¹ Eeneta-enetapa, pararia mintaraduta hinyontarai pehi cona we marawa peha mo, mintoru we mintarona mahipa mintoru mintantato hahura we hinyontarai yeimpi. Mintandeho hahuara mintoru manu mintasua tato ro we marawa pape. ² Mintarong ha huara mintoru ro mintasayoa we mambapa manu mintoru mintandoa ho anyau Kristus. ³ Pararia hinyontarai pehi cento I anci nu mona wau mahipa, ramo topenang wa, I ceisaha wawer numona ne. ⁴ Hinyontarai matei yeho piwe ne we cona conapa. Interi yamo, i mantauni yeho piwe ne we cona wau wara imbe contitoata kota hinyontarai we eha soru wa. ⁵ Ramo, hinyontarai pa matei koa matei koapa mantauni heyoa ne sasari pa we mantauni conapa ⁶ Mateci ceduta anyau we ro Allah ne werang Mamarang (Allah) mo Ia wiwo pitau we wora wau we hinyontarai we cenyau soru wau soru. ⁷ Heraisaha mintoru wa. Allah wo imbe tasani teiwa wo parariapi hinyontarai pehi ya to romi we conei cekio piromi we canang wem tarai wau. ⁸ Hinyontarai we tentanag ro nafsu nutarai mo imbe kiao we mahiwa. Ro nutarai wau. Ramo interi, hinyontarai we tentanang rohwe we mahi mo hembora kia neirung ro Roh. ⁹ Paina tantoru ambe tarento tasuhi ro tarona we wora pape. Pararia ha wane rama wane. ¹⁰ Paina interi, pararia tanduta hawe tarona piaha wamo, mintandama tarona we mahi we. We hinyontarai we hempitau, mehara we manurarong we hendoahoi ¹¹ Rehopi tato rekami we baba we ewui we au ro ewaramu ne mehari. ¹² We we here heranyawa we worapa ro piwe wawei we hesaneaho ro hesane rarong herawara au we sunat. Soru heronga we to wawei manu heronyinyayana soru ro aitaba Kristus. ¹³ Soru we hembe sunat wau soru hendoaho marumat Taurat, ramo soru hesaneho au manu we sunat manu soru heraparanding soru ropino we sunat wau. ¹⁴ Manu yau imbe yeparanding yau wa ramo ro Aitaba Tuhan Yesus Kristus. Ro ne Aitaba wawei, ro nunei piang hendarai tawani tutu yau, kota yau ro nunei. ¹⁵ Sunat ete imbae mo ne rayang pehae. Manu we hinyontarai wa woru. ¹⁶ We hinyontarai ne soru kuira herona rayang we nimpi, manu we mahi ma we piboki ne wiama we mintoru/soru kota Israel ne Allah. ¹⁷ Kiao, ambe hinyontarai pe cona piwe hasyeung we yau ramo yau eko Yesus ne kamang we roro enutarai ne. ¹⁸ Netapa mintoru, hu paina Tuhan Yesus Kristus ne we piboki ne wata kota nuainunung wau. Kaito.