¹ E au, hinyontarai Galatia we botata! mateici tertohahu ma au pa? ingkai ro pong rengkambou remso Yesus Kristus sawaro aitaba ro kawasa wou kuira? ² Pi bohiri nang we ehune we yau yeyutana we au mantu, nuanunung pihanei au rumane hopi onta parari marumat taurat, ingkai hopi hentaraho tutu imani? ³ Impi au botatakia? au piyang twiatutu nuainang, ingkai au roning hanembe ongkutua wiri tutu taraiwou? ⁴ Pararia tanuahowa tasiwei aho piehawa ramo herona wemahiwawou tesayoa wara riwe. ⁵ Impaina, pihanci i cona nuainung we wora we aumantu kota twia ona marumati taurati, inte hopi au taronso tutu ro imani? ⁶ Mahi pararia Abraham we yoaho we Allah painang cotara weiya parari we mahi. ⁷ Paina wawai, haneaho we hinyontarai we hendoaho weherahano soru we Abraham nepoi. ⁸ Werong `kakawuri wawei ana reho hinyontarai Yahudi wa ro we Abraham kota cento,'' kawasa wousoru kuira au ana we mahi wou ona we sorupa.'' ⁹ Paina we hendoahoi imbe heradutata we wora kota Abraham, hinyontarei we yoaho waweipi. ¹⁰ hinyontarai we wou soru kuira hengkotei ro herona marumat taurati hendoro we mahiwa wawou, interi we keraduta we mahiwa wau we hembui ro werang marumat taurat ma herongpararia,'' ¹¹ Paina, mahi kuira ro hanei ro hinyontarai pehi wa wiri we ceduta we mahi ro Allah aropong ro marumat taurat paina hinyontarai we herona we mahi hembora ro iman. ¹² Ramo interi, marumat taurat herona oharo iamn, tawerwau,'' hinyontarai we herona marumat taurat imbe hembora.'' ¹³ Kristus yiwang we mahira ro marumat taurat pararia we mahiwa we tantoru, pararia we hembui tawana,'' hinyontarei we heron sawaro aitaba ceduta we mahiwa!'' ¹⁴ Ro we hendoro ro Yesus Kristus, wemahi ro Abraham ceduta hinyotarei Yahudi soru wa paina ro tane iman taraduta ro we cenderei wanei. '' Andera Allah Marumat Taurat'' ¹⁵ Eneta, yau inte yona arari ro hamahi, paina andora herona mahi, pararia yona au kota hinyontarei peha soru, hinyontarei pehi ambe congkakutua ete coneha kota tato we tumpaya wa. ¹⁶ Paina, ro andera we Allah pea we Abraham kota ne aiwawuna wawei. Allah pea piehawa,'' we ne aiwawuna wou soru,'' impaina wewe hentubanyawei manu hempurai roro aiwa wuna, '' manu aiwawuna wawei,'' pararia we cu banyawei ro hinyontarei, bohiri we Kristus. ¹⁷ Epaya topeni marumat taurat we yama 430 puira impaina iwo peakepa na piwe conawauwa manu tarong weweryawa wo Allah, wo, piwepeawau hani tarong wawertawa. ¹⁸ Interi yamonompina parariapi marumat taurat, ramo yampi noropena imbakoa hengtatoho ro hengkutu hesuami paina, Allah piang yiara wara hoto we Abraham manu pararia piwe peawau. ¹⁹ Interi, piahaina ro marumat taurat? marumat taurat we heroni imbe wetato wetato impaina aiwawuna rawa wei yama topena roro mintoru manu mintarahanori, we marumat taurat wewe hempai wehano pararia malaikat roro perentaraan. ²⁰ Ramo, perantaraan iwo hani conta weriwaniwa hinyontarei bohiri impaina Allah wo bohiri. RA PARARIA MARUMAT TAURAT ²¹ Interi piahai conamo marumat taurat hembai bahari tutu anandera ALLAH ? Ramo imbeba tato ! wo piwe herona huro taurat cona tambora, moimbe wemahi wau raropenang taurat wawei. ²² Wara, Werang Kakawuri piang sui wicora kuira pitau wawei kai kota hinyong tarai we hembe sasar ne hengkai manu andera we hempaya hensane rarong we mamarang Yesus Kristus inte cona we wewe hengsahe carai tarai wane soru. ²³ Hengsanea ho piehawa (hengsa ne kabe), Tandoro we berorang Tantoru herong tantowe tandu taurat kia o tandeho reha wau rama wewe hencara arari wau. ²⁴ To peampa, tandu taurat wei cenyau wico tantoru kio Kristus yama manu pea hahua tantoru we I' ²⁵ Nimo reha perama to, tandira taurat nei to. ²⁶ Ro yesus kristus mingtankai tambe poi mamarang ropeno tasane rarongne. ²⁷ Mintoru kuira we hengku wira (babtis) ro wahang kristus mintambe tau Kristus. ²⁸ Hinyong tarai yahudi pehi koa wato ete Yunani, wawing, mawang , tambe bohiri ro Yesus Kristus. ²⁹ Impaina mintoru wo Kristus nemingtorupa, mingtoru wo aiwawuna ro Abraham kota wewe hene piawai tapei .