TUA NU SO FIN BAHITE 1 Fed, Yesus Sa name ajar mong danau o aloma mi name nok tofang ta'unung Yesus olap hok lafok bik horo fe Sa ey tabid om mimih mong danau. Mi panek'ta name tofang ho ara mong ta'at ta, mong danau mi. 2 Fed, Sa name nok tofang ara huktang med name lafo araham honin sobo apapay mateng. ona ara huktang sa ubang med name tofang araham, 3 "Alepang! name nu ho sam fin bahite. 4 Sam so fin bahite honin fe naba so ara, e lufang nene hee sa fin bahite. Den muj sekbur adi lehel, sobo hiw hok, e adeam. 5 Den muj mong foy karang lehel bo taai apitek nak'afay ho hara'ain abow bo taay e ulnene. 6 Mi panekta fed bune nak'afay ho tama'ain fekde o alimang haai, nak'afay ho malot. 7 Habuden muj mong namang'atang hel honin e namang ara abow namang nak'fay arap horo hee min, honin he nak'fay ho abung opir haay. 8 Honin sobo, opitek muj faay onok lehel abow bung'ta pir'ara, abow, sa lafoh mate, honin e o lafo ho hey ertow alihing, hey ertalang alihing, med hey ratnu alihing." 9 Honin fe, Yesus Sa ubang, "Ariano so afel ara honin hee alepang, se honin sa alepang!" 10 Sel nu mi Yesus solo, name e fading ho, barpi med o aykabar pir ernu faling alo, ta'ain pak med en o pak ho apapay mateng horo. 11 Horo hee, Sa foy supi ara huk'tang, natafuning kerajaan Allah hodi name di en am. Honim sobo, med name nok ray araham. Ernu turlo u huk'tang om mi ho appay mateng, 12 Honin e supi barpi edun, supi edun sobo ahol nene; med supi alepang sobo supi ahol nene. honin hee supi haay som afom med u ampo." TUA NU SAM FOM MATENG HO MED APAPAIL MI 13 Honin fe Yesus supi aramateng, "Mateng apapail ho i ahol so'em a'ay so? Taronin fe i'ri hara'ain ahol barpi apapail mateng ho ahol em a'ay? 14 Fin bahite u hu'tang he ho sari ho fom'pak mateng'pak. 15 Supi ho mang fe'dek nameno ba muj se adi le'hel, eleme ho fom'pak horo se u'mateng he fe'dek supi ma'eh honin hara'ain setang hok u tot med. Fom'pak ba supi a'lepang honin sobo supi u'hutang. 16 Honin sobo, supi ba muj mong foy fa'ay sara tolol ho le hel ho fom'pak u'alepang apano honin e med som mi meng. 17 Honin sobo, supi o hu dume ha'ay honin fe se'lal o u'dume o mangtanai supi mi paneta ho susah em name hasara. fedek fom'pak alol nene, supi hara'ain muj. 18 Honin fe name beng mang fedek horo muj mong namang araham mi. Supi mang fedek name tofang ba fom'pak u'alepang, 19 sobo om'bol ong pali mate ho mi honin fe ari'ing fai horo ano kafac honin fe u mama horo panen aten ba madong aratanay fom'pak horo honin fe karang lapeit horo fe sa e hil nene. 20 Taronin fe, supi ba mong fa'ay o no le'hel horo fe supi ba fom'pak u'alepang med som mi honin fe ano fedek ho ertow alihing, ertalang alihing, med ratnu alihing." APAPAIL HO LAMPU HO ARAHAM 21 Horo hee Yesus sa ubang med supi, "Mitaroknin fe lampu ho arahui med ekfa mi meng em med dek efar meng? Taroknin lampu ho abul hee med lampu ekfatak atuhin? 22 Taronin fe ara mang fedek natafuning fedek ha'ay u'hutang e. honin sobo, na haay natafuning ho, haay honin fek a'ubang. 23 sobo ari ano so fedek afel ara, honin hee, u'alepang honin fe sa se'alepang!" 24 Honin fe, Yesus supi aramateng dun fe naba so supi a'lepang hu ba supi puin ho puin ari huk sobo ho honinfe. dai ara eh o' horo puin med ei'ta. 25 Honin fe ano so e ara, sa uy med en so. honi sobo ano so e haai naba so e ara horo pi abung med." APPAIL HO MED NAAFAY ARAHAM 26 Honin fe, Yesus ubang Kerajaan Allah horo fe mang fekde name nu ba fin bahite ong faay ta. 27 Fin bahite ho so tar eh med toh dil'lel med dil'pana, honi fe nakafac ho sahel hee o'dor honin fe abow. tek sobo ahol tarok, ninfe ara. 28 Faai ho untu opir sobo sobobom o a'ainang o'dor, honin fe obuling med namej o afai-afai mong o'om mi 29 Honin sobo, namej afai-afai ho adobe, name so hara'ain tareng, horo fe ul o med mi ho ara eh am." APAPAIL HO SAMED SINA FALEY HO ARAHAM 30 Honin fe, Yesus ubang ho, "i, naba akala fe i med o araham Kerajaan Allah? em, ubang apay mateng tarok nin pi ahol he'e? 31 Kerajaan Allah ho mang fekde na afai ho di bahite faai ta honin sobo na afay ho mang fekde mateng apapail ho pali mate ta, 32 sobo sel nu mi sabahite, na afai ho sa abow, honin fe mak mi mate bik. honin fe hiu ernu tong lulingham ahol, so barang aten hel lama efar mi." 33 Naba mang lafoh apapail honin ho Yesus mateng bolang med supi araham naba fe ahol supi ma'eh. 34 Sa haai mateng med supi ahol nene. apail mateng ho sa ubang barpiam, mitata o sakola aibar. YESUS SA HAMOY MATE HO ANOK TINING 35 Fed, mak sel horo, mang noam hel, Yesus so sakola aibar, a'u mae pi sam eleme nu, danau." 36 Mi panek ta name lafoh horo, supi naba puin Yesus araham supi hel ey om lehel, eleme so. Yesus ara honin fe ey nun barpi ara ham-ham sari ara. 37 Horo he'e, hamoi mate horo okarang fed bob mate ey ahel few, horo hee ey horo fe sey afeng. 38 Honin sobo Yesus ara por omtining, ey amot mi honin fe supi amuh. 39 Honin fe, Yesus toh fe si'ud. hamoy horo he'e sa tang e hap, "por! Tining e ma!" horo, he'e hamoy sonok, fed so abul-abul tining. 40 Honin fe, sa foy mateng med supi en, tarok nin i baroit? i u dume aai? 41 Supi baroit bik-bik fed sabit name nu araham ano so ba ho? mang fekde hamoi mate fed tang honin fe alol atain!"