¹ We epayape, ro yampi wenepi watang wawe we poi rahi, imbe aine parariwa tutu wehorompi i wo nepitou nehipa. ² I yoro ro hinyo warawe raro we hendukami ro manu rarong wiri kiao yampi piwe tamani conarawa ru wei. ³ Tantoru tato tantopenang, yampi poiwou, ainunung ro nunei ning herong waweri tantoru. ⁴ Ramo interi, inte hawe pararia wang rama, Allah cetatang antu Yesusi, hinyontarai wawingnei meho tuturi yari, interi mehotuturi ro u marumut taurat ne, ⁵ manu yiwang soru we hendoro u marut taurat wou soru manu tantoru tandu wehenduwahara wepi ne poi. ⁶ Mana au we ne poi, Allah piyang cetatang Ainunug mamarang to tansane rarompai, we hehou, '' incai.'' ⁷ Inte, au aitatana couwa, ramo poi au ci poi mo, Allah cona au piwatang roro Kristus ⁸ Pampong yangpi, kutu au remparandeni Allah, au mo ongkaikutua pitau we worawa we mantau Allah wa. ⁹ Ramo, nimpi, wo au hanemkepana Allah tutu we reina pararia Allah, inang mamo tope au toweri koa hera ainunung ro nunei we penanang kota imbe compieha, merawa? au ingkai henembe heronghakutua kao? ¹⁰ Au twia tutu marising ro hane, sembeine, puyane! ¹¹ Ematei inbe nemu hawiyang ne we piyang yonane we au rama pampinoma, rama do. ¹² Yau yewara herouma, maneta pamintoru, mintamparari yau mora yau tato piyang epararia au. ¹³ Au rengkamana to, pampong yampi era epayaya Injilnei we au hopino enutarei huhi we yeduta. ¹⁴ ramo toyamo enutareine beopi pewe herora taweri weau, au imbe kongkani ete warampira yau. Pitaweri, au ruyau beapi yau wo hinyontarai Allah, pararia yau wo Yesusi Kristus inang boaha. ¹⁵ Topino tutu piwe odutapa we nuina ro ningpi? namo, yau epaya kama-kama we au pampong, imbepi, kwiboya rengkambou kota ana hereiya we yauma ramo au harampikarawa. ¹⁶ Wara nimpimo kosoa yau hopi etubanyawa we mahine we au. ¹⁷ Hinyontarei-hinyontarei wawei, yawawura manu cedutau, ramo imba tutu rara we worawa. Soru hesanewe herompirou manu au ingkai owera soru. ¹⁸ Ainang woru wewe marandising rara we ruawe wou wora, wa imba we ekotau wa. ¹⁹ Nopoipa mintoru, we mintoru, yau epikara roning koa, erukuira hihuhi hereihoha ne kiao Kristusi heroneipararima ro au. ²⁰ Yau yemang, yau ekotou roningpi, kota omberya eropinine hopino yau no we mahine kai we erou tatara mintoru. Hagar kota Sara we pinoma ²¹ Poya we yau, au we hembe wora ro une marumat kaurati, au mo taranso marumati taurauti ne wae? ²² Paina ai hembui, Abraham ne pi mawang boru,' bohiri wawei ro hinyontarei oni wawing wawei pa, wera bohiri koa wawe ro hinyontarai worawawei pa. ²³ Ramo interi, poi ro omi wawing wawei mehotuturi pararia tarai, wara poi we ro wawing woranei meho tuturi pararia anindera wawei. ²⁴ Mintandeho araria nei pararia hopino wawing borune borune anindera. Bohirnei we anindera ro tawui sinai kota mahotutura poi omi wau soru i wo Hagar. ²⁵ Hinpi, Hagar tawui sinai ro kakopa arab, perariapi Yerusalemi rohanei ramo i wo wiora ro omi raro. Kiotapi antumbou soru. ²⁶ Ramo interi, Yerusalem we ra wawodei wawipi mo wawing we wiorapi nang, kota i wo tasinamui cinang. ²⁷ Ramo ai hembuine, '' mintamanandisnghi, wawing we hene poiwa, we ceihoha wa mintasahau kota mintamararisingki, we au wewe nuina hihuhi we hereihoha painang, we poi pitau ro wawing we hemehari, waruha wawing we ne mawang. ²⁸ Eneta-eneta au wo pi anindera parari Isaki ²⁹ Ro hanei, poi hemahotutura pararia nuainunung, pararipe we rauweang roning ne. ³⁰ Ramo interi, piheici werang kakawuri piane? ocawara omi wawing pai tutu antupa soru, hopi poi omi wawing imbe ha ingkai pararia wenepi wou kotakwira tutu poi wawing worapai. " 31 im paina, eneta-eneta tantoru wo imbara poi ro omi wawing, nei, ramoropi wawing wiorareipa.