¹ vai khem cham, ka nangchi aw,nangchi tlang tleaung patang nairachi angtym ai nai kavui y vo py vo ly hang py hang u leungtang ² nangchi yhmtheaung phra nai hawi nangchi i baichu chi py mi po cha be bo. ³ nangchi i muku hawi tangka tlawn be bo;huni tlawn nai my ly nang i tlang tleaung jo se hai ai, huni chi my ly nangchi i tlang y mai kamta cha ai. ⁴ khem cham, nangchi law y kalup sa nai vang pei u y i, khem cham tham nai chi my ly nangchie i hawi y nail y aeu u bo.cheaungkhang ra y sathai nai keaung Areng i kano tym hai bo. ⁵ hini khaileaung pri y nangchi tlamsa nai hawi my neing teaung nai, hawi amy chi ai neing hawi naira y pasum atyh tyh bo. ⁶ tleh nai kani y nangchi paleaung y saw ala nai apacho u bo, (khumi kahawi ai ly nangchi pasum iy padei i ni my ly nangchi ai paka y leang) ⁷ hunai deaungkho y, kai amjo amnauchi aw, Isu krista jeu y ry rei ly kham tangnga nai my awm u.khem lawh sa nai keung ly athai nawi leaung nawi ngathai nai kavui y angchi i kani hawi kangkhym kani nai na a kham tanga nai kamta angjing u rym. ⁸ nangchi kham tanga nai my awm u, amy paleung ai py apatawm u ba ,ati mang nai mo napi baly Areng ly jeu kasa ai bo . ⁹ Amjo amnauchi aw, nangchi tarachih ai nai tlo y ai nai kavui y leung leungrei a seu u reng mo, khem cham tarachih nai keaung ly katheu pakho ahawi y angdo bo. ¹⁰ amjo amnauchi awi,arerg amyn y thui nai nai amo chi ai chi ai ly nini chi kham tanga hawi patang khem iy pata u. ¹¹ khem cham, amy i paleung y patawn nai kheungchi ai ly taham hawi napi. nangchi Joba i kham tanga nsi leuchi thai nai; hawi areng my tem nai pari mang nai kamta sa nai mo niu nai ne, Areng ly tamem nai hawi paheng nai keung ne. ¹² Amjo amnau chi awi, kangkhyn kangteng y kai i leu ly, nangchi vai neing adeu u reng moh,kani hawi khaileaung y awm nai atiti chi amyn ai py adeu reng moh.nangchi leu ly ne ,naibaly ne ,nai ne sy;ny y nai baly ,ny y nai ne sy . ¹³ nangchi theung y patang nai awm a?chiu so sy.ami py amotheu nai awm a?palo nai khulym thui sy. ¹⁴ nangchi i theung y ami py no nai awm a? mymy ly kamkawm lu chi ai heng sy; naibaly Areng amyn hawi my umsi tui paju iy amtheaung naira hawi chiu so pi sy. ¹⁵ ym naira i chiu sa nai deaungkho y huni no nai khumi ai hawi hai iy Areng my py pathau teang ai. naibaly nonai keung i kamngo awm lawh teu i py kangmo pahen ai. ¹⁶ Hunai deaungkho y nangchi amy my i kangmo ahui iy leang leang rei kavui chiu so u ly hunaibaly kano khumi ly hawi ai. ¹⁷ Alia ly achie kamta khumi ne, naibaly mymy ly kani nai y ai nai kavui y chiu sa i saneng thumrei bo y lo tariurei khaileaung y kani nai y bo ¹⁸ huni bo y chiu sa bi teang i khaileaung y kani nai teang bi i khaileaung i thengthai chi py kahawi theu bo ¹⁹ Kai i ngai prai nai amjo amnau chi awi..nangchi theaung y ami py leu meingtang dengdairei akasyh vui iy vawi alie teang hai nai chi, ²⁰ Naibaly pany u ami py, mymy i kangmo lam tamang ra i nai vawi alie hai teang baly tlang kangmo deira i nai alaw hai nai hawi kangmo ai py khiu hai nai ne.