HUKUM ALLAH MED USULU ASALA NAMENOK ¹ Name Farisi nunho sari taunung supihok Yesus med Ahli Taurat pirden sara mong Yerusalem mi hok. ² Honinfe, supi edun hee Yesus o sakola aibar atang sokome, elamnene mangpuin roti ade eh. ³ Honinfe, name Farisi e med Yahudi sobarpi ui satang hafok sam atang afel lol fe supi nakde fedek supi o bapbale o usulu asalaho supi puin. ⁴ Emed, Yahudi hinung ho mong emeletaunung ho mi hok supi e nakde dai fedek supi satang hafok dai. E honin sobo usulu asala bengtofang fe supi med puin mangfedek pembasuhan cawan-cawan, kendi-kendi, bejana- bejana tembaga. ⁵ Name Farisi med ahli-ahli Taurat supi Yesus atan mi naba eife o sakola aibar ho o fetang ho r bapbale o usulu asala ho e ataain nene honin am fe atang so komeeh supi puin roti ade? ⁶ Yesus supi aramateng, "Yesaya omateng ho abul fairaham iri ho aba kalufe, fedek ara hul oleh: 'Bangpalik o name ho zatfe puin nariu ada ahol, honin sobo om heleho nelet. ⁷ Supi nariuada ahol sobo e abul nene, fedekparentaba puin fom pahang ho namenok ei panen. ⁸ lahtal o perentah ho imed umat mimeng inamenok o usulu asala horofe ia puin dume." ⁹ Yesus di bala-bala supi ara mateng lahtal o perenta ho iebang honine i usulu asala horofe ia puin dume. ¹⁰ Musa ubang ho, 'imang ife ho uada ahol u hormat, 'ano name nuso purhak belbasa med somang sofo araham o hukung ho min.' ¹¹ Ano name nuso, sofo somang naba o untufe ana bung medam, sari ho sanok korban persembahan, ¹² honi sobo i esam ubangnene imang naba horo med imang ife araham di, ¹³ mangfekde Lahtal omateng bolang ho anok aai'fekde usulu asala ho ipuin mong diing bab emeng. Ho nin amfe bengtofang i foil parenta mangfedek honi. ¹⁴ Horofe Yesus name tofang ho olofe ara amteng, "iri ho barpi nei alepang honine i ahol. ¹⁵ Mang naba nuso hok namenok umlehel sariho esah nene, mang naba nuso mong namenok umnihel horosah." ¹⁶ Ano name nuso afel boi ara hohee samaeh alepang! ¹⁷ Horo hee Yesus mang bang om lema name tofang e ut sakola aibar ma perumpamaan ho u ta ain. ¹⁸ Yesus supi ara mateng e honife iri di e ahol nene? Iri di ahol naba hofe namemok um lehel ho e sah nene? ¹⁹ fekde o madong ho e madong namenok um mihoni sobo atokfemi o sabor honihe mongfahlafomi. ²⁰ Horo hee sa u bang ho "naba so namenok om mihelhoro sah. ²¹ Mong namenok om mi hotanut o sah doch ahal, tau dur, name amine, ²² name ooblap, name ona esah, na o sah panen, name adimang abor, tanut toang, sompuin name ataain, name e bit eng el, sanok karang karang, bodokamuke. ²³ Na o sah karang ho barpi mong nanemok om mi hel horo nasah." AI OBOB NUHO O UDUME HO ARA MONG SIROFENISIA MI ²⁴ Emele homi, Yesus sahirtoh sam mongbang ani tirus, sidon. sabang om lemid e honi e haai nameden ahol e honi sobo name o. ²⁵ Maeh he e Yesus ara, horofe ai obnuho o ai ob ho setang halup horofe o fo ho'k Yesus e'fa sel mimih. ²⁶ Ai obho name Yunani Siro-Fenisia mi a fain. Sahok Yesus abang honi e setang ho ai ho mi e setang ho ai ho mi helsam. ²⁷ Yesus ai obho ara mateng ubang ho no ai kabar ho sotur na ade eh. Fe'de e rupa neneho no ai ka'bar o roti ho emed bel en nene. ²⁸ E honi sobu ai obho sa Yesus ara mateng abul Tuhan, bel aibar ho sa mejafar o ai kabar o namej a meh mejataher ho sa ade. ²⁹ Yesus ai obho ara mateng fe'de anaho ubangan a sam honi he e satang ho ai aden. ³⁰ Ai obho ara sabor bangmi he e o ai ho toh sobo setang ho sam am. NAME AFEL PALA' ANO'LEL ³¹ No' horo hee, Yesus Tirus mi hel sam Sidon alay mong Galilea, mi sari ho Dekapolis bang mi. ³² No amfe supi ay nu afel pala' hu' tang sah. Ara ho' Yesus o lap ho' supi Yesus abang honi e satang med ay ho tameng. ³³ No' horo hee, Yesus ay ho ara sam name tofang elet. Honin amfe sa satang pa' med ay ho afel boy mi', nok honi hee sa maley ano', honin amfe sa alibung di ator. ³⁴ Horo hee, Yesus sapong fa' atel burang tadun sa a englay baling nok am fe sa u bang, "Efata!", olel hee "Sari during!" ³⁵ Horo mi honin hee ay afel ho lelam, alibung ba mid afu' abir ho salalung horo hee ay ho mateng no' am. ³⁶ No' hee, Yesus supi ehap sari naho u bang e med name beng ara mateng e. Sa u hap eh sobo name so u bang eh. ³⁷ Name no' air nu sahoir supi u bang ho ay ho na ono' panen. Fede' sa name afel pala' ano' lel, name amang sah ano' mateng no'.