¹ Kwalino ngamulibikkamwi mutubunga twabasilumamba, nobana basimbi batubunga twabasilumamba: watusinkilizya swebo: bayomumya musako mubetesi wa Izilayeli kuseya. ² Pesi nekubaboobo, Bbetelehemu Efulata, nekuba kuti ulimuniini akkati kazyuulu zya Juda, anukuti kuzwa mulinduwe ulazwa kulindime oyo uyoyendelezya mu Izilayeli; ulakwendeenda kwakaliwo kuzwa kumazuba achiindi, kuzwa mukutagoli. ³ Nkenkaako uyobaaba, mane kusikila kuchindi chakumyongwa chayooyo utanozyale, elyo basyalizi babana bakwabo bayooboola kubana ba Izilayeli. ⁴ Alimwi uyoyiima akuyoolya munguzu zya MWAMI, mubupati bwazina lya MWAMI Leza wakwe; alimwi bayokkalilila: nkambo kwaino uyooba mupati konse kumagolelo anyika. ⁵ Alimwi mwalumi oyu uyoba ndoluumuno, muchindi baku Asiliya nibayoza munyika yesu: alimwi muchindi nayolyata mumaanda abwaami bwesu, elyo tuyobusya musanu ababili bembezi batakamulwisye, alimwi abendelezi bali musanu abatatu bechaalumi atala lyakwe. ⁶ Alimwi bayonyonyoona nyika ya Asiliya apanga, antomwe anyika ya Nimulodi kumilyango yamanjililo ayo: awo mpempawo mpayotuvuna swebo kuzwa kuba Asiliya, muchiindi nayosika munyika yesu, amuchindi nayoyendeenda mukati kamigaano yesu. ⁷ Alimwi basyalizi ba Jakkobbu bayooba akkati kabantu biingi mbuli lume lwazwa ku MWAMI, ambuli lunywaanywa ajulu lyamasokwe, olo lutalindili muntu, nikuba kwiminina bana balombe babantu. ⁸ Alimwi basyalizi ba Jakkobbu bayooba akkati kabamaasi mukkati kabantu biingi mbuli mulavu akkati kabanyama bamusokwe, mbuli kana kamulavu akkati katanga lyambelele: oyo, kuti nayinda akkati, boonse ngabalalansi, alimwi akubakwamuuna mutumpanzi, alimwi takwepe sikubavuna. ⁹ Ijanza lyako lisumpulwe atala aba simulanduma, alimwi boonse basinkondonyokwe bayonyonyoonwa. ¹⁰ ''Alimwi chiyosika mpochimana mubuzuba oobo'' --mbwawamba MWAMI muchambilizyo chakwe -- ''kuti Njopambula mabbiza ako kuzwa akkati kenu, alimwi Ndiyonyonyoona nkalaki zyako. ¹¹ Alimwi Mebo njopambula myunzi yamunyika yenu, alimwi akuyosowela aansi zyoonse zitabilizyo zyako. ¹² Alimwi Ndiyogusya bulozi kuzwa mujanza lyako; alimwi takwe nochiyoba abasondi. ¹³ Alimwi azikozyanisyo zyakubeza Ndiyozimaninsya, alimwi azikozyanio zyenu zyiimvwi akkati kenu; alimwi takwe pe nimuchiyokomba milimo yamaanza enu. Alimwi ¹⁴ Ndiyononkoola zyanda zyenu akkati kenu: elyo Njonyonyoona dolopo lyako. ¹⁵ Alimwi njobabwedezezya mukunyema amubukali bubi bwabamaasi, mbuli kuti taakwe nibayinazimvwa.''