¹ Ndiluba lya pakati ilya mu Shaloni, mbutukila mu mipokapoka. ² Nga ukabutukila mu myunga nomba mutemwikwa wandi pa bakashana. ³ Nge cisabo ca muti pa fimuti fyonse ifya mupanga, kanshi mutemwikwa wandi pa bulumendo nalikele panshi mumbali ya cishingwa cakwe no lubuto ulwamaka, kabili ne fisabo fyakwe filomfwikwa ukulowa mukulya kwandi. ⁴ Walindetele ku nganda ya mwangashi, kabili icipampa cakwe cali pali nebo cali citemwiko. ⁵ Ndishako ubukambi bwa myangashi, ndishako icitwalo icisuma uleke mbweshe amaka, pantu icitemwiko acindwalika. ⁶ Nisaila umutwe wandi pa kuboko kwakwe ukwa kulyo nakunkumbatila. ⁷ Imwe mwebakashana bamu Yerusalemu, ndemukonkomesha napali impombo ne nsebula ishikota isha mupanga; eco mwibukulusha nangu ukusunkanya, mpakafye ukwine kwaitemenwa. ⁸ Kuli ishiwi lyamutemwikwa! Ufwa, nikuno likoisa, akociluka impili, akopilinganya imilundu. ⁹ Mutemwikwa wandi uwapala impombo nangula umwana wa nsebula; mona, uliminine kunuma ya cibumba cesu, akolengela muma windo, ukolengela mufyakupikulwa ifyama windo. ¹⁰ We mutemwikwa wasosele kuli nebo alandile, ''Alamuka, mutemwikwa wandi; Wewa kuyemba wandi nokuya nandi. ¹¹ Mona, amaisa yalipitile; imfula ilipitile kabili ilile. ¹² Amaluba yalibalukile mu calo; inshita yaku sapatukilamo imyangashi necilangililo ca utoni cilishile, nokulila kwa cipele kulyumfwikile mu calo cesu. ¹³ Amakunyu yalilengele amakunyu yauko yabishi ukukashika nemyangashi ilibalwile, ilifunishe ne cena icabune. Ima, we mutemwikwa wandi, wewakuyemba wandi, kabili natukoya. ¹⁴ We nkunda yandi, mwabelama mu cilibwe mwabelama umwakulikisha mu mpili, leka mbone icinso cobe. Leka nhumfwe ishiwi lyobe lyalilowa, ne shiwi lyobe lya citemwiko'' ¹⁵ Twikatileni ba mumbwe, abana baba mumbwe abakoonaula imyangashi, ilyo imyangashi yesu yabalula. ¹⁶ Mutemwikwa wandi, nanebo ndi wakwe, akocema impanga mumaluba ya mumpanga. ¹⁷ Kabuye, we mutemwikwa wandi, mpaka umwela uwakutalala walekelesha ne finshingwa fyabutuka.