¹ Bohura ha boati interi, etaweri to bendari Yerusalem kota Barabas kota Titus kota yau. ² Yau era impaina pieha wepiwanto manu epayaha huara we soru ho weran Mamarang (Allah) we epai roro hinyontara-hinyontarai Yahudi wang soru wa impaina yau, yoni roro mahoi kuira ro tantoru mehari, roro wewe hesuho rarara impaina peaboaha pihaiyo nane interi wewe yonawane ceduta. ³ Kota, Titus angkiota yaupa, iwo hembe sunati pino, ramo iwo hinyontarai Yunani. ⁴ Piwawei wepirope wawei neta-neta wau soru we heraisahari interi aisira-aisira tasua hengdetatira hengde kakepana soru pinomara wewe tang kopehi roro Yesus Kristus impaina tantoru tantaweri tambe omi, ⁵ impaina, antoru antanuha antama kota sorupe henda hengkai manu werang Mamarang (Allah) wia kota mintoru. ⁶ Interi, o hinyontarai-hinyontarai wewe hesuhorara wewe maho maihawa wemahihawa we yau wa interi Allah pea weweipi neipi pewa mintoru kuira minta mahi conapi ehawe yau wawirito. ⁷ Impaina, soru hengdeho yau wehesane carei roro werang Mamarang (Allah) we hinyontarai-hinyontarai we hembe sunat. ⁸ Interi, iwo wewe compina roro Petrus interi peraria Rasul we hinyontarai-hinyontarai we hembe sunat! Iwo we compi roro yau manu perari Rasul we hinyontarai-hinyontarai we roro Yahudi wa. ⁹ Interi Yakobus, Petrus, kota Yohanes, mananu baba ro jemaat manu ohahei piwa wo ona wewora. Wau yau, interi herona hembara cowatan hesomi wei Barnabas kota yau manu angtada we hinyontarai wewe hembe sunati. ¹⁰ Soru herewara antoru manu angtasane kepana we hinyontai henepie hawa, bohiri wewe yau ehane kakepana we emaya yona. ¹¹ Yau interi, Kefas yama ro bendari Antiokhia, yau wawei yao ubai bahari parira iwo piampi conha haratapi ramo, Kefas yato bendari Antiokhia era etatoho wo pitarai Petrus coha haratapi. ¹² Wo Yakobus hinyontarai nembau hendama wamu, Kefas campi kota hinyontarai Yahudi soru nawa ramo, hendama, suinei taweri, wo metai hintarai hembe sunat. ¹³ Hinyonatari Yahudi we eha soru heronta heramiomin Aisahara, parira Barnabas tato hengkou to wondiwo hene Aisahari wanamo. ¹⁴ Erewahara ho heng tato hendakura-kuira ro wenrang Mamarang (Allah) neiwa, impaina hinyontarai Yahudi minta tato ho hinyontarai Yahudi wa, impaina topine ha mintata toho hinyontarai Yahudi wawau soru hembe hinyontarai Yahudi?" ¹⁵ Tantoru wo herawan tantoru we hinyontarai Yahudi tambe hinyontarai wesasar wa ro hinyontarai Yahudi wa; ¹⁶ ramo tandeho hinyontarai pehi mehi ro marumat Taurat wo roro pi henencara Yesus Kristus. Inte tantoru tato tantara ho Yesus Kristus manu tamahi taran parari Kristus, tarona maruma Taurat nei paina wa. Wo hinyontarai pehi mehipi nomawa marumat Taurat ¹⁷ Ramo interi tantoru tarawera wemahiro Kristus, tantoru taraduta tanu mona wau tutu sasar wau, impaina Kristus iwo wiwo sasar? piwawei imba! ¹⁸ Pararia piwe we edadiari ramo yonei teweri, yau yenyawa we yau wo hinyontarai we yong harata marumat. ¹⁹ Interi, pararia marumat Taurat, yau piang ekaya ho marumat Taurat manu yau ewora ro Allah. ²⁰ Yau piang pi hendarai yau ro Aitaba kota Kristus. Yau ewora koa wa , tope Kristus yo kota yau. Wora wenimpi wora ro enutarai iwo wioraro iman ro poi Allah, we hesane ho yau ma cona numona wau we yau. ²¹ Yau yombawi corawa Allah newe mahi hiwau rama ro marumat Taurat, Kristus kea wau wemahi pe hawa.