NATCHANGMÜA CHAKNGA ¹ Now, arup chupmüa kowikow natchang müa lawnguan mih dow a-i bowk bowk tukra ka bowk mih ang katuak, nami dow changla bawri khai, nachenganchepaw tasakraura tarapchedow maru kowi aiungma thawpah khai. ² Lowra maru paw alup matawngün chünchü tuk mih kowi taming hanow na tuk kown mih kowi dow hing tuk büah dowi tak chekhai. ³ natarapche dow amiaiawng mih chow aia kowi sakrau khai nami tarapche dow aia hown tatuak mih maru chekhai. ⁴ Nahanow arup kowikow natchang müa uan chak lawnguan kowi a-i tuk, arup mih dow lusa kowi matawngpaw nadowi hanow lowkia klen kowi akeng mih Thurai mapaw hing uowi dowi chekhai. ⁵ Mukhung kowi chepaw, krawng kowi chepaw Thurai ming rük mih uowi chenganchepaw (naiawng mih Thurai akawm mami hai Chakramang akawmma mih uowi büah chekhai nami rakowi) ⁶ A-i vüi taraap chedow Thurai lowkia chatai uowi, aiamat hownia lowra mih uang lawt khai, a i mih paw aiamat vüi kowi uowi mih chekhai, nami dow CHAKRAMANG Isu Krista hownia kow bowk bowk uang uowi mih chekhai, a i paw aiamat rakowi chekhai uowi mih a i na khai. ⁷ Natarapchedow tukla müa mih dow maru maiow mih kowi uowi dowi; nahanow matawng mih chabak ngam padow arup chupmua hownia kow natchangmua uan powmiawng kowi tuakah büah hanow cha büah khai,nahanow amatni aiung hai angak tuk muah dow kür büah dowi rakowi uang ta surlawk büah reng. ⁸ Nachenganchepaw nacha kown mih kowi Thurai mik kowi dow a i ngalai pat hing na dowi, tawi cha dowi chepaw a i tawi piak kown mih nadowi tham, cha chenganchepaw tawngiawngmi re-e paw maratra uowi kown nadowi tham. ⁹ Nachenganchepaw pelape ching büah diah, naiawng nadowi hanow enni nau nau iawng cha khai hanow matawng kowi chünchü kür uowi dowi miuüa na tawi tim tarawng. ¹⁰ En tuklamüa kah mih, lowra maru mipaw arup chupra kim kowikow cha hawm mih khi en büah hanow amatni dow kür uowi dowi mih maru na khai e dow amatni aiung angak tukmüa dow arup chupra natchang müa chaknga chak na uang uamcha kown nadowi tham pabow? ¹¹ Hanow en tukmüa rakowi kür uowi dowi miuüa kowi (Tainau nakowng mih takchah kowi krista dow kowng pe khai) mih dow matape kown chekhai. ¹² Naiawng hai kür uowi dowi mih tainau luk kowi en piakta khowk mih dow, enni mih Krista luk kowi changta angk mih chekhai. ¹³ Nami rakowi nacha kown mih kowi ang tainauuüa tim müa chekhai hanow ang tainauuüa natim la dowi kownkow katpaw chaknga mih ang nacha kown nadowi tham.