MASI HUIU LAWNG UAN ¹ Now, enni ruiah mih laiklow ün mih dow: kachakuüa kak masiuüa dowi mih iung chekhai. ² Nachenganchepaw, taphua taiuara mih uowi reng tak chekhai rakowi, Kachakuüa mih paw masi pacham uowi lah, masuuüa paw bowk bowk kow hua pacham uowi lah. ³ Buk kowh pra kowi masiuüa nauah mih hua pacham peah lah, hua paw masi nau mih pacham peah lah. ⁴ Masi mih dow aiamat kowh luk kowi alow uowi dowi chekhai aia hua mih dow alow ka khai rowt mih chekhai, nami iawng dow aia hua mih paw aiamat kowh luk kowi alow nowngia uowi dowi chekhai; aia masi mih dow alow nowngia ka rowt kown chekahi. ⁵ Lowk kow lowk taiua uowi kown mih kowi hang kow tahangah diah, Nachup lah Thurai kownkow nawngchowh müa kowi tahangah iüah diah; namih kung kowi dow enni aiawng uowi iawng nanowngia uowi iawk kown, Süngnam mih dow puanra kowi na nowngia pawla enni dowi kownkow. ⁶ Nachenganchepaw mami laiklow mih alow pek iawng ang tek mih chekhai na dowi, na nowngia changla kownkow ang tek mih chekhai. ⁷ Nachenganchepaw maru miow mih ang iawng nowngia uowi bowk kown mih ang nau chow diah; Nachenganchepaw lawngtowng büarüa mih Thurai tut hownia uan pek kow matia kaah miiawng ka büah bowk chekhai, lowk kow lowk kowi Thurai pe iawng dow. ⁸ Nachenganchepaw klanguüa malauüa ning hai mamai mauüa tut-e dow maiawng na chang kown ang pami chekhai; ang powmiawng nowngia uowi khai-e dow amatni vüi iung kown chow diah; ⁹ Khowti hai nowngia uowi dowi mih tarapchedow patachawng talang lah; maih kam hai kow kawm mih powmiawng lak-e dow tawchang talang mih langiung rowt. ¹⁰ Now, tachawng talang khowk miuüa tut-e tarapchedow alow ang peah; ang matia peah mih tarapchedownadowiCHAKRAMANG peah mih dow na chekhai) masi mih dow hang pa cham lanlah. (hang pa prai hüa lah). ¹¹ Powt (lan) khai chalow now hang pacham mang lah, nadowi kowchalow hanow aiamat hua hown pacham tabawng iawk lah, now ahua dow hangkow cham khua masi lah. ¹² Akeng mih maru tut-e dow CHAKRAMANG hainadowiang matia ang tek; Tainauuüa low, amiaiawng mih kowchow owm Thurai dowi mih masi uowi khai hanow nami masi che ahua hown taiua uowi kown nau khai chalow now hang kow pacham praiah la. ¹³ Now, masiuüa owm Thurai dowi mih hua ka khai hanow ahua mih aia hai uowi kown nau khai hanow amasi mih paw hang pa cham praiah lah. ¹⁴ Hua owm dowi mih dow aia masi rakowi tawi tachim tasai khai bowt, masi owm dowi mih paw ahua rakowi tawi tachim tasai khai bowt chekhai, naiawng na dowi-e dow enni chauüa mih paw achim asaima na büah kown na dowi, nachenganchepaw achim asai mah nabüah reng chekhai. ¹⁵ Nachenganchepaw, owm Thurai dowi mih che powt khai chalow hanow pacham powt lah, naiawng na khai bowt hanow tainau chepaw tuama chepaw khuakah mih na iüah dowi bowt chekhai; Thurai tarapche dow taking tasangma nauowi lah kownkow haw a-i lai a-i mih chekhai. ¹⁶ Aw masi, en hau kowi ngak hownia en nalawng kown mih hai lawngah dowi kown mih matawngiawng chow en tuk khai? Aw hua en masi kowi ngak hownia en lawngah kown mih hai lawngah dowi kown mih matawngiawng chow en tuk khai? ¹⁷ Lowra mih kowi CHAKRAMANG aia nauah mih iawng peah reng chekhai, lowra mih kowi aia nau iawng hawah laiah mih chekhai rakowi nami maru dow nami iawng chatai na uowi kown, Thurai maru maiow kowi dow maiawng mih alow pek ang phuang pe reng chekhai. ¹⁸ Khampha uan pik hiahta khowk mih kowi hawah laiah büah mih uowi ne bow? Khampha uan pik hiah kowi hang pacham lawpha lah. Khampha uan pik hiah dowi tak mih kowi hawah laiah mih uowi ne büah bow? Namih kowi dow Khampha uan pik hangkow hiah pe lah. ¹⁹ Thurai alow pek chün mih klen kowi dow Khampha uan pik hiah mih matawngpawnadowichekhai, Khampha uan pik hiah dowi mihpaw matawngpawnadowichekhai. ²⁰ Lowra maru kowi hawah laiah khe kow amatni kowi aiawng peah mih iawng dow pacham uowi büah