NAMENU GADARA HO HAMOY SAH ANOK SUHUIN ¹ Supi sam tang ho alai, gadara palik homi. ² Yesus hey ta'hel. name nu ho hano no'ang be'in dere ta' sari o name tabur Yesus a'hol. ³ Sari o dere fe ta'tar name apuin sah, apec di sah. ⁴ sari e, va apec sah sa'mang a'hi name e ku'fa nene. ⁵ di'lel dil'pana sa doy ta am'ma sa voy puin sa no bamed. ⁶ day let sa dun Yesus ahol sa teeng sam Yesus e'va sel mi'mih. ⁷ so atino sa bit naba so pi anay fe ha o Yesus na aramateng ha'ay nano sah e!" ⁸ sobo Yesus aramateng name no om ho mi hel!" ⁹ Honin Yesus atan "hani naba?" horo, sa bit, "nani Legion nani tofang." ¹⁰ sa Yesus abang ni ha'ay sam e se pali ho'omi. ¹¹ tong doy ho buy tofang, doy abung na'ade he. ¹² setang ho Yesus abang, Yesus inung horo setang ho hel sam." ¹³ buy o om'mi tofang rib alo te'eng pe ta muj, den te'eng tang le'hel. ¹⁴ mang horo name buy bu'ang ho name ahol naba so araham' ¹⁵ horo name ho Yesus name tabur ho no birang horo name baroic. ¹⁶ supi na ho ahol supi med name aramateng fekde taronin ey fe na'ho ara. ¹⁷ horo fe name Yesus aramateng toh bang ho e'let. ¹⁸ horo Yesus mid hey ta ai'tabur ho bit no he'e sang di Yesus ara lame. ¹⁹ horo Yesus e u'inung nene habor sam ho name aramateng Yesus o u'karang. ²⁰ horo name sam o mateng name ba na om' u'pir fekde Yesus na panen name u'sahoir. YAERUS O'AI HO ANO FETANG MED OB NU HO O'FUY ANO TA'AT ²¹ Ho araham Yesus hey ta sam danau adi ta name tofang abung sa danau adi ta. ²² Gereja o mate e ani Yairus samang ho Yesus e fa sel mi'mih. ²³ so ati'tino Yesus abang ho'oni no ai'ob ka'ay nu ho eday min fe ma Hatang ta'puin honin he sa birang so fetang. ²⁴ Yesus med Yairus arasam name tofang Yesus ata'ain ari fading. ²⁵ name ob nu ho o'fuy her tun ernu faling alo. ²⁶ sa susah ho ahol lufang lafurung tofang abung kafac di hel oh' sobo name ob ho e no nene mang sah. ²⁷ sa Yesus ani ma'eh name ob o Yesus o lap ho amod fe lol. name o anay o kod ator. ²⁸ name ob ho na o kod ator he'e na birang. ²⁹ so horo he e o fuy di ta'at avah senang. ³⁰ Yesus mang sa hol u kufa ara, Sa sadimang name atan hano so no kod ator. ³¹ horo o sakola atan ha naba fe edun ha name lubung ari paksa hano so nator. ³² Yesus dun e fading hano so na ho panen. ³³ mang horo ai ob baroic bi'bil sa ho Yesus e'va sel mi. ³⁴ Yesus ai ob ho aramateng ho iman hano birang. il'luling puin habor sam. ³⁵ Yesus day mateng he, name piralo tow Gereja mi "ho' ai minam ha naba fe Guru ho ariko?" ³⁶ horo fe Yesus e a'lepang nene naba fe bit sa Gereja o mate ho aramateng baroic e hu dume. ³⁷ Yesus e u'inung nene o ata'ain ho Petrus, Yakobus, Yohanes, med Yakobus. ³⁸ horo supi sam Gereja o haneng o bang mi name lo'il den ahain den sahoir ama mate. ³⁹ horo Yesus mid supi aramateng naba ey fe i loy den ahaian eka ho emin nene sa nop so." ⁴⁰ sobo supi Yesus o hasal, Yesus supi aramateng i'barpi hel Yesus omang ofo ho med ai ho name bang mi ai ho ara. ⁴¹ horo he'e sa ai ka'ay ho atang apuin, sa bit ho'oni. ⁴² ai ob ho toh horo he'e sa lame o hur ho tun ernu faling halo horo name tofang o atino bit. ⁴³ Yesus supi ahou ati'tino naho'o ho name nu di e'ahol nene ai ho ahou na'ade.