¹ Rǝ mori wullagngǝng nǝb bǝ tung jǝni ya chǝriya Niyajiyu a chiga na nǝb mularəm na rǝ dəntəllən da Yahudawan warigu, ka tau Yesuwung. Ka di gra ne Bilatusǝng. ² Bilatus a gʊl hangu go mǝn Nidʊ a Yahudawa ga? Ka nga hangu go mwe "Suwe nyang." ³ Kə nəbbə tung jǝni ya chǝriya Niyajiyuwi ka sʊ nyate dandang a dur ra Yesuwiyǝng. ⁴ Bilatus a kaba gʊl Hangnguwung, go, me mənni ji bən suwe ga? Jǝga nyatətte mwam sura mwi yute. ⁵ Mənni Yesu a kabwi ba jautən yəm a Bilatusi go nyar, ka ne mənnatangnga buni hangu. ⁶ A jiya bwiləmriyu, Bilatus ka jamən kang a ni wa jarəmmi wu nəb a fau go jaməmni. ⁷ A mʊra jarəm ka nəbbə gug dutəm na nəbbə juwo nəbbəm. Ka guni juwo nəb bərə mo Barabasi. ⁸ Kə kulən a be təna Bilatusi chəllarə go nəngnga bəmən nyəng kə gəra bugəng. ⁹ Bilatus a nga təna hanjimi go, “Bətə fau to jamən kangnga Nidʊ wa Yahudawa ga?" ¹⁰ Ka yəm go bərarə nʊggən ka dəg nəbbə tung jǝni a chiriya Niyajiyu ka nəbən Yesu a hanguwung. ¹¹ Mǝnni nəb bə tung jǝni a chiriya Niyajiyuwi ka swi kʊlən rə wurte go jagəmən Barrabas a nyi ya Yesuwi. ¹² Bilatus a kaubwi a gʊl hanjəmmən, "Mən nəngnga wulai rə Nidʊ a Yahudawai?" ¹³ Ka nga rə wurte go "Yuwa hangngu a rəyang yuwarang." ¹⁴ Bilatus a sotənna hanjimi go, "dənə bwiran da hangu a nǝngngan?" mənni hanjim ka mau wurtə a ji aji go, "Yuwa hangu a riyang yuwarang." ¹⁵ Bilatus farə go gə lembwi nəbbǝng ka jamənne Barabas. Ka bukte Yesuwung, ka yagtǝna hanjimi go a dərəga riyang yuwarang. ¹⁶ Kə nəbbə Barǝkǝrangngəm a di gra gwa duute (a mura gu nəbbə gram chiwi). Ka buwu nǝbbǝ barǝ-kǝrrangǝm bǝ ka gaiyǝm warigu. ¹⁷ Hanjim ka maitən dugkǝ rə hiya doriyəng a Yesuwi kən hanjim a dəgtən gurmong ka gratən da tʊttən a hanguwiyəng. ¹⁸ Hanjim ka kasu nəngatən surang go, "Kənən sənne, Nidʊ wa Yahudawai!" ¹⁹ Hanjim ka wutən damər a dur da gen ka suk tən sugəm a hanguwi ka ruro a kak ka gəng da bə ne gratə hangu. ²⁰ A jiwu hanjim a nəngngatən nur a hanguwi kən hanjim a jǝgmən dʊkə rə hiya doring ka maitə dukka gəngəng kən hanjim a di rǝga tari natə yuwa a rəyang yuwarangngəng. ²¹ Kǝn hanjim a dəg ni surii kwag wu digi yigira muriyu bəri go dəb riyang yuwarang ka Yesuwung, ni hi mən bu mo Saminu Bakairawani ten Alexandai ten Rufusi. ²² Nəbbə barə-kǝrrangngəm, ka yigi nən Yesu a golgota (a gwa kussiya duri). ²³ Kǝ hanjim a murga hi chulluwi tə wu rangngi ka ne Hangnguwung, ka kwilla notangngəng. ²⁴ Ka yuwa Yesu a rəyang yuwarangngəng ka wutəgo dute ta guwʊng, ka nəngnga