lah. ²¹ Nar kowi en uowi khe haw en lai en bow? Mapaw hangkow chang lowchow diah, akhin taka khowk mih kowi uowi khai hanow nalawt kown mih kowi kamrutta bowt diah. ²² Nar kowi uowi khowk khe kow CHAKRAMANG hawah laiah kowk mih dow nar hownia CHAKRAMANG palawtah mih chekhai, naiawng palawng dow nar kowi nauowi lah dowi bowt kownkow hawah laiah mih dow CHAKRAMANG nar chekhai. ²³ Thurai dow Krista Isu hown asung hown kow ranah mih enni na khai bowt; lusa maru nar kowi hang uowi büah bowt tham diah. ²⁴ Tainauuüa low, Lawngtowng büarüa kowi haw enni lai enni khe kow enni aiawng uowi powm iawng dow Thurai tut-e uowi büah rowt diah. ²⁵ Now, malauüa achimsaima mih pra lawnguan kowi dow CHAKRAMANG alow pek mih mapaw ang ka dowi chekhai; nachenganchepaw kaah sakowma na uowi kownkow CHAKRAMANG hownia kow sanara ka mih ang na khai rakowi ang tuakah mih krang ang na tek kown. ²⁶ Nahanow akawmat kow ngare kham iawng uowi mih iung pami ang ming, maru mih aiawng uowi iawng na uowi kown mih. ²⁷ En masi hown tatawmra kowi uowi khowk bow? Nataprai kown mih kamrüt hangka chang diah, en paw masi khowk bow now paw dowi tak bow? Paw dowi tak now masi kala kown mih hangkow kamrüt tham bowt. ²⁸ Nachenganchepaw paw masi mih paw aprek uowi dowi chekhai, Malauüa paw cham mang now mapaw aprek hing uowi dowi chekhai, Nachenganchepaw naiawng rakowi maru ahuma kawmra uowi; naiawngra kowi enni vüi kowi-e lainowmma ang sakraura uowi khai. ²⁹ Nachenganchepaw, tainauuüa low mami lai klow ang natek enni akhin atown chatai bowt uowi, kawmat hownia now masi uowi mih dow masi uowi dowi powm iawng pacham uowi lah. ³⁰ - ³¹ Now, kawmat kow kar miuüa, piaw miuüa, chawktowk maru miuüa hai dawngthawn hown tatawm kow tuak krat miuüa low, kar dowi mih powm iawng, piaw dowi mih powmiawng, chawktowk maru mih uowi tawngpaw chang dowi powmiawng hai dawngthawng hown tatawm dowi mih powmiawng dow uowi büah diah. ³² Nachenganchepaw aprüa anguk mahai uowi mih uowi paw athaulangma nauowi kown mih, masi uowi dowi miuüa paw CHAKRAMANG lawnguan kowi pacham tuak lah, tawngiawng chow CHAKRAMANG kowi nowngia awmrawm kownkow, ang uang nau enni mih chekhai. ³³ Nachenganchepaw masi uowi khowk mih dow aia kim miuüa hai tawngiawngchow amasi kowi nowngia awmrawmah kown, now Thurai kowipaw awmrawm kown mih dow towsak diah. ³⁴ Kahua dowi tak mih malauüa dow CHAKRAMANG lawnguan kowi tuak reng, now, aia kowh hai lümla paw achimsaima uowi; nachenganchepaw kahau khowk mih masiuüa tarapche dow kim dawngthawng lawnguan kowi tuak reng matawng-iawngchow ahua kowi nowngia awmrawmahh kown. ³⁵ Naün mih dow enni naiungla kownkow ang tek enni mih chekhai, na mumta enni kownkow na dowi, uowi krang klangiungma nanowngia uowi la kownka hai CHAKRAMANG hown akhawtma na nowngia tatawmla kownkow. ³⁶ Natarapche dow lowra maru aia malau-uüa achimasai mami akrama khowk, pamala la-tai taka dowi mih kowi aia tatuak hanow, aiamat dow mala thüm mih na khai tak rakowi, cham mang kown nau khai kachalow now pacham mangla taih, tawngpaw aprek uowi dowi tham. ³⁷ Nachenganchepaw saktuak achima hai kow, cham mang dowi tak pami aiamat nua iawng na nowngia tachila kownkow aia achimsai mami kowi dow na towah reng tak kownkow hing tuak miia dow kaneuma tuk tuak khai rowt kown chekhai. ³⁸ Nahanow chammang mih dow kaneuma iung chekhai, nachenganchepaw chammang dowi miia dow kaneuma lang plan iung ngamlam chekhai. ³⁹ Masi dow aia hua sing uowi mowr mih dow tawmah khai mih chekhai; nachenganchepaw aia hua mih kowng khai bowt hanow aia nau mih kowi na nowngia chang hua kown, natarapchedow CHAKRAMANG kowikowuowi mih maru tut-e nana kown takla chekhai. ⁴⁰ Nachenganchepaw ang katuak mih dow aia aiawng uowira kowi uowi khai e dow na lang thaulang rowt kown; ang mih paw Thurai lümla dow na tawi ka mih kowi ang mingah chekhai.