¹ Ala uli musuma, we temwikwa wandi; kwena uli musuma. Amenso yobe yamoneka nge nkunda mucitambala. Umushishi obe nao tepakutelela kwati mukuni wa mbushi ishiletentemuka ulupili lwa Gileadi. ² Ameno yobe nao yalibuta tutuu ngo mukuni wa mpangaishafuma kukushibeya no kusambwa bwino. Yonsefye yalikumanina nga bampundu, tapaba nelyo limo ilyabulilapo. ³ Imilomo yobe yaba kwati kasalu; akanwa kobe nako tepakuyemba. Insensematwi shobe nasho shalilingana bwinokwati fipandwa fya mateke mu citambala. ⁴ Akamukoshi kobe kapololoka kwati lupungu lwakwa Davidiulwakulwa bwino ulwakulwa bwino na mabwe, ulo impalume ikana li (1,000) shikobikako imi imo. ⁵ Amabele yobe nayo yaba ngo twana tubili, yaba nga tumpundu tubili utwa nsebula utulelya mu maluba ya mu manika. ⁶ Panuma ya bushiku umwela nefinshingwa nafipatuka, ine nalaya ikala pa lupili lwa muri ne ca cinyamuti ca fulankinisenshi. ⁷ Ala uli musuma mu misango fye yonse, wemutemwikwa tawakwatapo ubwafya nelyo bumo iwe. ⁸ Isa kuli ine ukufuma ku Lebanani, we nabwinga. Isa kuli ine ukufuma kuli Lebanoni; tentemuka ukufuma pa mulu wa lupili lwa Amana, napa mulu wa Seni na Hemoni, tufume ku nkalamo ne mbwili. ⁹ Iwe walinjibila umutima wandi, we nkashi yandi, we nabwinga; iwe walijibila umuima wandi, nga namona nobo ubulungu ufwele mu mukosho obe. ¹⁰ Ukuwama kwa citemwiko cobe, we nkashi yandi, nabwinga! Kuwama nshi ukwacitemwiko ukucila umwangashi, nokununkika kwa mafuta yacena cisuma ukucil fyonse. ¹¹ Imilomo yobe, wenabwinga wandi, itona nge cipepe ca buci; ubuci no mukaka ifyakufwala fyobe nafyo finunka ubusaka, nge cena icisuma ica mu Lebanoni. ¹² Nkashi yandi, nabwinga wandi, waba nge bala ilyakomwa, waba nga kamfukumfuku. ¹³ Emulimbwa kabili emukula bwino amatete, emukula imiti ya nkula ne ya cinyamuti icaitwa nardi. ¹⁴ Nardi nefisali, umumfwemfwe na sinamoni, fulankinesenshi, emukula ni miti ya fintu fyonse ifinunka ubusaka. ¹⁵ Uli kamfukumfuku akatapilila ibala lyandi, niwwe cishima ca menshi ayapela ubumi, amenshi ayakonkolokela ukutula mu Lebonani. ¹⁶ Ima, we mwela wa ku kapinda ka ku kuso; isa nobe we mwela wa ku kapinda ka kulyo. pupeni pebala lyandi pakuti icena cisuma icilimo cikumane monse. Pakuti we mutemwikwa wise mwibala ulyemo ifisabo fyakwe ifyawamisha.