¹ Kən Yesʊ a sotən yəm rə dəgtangtang a yəm a təm go, ² Dʊʊtətta jiyʊ nyəra rə gʊ nidʊwa yəngnatən jɨni jauriya yəllang gʊ ya nati. ³ Ka təm bwiranəm ba gəm go buwowe nəbbə na sotən yəməm a birawa jɨni jaura nati hiyʊ mənni a birawʊ be. ⁴ Kə nidʊ hi a kaubwi a təm bagi bwiranəm ba gəm ka sotən go" Tə sotəna nəbbə soten yəməm, "Tə jiga kən yəngna jɨni jauri hi kən bwang gwumtəllən, na betə təngai ya rirai jɨni warigʊ ka kʊra bwi. Tə be gwa jɨni jauri ya nati. ⁵ Mənni nəbhəm a dəb bə yəmhəm rə fini ka diya yom ba jiməng, kwan a kuwan gʊ, gʊ a bandʊwang gʊ. ⁶ Bagi ka tʊwa bwiranəm ba nidʊwʊm, a ne kʊnang, ka juwʊng. ⁷ Nidʊ ka nwi jwagər ka təm nəbbə barə kərangngəm ba gəm, ka juwo bə juwo nəbbəməng, ka tung bɨr da jɨn. ⁸ Ka sotəna bwiranəm ba gəm go "Kən kʊra bwi a nati, mənni bən sotən yəməm a dautən bʊwe. ⁹ Bərarə nyang tə diya jʊwi kʊnta na tə sotən na mwami a nəbbə bətə nyam tə be rəga bwiləmriya nati. ¹⁰ Bwiranəm həm ka diya jʊwi kʊnta ka kʊrawʊ nəb warigʊ bə hanjim a nyam, bə bwiram na bə nyam. Kaita nati kari rə fʊbe. ¹¹ Mənni nidʊ a be go na gə jəga fʊbəhəməng, ka chu gʊ a mai be jɨnna nati. ¹² Kə nidʊhi a sotən go "chimi, nəngnga mo nyene kin dɨgiye wa gʊng mən me mənnə dʊk ka natəngəng ? Nihi ka bʊna ji ba sʊwei. ¹³ Kə Nidʊhi a sotəna bwiranəm ba gəm go "Tə bʊwa ni waiwe, kani rə nani na tə mai a mʊra kum yullʊwi, gʊ bən tiro wite na kərsətangnga nungti. ¹⁴ Bəra ki nəb mwam buwowe, mənni bən samənəm nən bani." ¹⁵ Kə Farisiwa diya sʊrə churang nyəng kə ba tau hangʊ gəra mʊra yəm ba gəməng. ¹⁶ Ka təm tən bwiranəm ba jiyiməng tən Hiridʊyawa. Ka sotəna Yesʊwi go "Ni Məssari, kə nən yəm mən nirə yəm bə nyami, mənni bo mən nəngnga məssarang a jʊwiya Niyajiyʊwi rə yəm bə nyam. Me rə ji ya dan rə kəmarang ka gʊwʊngngi, mənni bo me mən nʊng dəndangngi a jugər da nəbbən. ¹⁷ Sʊbəmən kəmarang ka mʊng?" N'sori mər chəmmər da dʊrən Kaisar ga? ¹⁸ Mənni Yesʊ ka yəm bwiragʊwi yan jiyʊ ka sotən go "Wʊlla ma ki tə bɨngoirəng, jɨn nəbbə bwiram? ¹⁹ Tə nʊngngi wʊmo a chəmmər da dʊrəni." Ka betəni rə wʊmohiyəng. ²⁰ Yesʊ wa sotənna hanjimi go "Wullo tən dʊn da wʊnən a ji? Kən hanjim a sotən go wang Kaisari. ²¹ Kən Yesʊ a sotənna hanjimi go "Tə ne Kaisar jiya Kaisari, nawa Niyajiyʊwi tə ne Niyajiyʊ." ²² Hanjim