YESUS MONG O BANG ASEL MI NAME BAHUT ¹ Yesus sa abul sam sobang so pali le'am. O sakola ai'bar ata'ain sam obang asel le'am. hair ho araham Yesus name afom apahang a, o'mebang. ² Hair o mitalang mi, Yesus samid Gereja bang mi name afom apahang, name tofang ma'eh Yesus o fom'pa, "mateng pak name so u sahoir mang homi name utaain ai ho na ho, sataromi med' na, hol dil, ma'eh ho ano fe mi ho? mitaro ni fe sa na o tahoir ho panen. satang puin aten. ³ Sari o e Maria o ai nene, o diail horo ba Yakobus, Yoses, Yudas med Simon? ahal horo o'uding obbar ba ara tara ho?" mang honi, sipi somnu honi am fe sipi Yesus ho sipi bahut. ⁴ Mang homi, Yesus sipi ara mateng, "taro-taro mi name ba Lahtal o mateng pak fetang u na me afom apahang honi name u dala ahol. honi sobo o bang o pali mi ho name e u ada ahol nene." ⁵ Mong o bang o lelang mi Yesus sa e na ba pi uta hoir e ho panen nene sobo samang satang atel med name mode ho tapuin honi name birang. ⁶ Sa sahoir, asel name e'o, tino bit nene o'om mi sa hel bang arian name afom apahang. YESUS SAKOLA AI'BAR HO SA U SUPI AHOU ⁷ Yesus sa so sakola pir airnu faling alo sa olofe sa dalam alo sa u, a'hou sam hamoi sah ho a suhuin. ⁸ Sa u sipi ahou, u, au i lame toh om mi ho i dob fe puin na mej di e puin nene e seng di med napah mi med i heng apeit nene, honi so bo supi, ⁹ i e om pilang horo puin haai kod alo mang e. ¹⁰ Yesus sipi ahou, aramateng, i sam taromi name o bang om ho lemid ho ni he'e homi sam ibor name e i'ri. ¹¹ Sobo name e i'iri med nene, i e fa omaru ho med bang bang ho ta, atote sipi o baleta om mi ¹² Supi fom mateng pak fetang ho puin nameno afom apahang supi som afom. sobo supi som afom. ¹³ Homi supi setang supi ahin alol, honi sobo name mode tofang, hodi iping puin arum sam sobirang. HERODES SA YESUS O MATENG MA'EH ¹⁴ Afen Herodes sa Yesus ho ani ahol ani ma'eh am sobo name ubang ho Yohanis name afoil e sofetang sahir toh, name min o ani homi safetang sahir toh om mi sa name no, om upir horo sa panen o fetang om ho mi. ¹⁵ Den bita, "sariho Elia." honi sobo den bita "Ai ho name nabi u a hou e." ¹⁶ Herodes ma'eh sa hubang ho, "Yohanis na lafung med horo so fetang am!" YOHANIS NAME AFOIL E HO NAME AMINE ¹⁷ Aven Herodes so, so name a'hou, honi e sam Yohanis ho apuin apec arasam hukung bang. om'mi fekde Herodias, fekde o di, ail Filipus o'ob ho sa ara fekde Herodes, Herodias ho ara nikah am. ¹⁸ Yohanis sa Herodes aramateng ulang-ulang, "ho o, pa, e no nene pa, sah fe sa u Herodes aramateng i di'ail o, ob fe med." ¹⁹ Herodias som puin Yohanis ataain, om, ho Yohanes ho amine honin sobo sa amine sah fekde Herodes sa Yohanes ho el baroic. sa ahol honin he'e name om abul, om bolang. ²⁰ Herodes o atino, bit Herodes ma'eh Yohanis om, u'pir sobo Herodes sa Yohanes o, mateng alepang apano. ²¹ Ho, araham Herodes afain sel o hair mi afain o sel ho mi Perjemuan panen, sa name pangka puin mate-mate, air'nu mong Galilea mi. ²² Herodias sa sabea honi e Herodes om ano sanang apang ano no, afen ai ob lafat ho, "Abang naba fe u i'nung e named en." ²³ Herodes sa som mi a'hi, som mi a'muj. ana bafe u'bang honi, named en. "sobo na mate puin ho o di na a'bang, ha den med en." ²⁴ Lafat ob ho sa sabor, sa sofo ara mateng, "na, naba nu fe bang?" ofo o mateng abor, "Yohanes Pembaptis e lafung horo." ²⁵ med, mang ho mi ai ob lafat ho, afen atan a'naba fe u'inung named en mang homi, ai lafat afen o'mateng abor, Yohanes name afoil "elafung horo med dulang mi nen." ²⁶ Afen om muj fekde sumpa ho ataain name