¹ Inyimbo sha nyimbo, isho Slomoni. ² Oh, Wingatomona ine ukutomona kwapa kanwa pantu ukutemwa kobe kwalicila umyangashi. ³ Icena ca mafuta yobe cilanunkila ubusaka, ishina lyobe lilanukila icena cisuma ecalenga abakashana ukukutemwa iwe. ⁴ Nsenda kuli iwe nokuleka kubutuka. Imfumu indetele ku mutule waiko. Tuleanga no kusansamuka; Tulesangalala pali iwe; leka tulumbanye icitemwiko cobe; ukucila umwangashi. Cili icikankala kubanashi bambi ukukutemwa. ⁵ Ine nalifita nangula naliyemba imwe mwebana banakashi bamu Jerusalemu nafita nga matenti yaku Kedar, naba nge salu shabusaka isha mwitempela lyakwa Solomoni. ⁶ Mwilantamba mukuti nalifita, pantu akasuba ekangoca ine. Abana baume baba mayo balimfulilwa ine; epakucita umubomfi wakulonda ibala lya myangashi, lelo ibala lyandi shilisunga. ⁷ Njebeni, nani umutima wandi watemwa, nikwisa uko ucemena umukuni obe? nikwisa uko umukuni obe utushisha mushita ya kasuba? Nga nicinshi shingabela nga umo uyo uwakwisa mukwenda mu mukuni wababiye? ⁸ Nga tawaishiba, wayemba pabanakashi bonse, iwe kabiye ulekonkafye mu mabuku ya mukuni, ulecema no twana twa mbushi mupepi na matenti ya bakacema. ⁹ Nkupalanya iwe, wemutemwikwa wandi, kupalanya kabalwe waka Farao. ¹⁰ Amasaya yobe yasuma ayayemba, nakamukoshi kobe nako kaba akapololoka, ¹¹ Tulekupangila amasikiyo ya golide no tubulunga twa silifa. ¹² Ilyo imfumu yaikele epo yaletushisha, amafuta ya nardi ayo nakwete yaletwalapo icena icisuma. ¹³ Umutemwikwa wandi anuka akacena akasuma muroi, ilyo ashitilila pa mabele yandi. ¹⁴ Uwatemwikwa aba nge cisansangu ca maluba ya myangashi aya ku Gedi. ¹⁵ Umfwa, iwe waliyemba, we mutemwikwa, umfwa, iwe waliyemba; amenso yobe yalinakilila nge nkunda. ¹⁶ Umfwa, uli musuma, we mutwikwa wandi, ala waliyemba. we musengele nao tepakunaka. ¹⁷ Imyalo ya nganda yesu yakosa nge fimuti fya keda; shaololoka nge fimuti fya paini.