¹ ai i amjo amnauchi awi, patiu nai keung neangneang y awm u moh, achi ai tarachih nai sai aneng khyh ai, nanai nangchi pany. ² Atiti neangneang ra y achi bawi bawi tamang reng,ami py leu thui naira tamang y baly huni khumi ly khumi ka-cheng,mymy i tlang py bomrei amkym pajau nai khumi ne. ³ Khen cham, achi i leu tangai thai ai nai keaungngochi i labeaung y tamo pakau baly mymy chi i tlang bomrei py achi my tamen pajau bo. ⁴ Khen cham, tui samphochi ly khri pa-rei len iy, ali ho parai nai my hunichi ai hm i py, kalawi pataw nai keung my ly mymy chei hai ai nai naira tleirei y kalaw pataw naira theangchi chy nai hawi pahi. ⁵ Hunai kamta teng palai ly tlang i kangpraeng theangchi chy teu, naibaly khri-parei am -e veng, khen cham, mai maidenc hy nai my thengreung ai khri pa- rei kang hai vui ly. ⁶ Naibaly palai ly mai kamta nei, achi i tlang kangprengchi theung y hawi y reng naira ly palai ne,naibaly huni ly tlang bomrei aphrai hai i y ,khaileaung pri ai kang hai ,naibaly ngari angawm ly palai ai kang hai teang. ⁷ Mawichi, tavochi, avah naichi, pangli theungy awm nai chi ly,huni cheungkhang ai ly khumichi my khawn thai, khawn py khawn reng bo . ⁸ Na i py palai ai ly ami ami py khawn thai vai y, dei nai asi my kawm i y,awm pypy thai y nai parei kamngo sai nai keung ne. ⁹ Achi ly huni Areng Tamiuh ly palo, huni hawi teang Tamiuh katawm sa nai khumi ai ly pasawi teang bi bo, ¹⁰ labeaung harei naira i nai palo nai hawi amsawi py theu lawh bi bo ly. Kai amjo amnauchi awi huna nai ly avo y leang be; ¹¹ Tuino harei i nai tui katui hawi tui kakho hawi theu thai a? ¹² Kai iamjo amnauchi awi, thaidu keung y olive athai athai thai ai? ti y baly kreip angjyn y thaidu athai thai a? ,hunai kamta teang tui lum nai ly tui katui patheu pajau y leaung . salo mang i cheung naira ¹³ Nangchi theung y khumi kacheung hawi, leu pany thai nai khumi ly ami mo? mymy i amhi amtlau nai sai kahawi deaungkho y leu anui parai nai hawi cheung parai mymy i atiti sa nairachi amteing ha jo sy. ¹⁴ Naibaly nangchi i paleung y paleung ano naira khota nai hawi aei naira awm baly, leu meitang ai am -e hai lawh mo. paka ai nai py ka - chaw thui u mo. ¹⁵ Hini cheung naira ly salo mang i dengdairei ang kathiu nai leang, khaileaung pri i hawi tlang i ngai naira i hawi ,nainbaly vawinam teng i theu nai teu. ¹⁶ Paleung ano naira hawi, aei nai awm naira y ly khrukhra naira hawi atiti kamngo cheaungkhang awm reng. ¹⁷ Nai py salo mang i dengdairei cheung naira theu nai ly angchei y chai vui rai bo, hunai bo y ly aly ai nai ngai i neaung py hawi pa - rai, ado ai nai py ngai, pahen naira hawi athai kahawi my kawi ,naibaly patle takhra yi tapawp nai py by . ¹⁸ Hawi naira athai ly aly naira sa nai keung chi i vui aly naira tiu nai ne.