¹ Nangchi theung y abiu naira hawi aei naira ly mamang i dengdairei theu nai mo? Nangchi tlang kangpreing y antiu nai nang my chi i ngaiphi teng y naira i dengdairei theu nai ne ai? ² Nangchi ly ngaiphi i ngo y nangchi ly khumi ai py padei, paleung py ano thai y, nangchi ai ajo py ajo, atiu py atiu, nangchi ly hnei y nai dengkho y ngo y, ³ Nangchi hnei nai i py nangchi i hnei nai teing y nai dengkho y ngo y, nang my chi i ngaiphi teng y nai ra y teng law nai y. ⁴ Awi ym y nai chi aw, nangchi ly pany y, khaileaung pri hawi amroi nai ly tamiuh hawi paleung ka-e nei, naibaly ami py hini khaileaung pri hawi amroi nai ly tamiuh hawi paleung ka-e law bo , ⁵ Tamiuh i cha -iu thui nai leu ly ati sai py ny y nai, athang khai u law a? achi i paleung theu y amtym nai nai phailo ly paleung nonai ra ngai a? ⁶ Na i py mymy ly pahen ra pei panawi reng, hunai dengkho y tamiuh i cha -iu leu y tamiuh ly kam-e chi ai paka i y tahm apanem naichi ai ly pahen ra pei nai ne, ⁷ Hunai baly nang my chi ai tamieh teng y a- au u, nang i py satian ai ly paka vui, naibaly ni ly nang chi teng i nai leh veng ai. ⁸ Tamiuh hawi kasa u, hunaibaly ni py ang kasa ai mang, khumi kamngochi awi awi, nangchi i kiu ly asi u, aw paleung nyh rei awm nai khumi bawibawi chi awi paleung pachai u. ⁹ Nangchi paleung mawn hawi paleung si iy vo-u, nangchi panui nai ly paleung mawn naira y lawm sy,nangchi i amo theu nai ly ngam naira y lawn sy. ¹⁰ Areng i mei ka- niu y ly tahm apanem u, hunaibaly ni my ang palo ai. ami ai cheh y ai nai ¹¹ Amjo amnauchi awi,apreaung u reng moh.ami py amy i amjo amnau ai preaung iy, amy i amjo amnau ai cheh baly, Reita ai py cheh: naibaly nang ly reita patawm nai keung ny y,tara chih nai keung tla lawh veng. ¹² Reta pei nai keung hawi tara chih nai keung ly leaungrei awm khyh,paheng thai nai hawi,tama hai thai nai keung ly: na i py saleungchi ai cheh nai keung ly nang ly ami mo? ¹³ am-e y ai nai Vai ly khen cham rai, "vaini mo khawndam mo kaichi huni avang y chei ai i sanengrei kra ai,naibaly ka-pai sa ai i kamran nga ai," nanai keungchi pany y. ¹⁴ Nangchi i heng naira ly ati mo? kra y nai sala y amteng iy tama ali ryp veng nai tamai kamta atawm. ¹⁵ Hunai deaungkho y, "Areng my avo hai baly noso hawi iy huni py hini py sa ai" na u ai nai tla. ¹⁶ Na i py nangchi i am-e nairachi ly nangchi kawn hai keh lawh ly: hunai kamta am-e nai bawibawi ly kamngo tla ¹⁷ Naibaly ami py atiti kahawi sa ai nai pany iy so y baly, mymy i vui ly kamngo ne.