¹ Tutu yu wahara tawana, Kriatus yiara tangtora. Topenang paina, taroha maitui tangdeho eha hembe angkari tangtoru herong tangtoru we woming. ² Taraso, yau, Paulus, pea we mingtoru. Topening mingtere mingtangko sunat mora, Kristus ne we mahi ne ro au wato. ³ We bohiri koa, yau epaya we mingtoru matei kio sunat pai mora cong pararia tarai pararia Adat Taurat wau a kai. ⁴ Paina mingtareng manu mungtamahi kota mingtatara ro Adat Taurat, nemu we wora rawaruha Kristus wara mintangda waruha paya wau. ⁵ Roro, Roh kota we wora ro tasane roro tara nona tasanecara we mahi. ⁶ Wo ro Yesus Kristus wewe sunat ete wewe sunat wa ete. Newe mahi patopeno! we wora rotasane raro we conamo ombora we mahi. ⁷ Piampi mintarapai roro we worato. Matei conamo, mingtarona we mahi wau wapa? Pairari wawei wo ra roro mangtauni mawa, werama hahau mintoru. ⁹ Ragi katehawi ramo conamo cico wara manu baba. ¹⁰ Yau no we ehane aho we mingtoru ro Mamarang (Allah) we eha koawa, Ainang damo mateici combaweria mintoro mintang wiwai Adat wamepa. ¹¹ paina maneta-maneta. Mintoru tope mintoru mingtang ka kara sunat. Tope ne hempe nehape mintambe nyi nya yang yau? "Topena moro : parangding sangdungan tatera salib imba we romberi. ¹² Yau yewara hempairari homi kota we hempairari, mantau we sunat mantau ni. ¹³ Maneta-maneta mingtoru hesahau we mingtoru. Mingtaroha mehari, ramo mingtangdeho mingtarona paya oha mehari we hapenang to tutu we wora ro tanutarai ne. Wara anyari hinyontarai pehi kota ehi kota ombara. ¹⁴ Tuturu Adat Taurat wawei kiai conei mehi roro werang Mamarang (Allah) wei, onyari we eha soru pararia mantau anyari we cona we aupa. ¹⁵ Mingtangdeho mingtarai rayati kota mingtang toana wawei, hahuara ki manu mingtang deho, mingtangnyi nya yang waweri mintoru pe. ¹⁶ Paina, yau epaya we worapa roro Roh, paina mingdeho mingtarona piwe mingtasahe aho roro nunei eroro tanutarai. ¹⁷ Piwe taseaho roro nunei weisea waruha, wetasane aho roro Roh, ro tato angdero boru nimpi manu mingtarona we roro nafsu. we mingtasane aho minta nutarai. ¹⁸ Ainang to ramo Roh we wora ne wata roro mingtoru: mingtoru mingtangdora Adat Tautrat. ¹⁹ rara roro piwe tasa aho roro tanu mona aino sasar mamota we ratowang tonimpi.. ²⁰ Homi, we parangding, ai, tawui, paya roro berorang, kangkania, mamuni, hane raro berorang, kangkania, mamuni, hane raro we wora, Amioming we dowa, rara mamehari, kasisou, ²¹ Hana ampang pong, mahaheru, roi mararising. ²² Tapenang damo Roh nebong peno wiwo, mararising, wewora, onghahuapi, hanerarongmawa, munupanang, ²³ numpainani, rengkepang piawa. Adat pehi yoa howa pewai. ²⁴ Soru we Mamarang (Allah) , ceto, soru, nee soru Yesus, Kristus ne sorupa.. hengdiana we wora wa, hensane kakapapno we wora. ²⁵ Tamboro, roro, Roh Kudus, mora wora wara tangdoro, penang to. ²⁶ Tangdeho, taraparanding tang toru pe, tangdeho tampairari tasane hampampong.