saurangngǝng go na tǝ chu kǝ wune gǝ ba jauki. ²⁵ Hanjim a butən hangu a riyang yuwarang rə fulla chini ya koi wurwin. ²⁶ Ka mulatən bwiran da gən a riyang go, "Niduwa Yahudawai." ²⁷ Yuwa hangu tən kubə bəsu, kwan a kang kə nyang kang gəng, kwan a kə gwilang ka gəng. ²⁸ Dʊn də yulgoin ka ri Bwi, kən yuwa tən nəbbə bwiram. ²⁹ Kə nəbbə surəm kəbbarəng, məga dutte, suga rə ''go!, muhai wu bən nyəng kan də ruwanyiniyən na mʊ amʊra ko te tə bwabiyəng, ³⁰ jəg dur da mən, na suwe wa rəyang yuwarang!'' ³¹ Nyang bo nəbbə tung jǝni a chǝriya Niyajiyuwʊng na nəb mularəm ka nʊra go ''Ka jǝg bagi, məna dəmənbe jǝg-tang a dur da gəng. ³² Massi na Kristi Nidu wa Isra’ilawai, a suwe wa rəyang yuwarang ku nyengke, na nən chu na nən nəbbən yəmbə nyam'' bǝn yuwa kin a riyang yuwarangngǝm ka nəngnga tən nʊrəng. ³³ Ji nukunni yigəra ji wurwinni, kʊm ka məra təm yəllu. ³⁴ A jii wʊrwinni Yesu ka mau wʊri rə kumni go. ''Eloi, Eloi, Lamathsabathani?'' Bə suwe go! ''Niyajiyuwa miyu, Niyajiyuwa miyu wullai ma kən ni yǝlliyəng?'' ³⁵ Kə ba sira gai na nwi yəm ba gǝmǝm go, ''Chu, hangngu kǝ bərə Iliya." ³⁶ Kə guwa mwa a dəgge sʊn a hi rangngiyǝng ka gugga sweng a yagtən go no, kə ni a suwe go, ''Bənən chu kə Iliya ba be a sǝgge ki.'' ³⁷ Kən Yesu a tiwi rə jir də kuntang rə kumningyǝng ka bwiyang. ³⁸ Kǝ dʊg kə ka kan dən ruwanyiniyǝn a bura fangni tǝsʊwung a dǝbe wa ji bera təm. ³⁹ Kweli a nəbbə barə kǝrrang ngəm ka gai ka chu ngəngkə Yesu a bwiyarəngəng, ka suwe go, ''Bə nyam ni waiwe nanu Yǝlla Niyajiyuwi.'' ⁴⁰ Ka nyim ba sira prerəm jigga wurəm, nyihəm nən Mariyamu Magdaliya, Maryamu (Ne Yakubu na Yusufuwi) na Salomi, ⁴¹ Nyim bambe ka tən hangu a Galilee nəngnga tən swer. Tən bagi nyim mwam ba fungngəm bera Urshalima. ⁴² Yʊwa mang, bəraki a ko surbwi rəgi nyəngkə gə ko fʊngrə ko gəriyu. ⁴³ Kən Yusufu niya Armatiya ka be gai nni nəm ne grata a mura dəntəllən, yam dʊʊte ta Niyajiyuwi. Ka di durra sǝssi a gwan Bilatusi go nəggən bwi ya Yesʊwi. ⁴⁴ Bilatus ka mənna buni rə bwiyatan Yesuwi ka buwe kweliyǝng go nagǝ nwi ki Yesu ka bwiya ki. ⁴⁵ A nya yəm bə nyam a gwa kweliyu tən nəbbə barəkərangəm go Yesu ka bwiya. Ka ne bwiyan Yesuwi Yusufuwʊng. ⁴⁶ Yusufu ka sutawe dugkə kwanwʊng ka səge bwiyan Yesuwi a riyang yuwarangngəng. Ka bera dʊgkə kwawung a mǝra Yesu rəgəng, ka tə ya mʊra su wʊng sullla mʊra weri wʊ dəgmən bə ni wi ka tʊngnge wer a mǝra su hi rəgəng. ⁴⁷ Mariyamu Magdaliya na Mariyamu ne Yusufuwi ka chu gu dəg Yesuwi.