a nwi nyangngəng, ka məna bʊnte. Ka dʊ hangʊwʊng ka diyang. ²³ A wai kohi bagi Sadʊkiyawa, ba sʊwe go me gʊntangka bwiyatəngəm ka be a gwa hangʊwi. Ka gʊləng, ²⁴ sʊwerə go "Ni Məssari, Mʊsa sʊwe go niya bwiya na merə bətəbi ki a chi kwak chiyang gʊ a na nyʊihi na butən bətəbi a chi. ²⁵ Ka bagi chitə nyibi. Wʊrə jigʊwi ka nəngnga nate ka bwiyang. A dʊbbə bətəbi, ka dʊtən gʊggorhən a chiyəng. ²⁶ Kə chiyang gʊ wʊ sʊwi a nəngnga nyangəng, wʊn bwanbiyʊ rə kəggang, yɨgira chi nyibiyʊ. ²⁷ A buk ka ji warigʊwʊng, gʊggorhən ka bwiya. ²⁸ A gʊntang ka gʊsətəng ba chi nyʊiya wʊni a mʊra chəttə nyibiyʊ te? Bəraki hanjim warigʊ ka na hangʊ." ²⁹ Mənni kən Yesʊ a ngatən a sotən go, "Kətə le bəraki tə yəmbə wani, na rə kumni ta Niyajiyʊwi. ³⁰ A gʊntang ka gʊsətəng mə natʊwe, me nəbbəntangnga natə we. A nyangngi, warigʊ ba chi nyəra weni təmriya jiyʊ. ³¹ Mənni a jiya gʊntang, tə kebə ji Niyajiyʊ a sʊgəməni sʊwere go, ³² 'Məmmən Niyajiyʊwa Ibrahimi, Niyajiyʊwa Ishakʊwi, tən Niyajiyʊwa Yakʊbʊwi ga'? Niyajiyʊ me Niyajiyʊwa nəbba bətəro-bətəroiyəm mənni bərə yuuməm." ³³ Kʊlənhən a nwi nyangngəng, ka nəngnga mənatnag a bʊni rə məssarang ka gəng. ³⁴ Mənni na Farisawa a nwi go Yesʊ ka tək Sadʊkiyawang, ka kʊra bwiyəng. ³⁵ Kwan na jiyʊ wa yəm duuti, ka nəngngatən gʊliyirəng, bɨngorəng hangʊ. ³⁶ "Ni Məssari, wʊnə sori ga li grate a mʊra duute?" ³⁷ Kən Yesʊ wa sotən go,"" Yotən da Nigra Niyajiyʊwa mʊ rə furiyamʊ warigʊ, rə yuumba mʊm warigʊ, tən yobi nyamʊ. ³⁸ Gən sori gra rə jigʊwi. ³⁹ Sori wʊ sʊwi bo, nyəra wai- 'Yotən da niya kwiliyamʊwi nyəra dʊr da mʊn. ⁴⁰ A jiya yai sori tə təsʊwi, duute ta Mʊsai na nəb yʊwerəm a chi we. ⁴¹ A buk kə Farisawa kʊra bwi a gʊ kwaniyəng, Yesʊ ka nəngngatən gʊliyir. ⁴² A sotəna hanjimi go "Kəmarang ka jɨnəng go nyəne a dʊra Kristiyʊ? Yəlla wʊni?" Ka sotən go "Yəlliyan Daudai." ⁴³ Yesʊ wa sotenna hanjimi go, "Nyənə ki Dauda a mʊra We Yʊlgoi a bu go Nigra, sʊwerə go. ⁴⁴ 'Nigra ka sotən na Nigra miyʊ, go chiya kang kə nyang kagəng, bera fʊlla bən dəg nəbba kakgəm ba mʊm a yullo dəntəllən də ti nana mʊwəng. ⁴⁵ Kən Dauda ba bu Kristi go, Nigra ki, bən nəngnga mo nyəne ki ba chi yəllan Daudai?" ⁴⁶ Merə wa dəməna jautən yəmmi, a dəbe a wai kohi mərə wa kaubwiya nəngngatən tagi gʊlyirti.