¹ Tə nəngnga den kari bəttə nəngnga swiyər də nyan da jənən a kakka nəbbəng na ba chugʊn, tə nəngnga nyangki, me bətə nya janggəmmi ya jənu a gwa Ten jənu wa jiyʊwi. ² Bərarə nyang, tə nəngnga nətte ki, kari bətə gʊ jum nyəngkə nəbbə bwiram nəngnga rəga gana rʊwani nyiniyu na juti, go nan ba nəbba wer gi, mən suggəmən yəmbə nyam, ka nya jangəmmi yanjiyʊ. ³ Mənni tə nəngnga nəttə ki, kari kangkə gwilang ba yəm jiwu kangkə nyang nəngngari, ⁴ Na ba nətəttan jənu a yullo bəmənbuwi. Ten jənu wu churə jiwu bəmənbuwiyu ba mərgən. ⁵ A jiwʊ tə rʊwa nyiniyʊ bo, kari bətə yullo nyəra nəbbə bwiram, bəraki ka farə rʊwatangnga nyini a sim a kantətta rʊwaninyiyʊ tan jiyʊ na bo a kəng ka jʊte, na ba nəbba chugi. Mən sʊgəmən yəmbə nyam, ka nya janggəmmiyan jiyəng. ⁶ Mənni jɨn, tə rʊwa nyini ki, tə dɨga mʊra gʊglo. Tə məra fʊgang, tə rʊwatən nyina Ten jɨnʊ wʊ ka bəmənbʊwiyʊ. Ten jɨnʊ bo wʊ ka churə ji tə nəngnga ra bəmənbʊwi, ba mərgən. ⁷ Bətə rʊwa nyini ki, kari tə nyəggatəna jənni me rə finiyəm,nyəngkə nəbba kumməm nəngnga rəgəng, bəraki kəmarang kan jiyəng bə lʊngtən go bən nwigi bərarə yəmmi mwaməm tə sʊwerə. ⁸ Bərarə nyang, kari bətə yullo nyəra nən ji, bəraki Ten jɨnʊ ka yəm jiwʊ tə fari ka dʊ tə chəllarəng. ⁹ Bərarə nyang tə rʊwa nyini nyəngke: 'Tewanənna jiyʊ, masi ne yʊlgoi dun da mʊn. ¹⁰ Masi dʊʊtəttamʊ a be. Masi kəmmarang ka mʊng a nəngnga bwi a gʊsəte nyəngkən nəngnga rəga korənnəng. ¹¹ 11 Nəbbən kʊ jɨni jaura nənnʊ ya jʊtəkwangngi. ¹² Yənobəmmən sʊwunta nənnʊ, nyəngkə nən yənotənna bə nən fʊng sʊwuntəm. ¹³ Bo kari bən be nən nən a gwa bɨnggorti, mənni yiyabən a gwa nibwirai. [Bəraki dʊʊte tən kummi na grate nən təmni kʊrəkwang. Amin. ¹⁴ Bəra ki tə yənotənna nəb letang ka jiyəng ki, Ten jɨna jiyʊ rə kəgang ba yənogəmən. ¹⁵ Mənni tə yənotən ba nəb letang ka jiyəng ki, Tən jɨnʊ bo me ba yənogəmmən letang ka jɨnənd. ¹⁶ Nyang bo, tə so hi ki, kari katəttan jɨnʊ ba yullo nyəra nəbbə ti bʊniyəm nyəngkə nəbbə bwiram nəngnga gərəng, bəra ki bə fʊrafʊrai kate go na tə nʊng nəb go tə sonhi. Mən sʊggəmmən yəmbə nyam, ka nya janggəmmiyan jiyʊ. ¹⁷ Mənni tə so hi ki, tə swatən nʊngnga dʊr, na tə fimən kak, ¹⁸ bəri nəb ba yəm go tə so hi, Ten jɨnʊwa jiyʊ wa bemənbʊwiyʊ wʊ churə jiwa bəmənbʊwiyʊ,ba mərgən. ¹⁹ Kari tə kʊratən jɨna kaniyʊwa dʊr da jɨnnən a gʊsəte, a gʊ swigote tən nemər ba jau wi, na gʊ kubə ba bwasə ki ba ku wi. ²⁰ A nyiya nyangngi, tə kʊra jɨna kaniyʊwa jɨnʊ wa jii gʊ swigote tən nemər me ba jauwi na kubə me ba bwasə ki ba kuwi. ²¹ Bəra ki gʊ jɨnna kaniyʊwa mʊ kawi, furriyamʊ wa gai bo. ²² Kəmi gən gʊngor da bwiyən. Bərarə nyang, kəmi ya mʊ ka nyagʊ ki, bwi warigʊ ka ri rə kwetərei. ²³ Mənni kəmi ya mʊ nən bwatə ki, bwi ya mʊ warigʊ ka ri rə kum. Bərarə nyang, kwetərei ya bwiya mʊwi a yullo kum ki, mwamiya kumhiyʊ nən nyənne! ²⁴ Me rə wʊ ba dəmənna nəngngatən keweta nəbbə gram bəsʊwi, ba kwila kwan ka fʊng kwan, kai ki a ngatənna kwan na yəgtən sʊwa wʊ kwani, merə sər fʊng Niyajiyʊ na bo rə jɨnna kaniyʊ. ²⁵ Bərarə nyang kəmən sʊgəmənne, kari chimba jɨnəm ba dagən, a jiya ji bəttə jauwi, rə ji bəttə noi-rə bwitan jɨnnʊ, ji bəttə yʊ jənni mairi rəgi. Yuum a libə jɨni jauri ga, bwi bo a libə dʊttə ga? ²⁶ Tə jəgga kəlleta korən a jiyʊ. Me bə warre, me bə harre, bo me bə kʊrarə kwira mʊra tauni, mənni Ten jɨnnʊwa jiyʊ ka jarəge. Mənni, tə libə hanjim rə fini ga? ²⁷ Mənni nən wʊna jʊgər da jɨnən, bəri jiya daai, ba dəmənna yɨgtən na kin a wʊəlliya yuum ba gəmmi? ²⁸ Mənni, wʊlla ma ki jiwʊ bəttə maiyʊ dagənnəng? Tə jəgga filən da seiyən, nyəngkə gra rəgəng. Mə bə nəngnga swiyer, mebə sa dʊtte. ²⁹ A nyangngi kəmən sʊgəmməne, Sulaimanu, a mʊra gratəttangʊ a nəngnga bə məksai nyəra kwan a mʊra jəni yaiye. ³⁰ Kə Niyajiyʊ ka nəngngatən məksai a yir da seiyən ki, wu ku ka rə yuummi, rə sila ki kən maiya mʊra bwebiyʊ, bən bɨngo məksai ba nəngnga gəməni nən wʊlai, jən bə nəbəntangnga yəmbə nyam a yarmənəm? ³¹ Bərarə nyang kara dagənne, 'Tə sʊwe rə to, bənən jau wʊlai? Bənən no wʊlai?' bo, 'Bənən dʊ wulai?' ³² Nəbba kumməm ka farrə jənni yaiye warigʊ, Ten jənna jiyʊ ka yəm go katə farre. ³³ Mənni tə fau dʊʊtəttangʊ rə jigʊ na swiyerdə nyan da gən, ki bən nəggən jəni yaiye warigʊ. ³⁴ Bərarə nyang kari ko rə silai ya dagənne, ko rə silai ba da dʊdan gən. Wunəko ki kari rə kunang kangngəng.