¹ A bukka ko nyibiyu a suwung, Mariyamu Magadaliya tǝn Mariyamu ne Yakubuwi na Salomiyu ka sutta wu jǝni mətəmətə go na tə swaratən a bwiya Yesuwi bǝri dǝgtang. ² Rə mori wullag a ko rǝ jiguwi a nyibiyu, ka diya suhi fulla ko jəre. ³ Kə sugarə go, ''Wunə ba mərgo bəmən wer dən məra suhi gərən?'' ⁴ A jəgang, ka chu kən mərgo werhən, kuni, bərkə nən kuntəgən dəni. ⁵ A dəgi a suhiyəng kə churə bwelli a mai jəni kwau, a chichi a kullo kangkə nyagngi, ka mǝna buni. ⁶ Ka sotənna hamjimi go, ''Tate kara magənne. Tə fau Yesu, wa Nazaredi, wung yuwa riyang yuwarəngngi. Ka gun! Me gwe. Tə chu gu məna ti wi. ⁷ Tə di na tə sotəna bwiranən bagəm na Bitrus to ka kakkan jənəng yəgira Galili. Bətə chu hangu a gai, nyəngka sugəman gərang.'' ⁸ Ka jəro wa suhi rə səngniyəng rǝ tate, bwitə kare rə mənatang a buni. A sotən bə yəm a guni bərirə tatte. ⁹ Rə mori a ko rə jiguwa nyibiyu a bukka gunəng, ka nung dur dan gən rə jigu Mariyamu Magdaliya wa jəgtang weni bwirai nyibiyu. ¹⁰ Ka di a sotənna bə na nu kinəm, nyənkə nəngnga bumtə rǝ tirotangnga witəng. ¹¹ Ka nwi go kari yum, kəgə chu, məni hamjim a nəbənbə yəmbə nyam. ¹² A bukka jəni yaiyəng, ka nung dur da gən nəb bəsu bə dii yigira juwiyǝm rǝ kagi biyang dang. ¹³ Kə hamjim a kaubwi a sotənna bagi mǝssarbəng, mənni a nəbən bə yəmba nyam. ¹⁴ Yesu ka jərtəne wa mǝssarbǝ ba gəm kwou a jər kwan, a ji wa kawur ganang jarə jɨnni jauriyu, ka milatən yəm a jiya bunaiya nəbətang a yəmbə nyami na furini nəgənni yan jiwu, bərka nəbbəmbə yəmbə nyəm a ba sotən go kətə chu Yesu ka guna su. ¹⁵ Ka sotənna hanjimi go, ''Tǝ diya mura gusǝte tə wau yəmbə ləmangngəm a təm warigu. ¹⁶ Wa nəbən yəmbə nyam na nǝngngatǝn batismai ba nya jəgtang, wa nəbən bə yəmbə nyami ba kiya. ¹⁷ Wullai jini ba nəngnga bwiyu ba nəbba nəbən yəmbə nyami, a mura dunda miyən, ba dəmən a jəg weni bwirai, ba su langtə tə fi dəndang. ¹⁸ Ba dəbba sottǝ rə kanni, ba no sam bə bwiram me ba nwitən bwate, ba təyatən kanni a nəbba bwarabərayəm ba kwara. ¹⁹ A bukkə Nigra mwarmən yəməng kən dəb yigira jiyəng ka chiya kangkə nyang ka Niyajiyuwun. ²⁰ Kə mǝssarba diya gani warigu warə yəm a jiwu Nigra nǝngnga swiyer tən hanjimi kǝ jǝggatən bwante a mura jɨni wuloni ya nəngnga bwiyu.