YESUS HAIR PALOL MI NAME ANO BIRANG ¹ Sel nu mi Yesus sam A'ome bang leam, sari o Sinagoge, om le'mid he e name mode nu ho atang habuden min. ² Sipi Yesus ho edun, Ai ho ma atino name mode ho' anok birang nok em ha'aimi ho name mode atang den le min. Hemo mi ho name Yesus o ahal ho edumeh fe de hair ho hair bolang. mang fe'de Yesus name mode ho ano birang. Honi e sipi Yesus ho o se'bur lap. ³ Yesus name mode ho olofe. so nok Ahritoh nameno tofang o anai homi. ⁴ Yesus ubang ho Hair Bolang om homiho Pi nanok panen horo abuleme, "Nasah panen horo abul? name ano illuling eme name amine?" horo he'e, sipi por. ⁵ Mang horo hee Yesus ai ba atang den'le min ho o love, Sono atang ahir. horo hee ai mode ho satang air birang med. ⁶ Sel ho araham ho name Farisi sahir toh sam Herodian ara som nu honi sipi Yesus o'sebur lap amine. NAMENO TOFANG YESUS O'LAP MA ⁷ Yesus sahir toh so sakola aibar ho let mong sei a'lofe honi sobo name tofang ba Galilea om mi ho barpi Sari ve ata'ain sari ho name Yudea mi, ⁸ Yerusalem mi, Idumea, med mong vale Yerusalem mol, Tirus med Sidon, name tofang ho barpi Yesus omateng pa ata'ain lap ma. ⁹ Fekde name no tofang bi, horo Yesus so sakola ai'bar aramateng hi ey nu med ere'eng honi supi ha'ay Sari amu'muin e. ¹⁰ Fekde Yesus name no tofang anok birang, honi sobo name no' tofang ba mode om mi'ho dai mateng eh uil-uil sipi di Yesus ho o'lap ma ator honi e sipi birang ho ahol. ¹¹ Sobo name oba roh sah om mi hodi ma, u'ada' ahol med araham, honi sipi di ahol, "Ari horo so atino Lahtal ai!" ¹² Horo he'e, Yesus sipi e, hap' ha'ay ubang ho Nari so honi e. YESUS SAKOLA AI BAR AIRNU FALING ALO U TUB ¹³ Mang horo e Yesus doe ta mid name o lofe barpi ma o inung ata'ain ho so barpi ara olap ma. ¹⁴ Sa so sakola pir air'nu faling alo barpi ara tohuil honin e sa sipi ahou name afom apahang, ¹⁵ honin am fe o kufa med sipi en, honin sipi puin setang-setang nu ate'tel. ¹⁶ Yesus sakola ai bar airnu faling alo u tub: sari ho Simon Petrus, ¹⁷ Yakobus, Zebedeus o ai, med Yohanis, o di ail Yakobus. sari horo Yesus ani den Boanerges, o lel he'e "Guruh o ai," ¹⁸ Anderias, Filipus, Bartolomeus, Matius, Tomas, Yakobus, Alfeus o ai, Tadeus, Simon name Zelot, ¹⁹ med Yudas Iskariot, A hu sah. YESUS O KUFA HO LAHTAL MI HO. ²⁰ Mang horo he'e, Yesus sam bang nu lemid, horo he'e name no tofang ho o lubung, horo he'e Yesus e med O sakola ai bar ara na'ade sah. ²¹ Horo fe Yesus O keluarga ma eh ho sari u tanut e no nene, sipi om ho Yesus ho sipi uil ara sam ubang hani arasam. ²² horo he'e Ahli-ahli Taurat ba Yerusalem mi ho sipi ubang ho, "sari ho Beelzebul om mi am!" med "Sa setang o kufa puin setang ate-tel." ²³ Mang horo he'e Yesus sipi o lofe barpi ho' honi am fe Sa apapail puin, "sari ho taroni fe setang puin setang ate-tel? ²⁴ Mang fekde bang nu pali nu tari butung sa e sobo-bom sara mali. ²⁵ Med, mang fekde bang nu tari taberang sobo-bom, bang pali ho tari sah. ²⁶ Mang fekde setang sahir toh sobo-bom tari taberang, sa e sari tahang nene, honi sobo o mateng o lurung ho o amuid mi. ²⁷ Name nu di e berani nene, sam name kufa o bang le'am, obit kawaic ho u tot, asala o a'ainang ho sa name kufa ho apeid, e honi am fe sa obang ho ad no." ²⁸ " Na na, o'tino ho ubang i'ramateng, name no air'nu ba doic ahal panen fani med at mi hel ho u ampo no. ²⁹ Honi sobo, ano sari so Hamoi Bolang ho ara kalufe sari ho o ampo a'ay, honi sobo sa ahal fekde doic so em. ³⁰ Fekde, Taurat o'om hul sipi ubang ho, "hamoi sah om mi. YESUS O LELANG ABUL ³¹ O ata'ain honin he'e, Yesus ofo med o uding bar ho luling mi toh, sipi ahou Yesus o lofe. ³² Ho araham ho name no tofang Yesus e fading efalofe mi mih, honi'am fe sipi mateng, "Edun, i'fe med o uding bar luling mi ari lap eh." ³³ Horo he'e Yesus sipi o mateng abor, "Anohoro nife med no uding bar?" ³⁴ Honi am fe Sa mateng Ne dun, i'ri mih eh horo nife, med i'ri mih eh horo No uding bar! ³⁵ Fekde, ano name nu so Lahtal o parenta ho alol ata'ain nono sari horo No uding lote bar, med No uding ob bar, honi sari horo Nife."