ba'ara na'ade sei'na o mi'ta o ai ob lafat sa e bahut nene. ²⁷ Afen sa so name ari'ing ahou u parenta honi e Yohanes e lafung med dulang mi fit sam ai ob lafat ho en. honi e sa med sofo en. name ari'ing afen ahou sam mong hukung bang Yohanes lafung med. ²⁸ Mang homi Yohanes elafung sa atel med dulang mi sa med ai lafat ho en honi e ai lafatfit sam sofo en. ²⁹ Yohanes o'tenang el'bar ma'eh sopi sam o' bo ho med apot. YESUS SA NAME RIB IVIHING AH ROTI MEDE ADE ³⁰ Sel ho araham, Yesus sakola ai'bar ara ta'u'nung sa supi atan i naba fe panenam em i naba fe e'u supi aramateng am. ³¹ Yesus sa supi o lofe aramateng, "i barpi ma honi e pi sam pali o tining fe le'am pi homi a'ir api'te." fekde, name tofang sam e ho e, pi nakde di e tom tining nene. ³² Yesus med o sakola, ara mid eyta supi sam pali o tining o leam. ³³ Tofang sadail teeng taat lol sam bang pali ari'an, sam, supi mi sotur sam'am fe Yesus o sakola ho fo'il sam. ³⁴ Yesus sam mol adi, ho tatoh sa dun nameno tofang, homi om'muj, sa e'dun honi Nub ba o'bu'ang a'ai honi manghomi Yesus natofang u supi aramateng. ³⁵ Dil'pana e ham, Yesus o sakola ai'bar ho Yesus aramateng, "eleme ho, o eleme oh homi e dil'pana lufang am. ³⁶ Sakola ai'bar Yesus aramateng, name tofang ho, ahou sabor sam bang pali ari'an, namej lap fel e ade." ³⁷ Yesus supi aramateng ingso namej med supi en ade. sakola ai'bar Yesus atan e honi fe ning so seng rat alo hofit sam na mej fel med supi en ade?" ³⁸ Yesus supi atan Roti pa,' den ara ira i dai sam e dun fe so, atino sam edun "roti pa, ifihing ab pa' alo." ³⁹ Yesus supi ahou saba'ang mih den bana lew ho ta mih. ⁴⁰ name tofang ho saba'ang mih. den pir ratnu den a'ir ifihing. ⁴¹ Mang homi Yesus roti pa ifihing ab pa alo, Sa atel puin saburang e dun sa o'tanai no bit. honi am fe Sa roti ho ahi kari-kari honi am fe sakola ai'bar puin name tofang ho ah. ⁴² Name no, barpi ade sam ato in doro alel. ⁴³ Lote bar pir rib ifihing roti ho ade sobo, o alihing so ara. ⁴⁴ Botang a'ir nu faling alo. SEL H'AIR HO ARAHAM YESUS SA SEI' TA TOH LAME. ⁴⁵ Mang homi, Yesus so sakola ai'bar parenta supi ahou barpi mid ey ta sam mong Betsaida bang ho leam, mang homi saname tofang, ho ahou sabor. ⁴⁶ Sa supi ahou sabor, honi e sa sam doita a'o'me. ⁴⁷ Sel ho araham dil'pana, supi o' ey ara mol o ham ham ho mi, Yesus solo taat ho tatu fe ⁴⁸ Sa so sakola ai'bar ho edun, supi ey ta, susa malo a'hol fekde hamoy ho, e mele ari'an ho lol ho sariputang e dai ey dod. supi u'kuru honi bu'ang dil'pana o, miut mi. Yesus supi adang ho, sobo om supi alai ano. ⁴⁹ Homi supi dun honi, he'e Yesus mol adung ta lame eh. sobo supi e'tanut so. mang homi sakola ai bar o'lofe. ⁵⁰ supi barpi dun Yesus ahol supi baroc. sobo, Yesus supi aramateng, "Tining. Ho o Nari! Baroc E." ⁵¹ Mang ho mi Sa mid supi ara ey' om'mi, horo hamoy tining, mang homi supi so u'sahoir. ⁵² Fekde, supi e o'a'sala dai fekde kufa, roti pa ifihing sobo supi om ho dai ado beeh. YESUS SA NAME TOFANG ANO, BIRANG ⁵³ Yesus med o sakola ai'bar ara, mang ho alai supi mid Genesaret o fa'ai ta do tong. ⁵⁴ supi mang ey om ho mi hel, name sari'an ho Yesus ahol, ⁵⁵ sel ho araham, sari'an te'eng bang pali ari'an name mode med buh mi balo'il fetang ho fekde Yesus o nen supi ahol am. ⁵⁶ Homi Yesus Sa hel pa'li ari'an Desa ari'an kota-kota ari'an, name mang ma'eh, name mode name fit sam ho mi atarang emele ba name tofang ara homi. honi sobo Sa supi e'fa'fan, ano namenu so no Jubah o' alomang ho mi puin em Jubah o alomang, ho mang ator di sa birang no.