya nəngnga ki bwiranəm ba mum me bə fung sori ya nəbbə graməng? Bəraki bə jau jǝni-jauri rə kani kʊrsǝn." ⁶ Mǝnni kǝ Hangu a jautən go, "Ni yuwe yǝmi, Ishaya ka suwe rǝ langtang go jǝn nǝbbǝ bwiram. "Ka mula go, ‘'Nəbbə, nəbbəntang ka gratəng ka jiyǝng wa nyi, mənni furna jiyu ka nənga pəre nənme. ⁷ Nyini ruwa na jiyu yirə kuni, me guji a muri, mǝsarang ka nəbbəng gǝn soriyan jiyu.' ⁸ Kətə jamən sori wa Niyajiwi, tətau məsarang ka nəbbǝng rə kumni." ⁹ Nyang bo ka sotǝna hanjimi go, "Kətə nǝngnga na kǝ nyang tǝ ti soriya Niyajiyuwi rə kəng, to na tə fung soriyan jǝnu. ¹⁰ Musa suwe go, 'Ne grate temu tən ne mu,' na, 'Ni wa kəbba te tən nei ba bwiya. ¹¹ jǝn tə suwe to, 'Ni a sotən na te tən ne go, "Jiwu na bən nənni kən ne Niyajiyu,'" ¹² rə nyang, kətə ne sǝr ni to karba tuga te tən ne. ¹³ Kətə ti soriya Niyajiyuwi a yu ji rə kʊni, bəra rə mǝsarang ka jǝnǝng kǝ tǝ yǝggang. Na rə yagi jǝni dǝn-dang tǝ nǝngngari." ¹⁴ Ka kaba bu kulən da nəbbən sotənnə go, "Tə kautən su a mi waringǝm ban jǝnǝm na tə jǝgga. ¹⁵ Me guji wa tariyu wu dǝgira muriyu wuba ləbtə niyu, jiwu jire ra niyu ngə ləbtəni." ¹⁶ Niwu karǝ suniyu ki nwi ( yagi wani funi me rə wai nyai we). ¹⁷ Yesu a du kulən da nəbbən na gun a dəga kaiyǝng, kə bwiranəm bangəm a gul hangu a ji ya yǝm-dəgrəməng. ¹⁸ Kən Yesu a jautən go, "Bali jǝn nyang tə jǝgga bə ga? Tə yǝmbə to ji wu dəgira nyi ya niyu me ngə lugtə ni ga, ¹⁹ bəraki me ba dəga furi ya gu, mənni bə dəga furdan ngǝn, a buk ki bən nənga tari rə ge." Rə ban yǝmbe, Yesu bə suwe go jǝni-jauri warigu nən nyagu. ²⁰ Hangu go, "Jiwu jirera nyi ya niyu ngə lugtə ni. ²¹ Bəra ki kǝmarangkə bwirang bə jǝre wa furi ya niyu, dagatang kǝ sirǝmǝng, kute, jurang, ²² talte, jələn də bwiran, furi bwira, sʊ, gugtang ka durǝng, mwǝte, jǝrdə bwirang. ²³ Warigu jǝni bwirai yaiye bə jǝre wa furi bəngə ləbtǝ ni." ²⁴ Ka gun mənna gaiyǝng ka diya murta Taya na Sidoni. Ka dəga tagi kaiyǝng, bəra ki me bə farə go nəbba yǝm, mǝnni a bara bə bwi. ²⁵ Mǝnni rǝkwa-rə-kwang, gu nyi wu we bwira darǝ yuwiyan guwi ka nwi ji wu Yesu nəngngari, ka be yara kag ka gəngǝng. ²⁶ Nyi hi wa təmba Girkami, buwʊng ka Fanichang. Ka chila go Hangu a jǝgmən weni bwirai yǝ da yuwiya guwi. ²⁷ Hangu a sotəna nyihi go, "Masifu bətəba ri fur, bəra ka dautənbəwe dəb jǝni-jaura bətəbiyu ne jwate." ²⁸ Kə nyi hi a jautən na hangu wi go, "Nən nyang, Nigra, mənni jwate ka nya kǝsǝlaniya yǝra təmmi." ²⁹ Ka sotən go, "Bəra kin suwe nyanyǝngkəng, di. We bwira ka jirmən na yumoi." ³⁰ A kabwi ya kaiyǝng a nya yuwi a dəddai a swete, we bwirahi ka jǝr. ³¹ A kabwi jir mənna Taya ka tutən na Sidonəng a kulo wemang ka Galiliying yigira a mura təmba Dikafolosəm. ³² Kən betən nə gu ni wu langər a buwabwiyuwung, kən chila Hanguwung mo titən kang. ³³ Hangu ka wumənne ni hi a jugǝr da nǝbbǝn a be gra kəngngəng, ka titən wurtangu a suniyan guwung, a sug tən sugumǝng, ka məbra langngər da ngənəng. ³⁴ Ka jǝga jiyǝng, ka hege yuməng , ka sotən go "Ifatha," ji suweri go, "wumən." ³⁵ Rə kwa-rə-kwang, ni hi ka su nwi yǝm, ji ya buwa langngər da ngəni ka kuwo mǝn nyagu. ³⁶ Ka bautən jir go kara sotəna guwung. Mənni rə jir da bautən nən wariguwun, hanjim ka si finang ka swer da nəngngan. ³⁷ Jǝni Hangu nəngngari ka ne mənna tang nga buni hanjǝm deni, surə go, "Hangu ka nəngnga jǝni wargu nyagu. Nəbbə me bə nwi yǝməm rə bə me bə surəm, kə nwire surə wal-wal."