(Yesus Doit uampo Med name tuung ano Birang) ¹ Sawi Selho mangmi alai, Yesus saborho Kapernaum mi, name maeh bite. ² Sari ara mong bang miam. Nang horo he'e name to fangho lubung bang om homi afeng alihing sam mong sear adilefa, horo he'e sa fompa ho u name ara mateng. ³ Horo he'e name pirut aitu unghod nu ho supi tefang olapho. ⁴ Hunin sobo supi olap fa sah fe'de name sari buir mang horo he'e supi Yesus emota ho mi bang ado ari, mang during horaham ho supi arahel atarang. ⁵ Sari ho arahan ho, Yesus dun supi oudume ara, sa ai tuung hod ho ara mateng, o no ai o done ho na uampo am. ⁶ Hunin sobo Ahli Taurat aynu ho mih som mi tanut, ⁷ Minaba e fe sa mateng ho nin u bang? Sasano lahtal solo ano hunin horo fe doie nunho nampo no? ⁸ Yesus supi om aho o hamoy bokang fe alay. Sa supi ara mateng minaba e fe tanut hunin ho ara iom mi? ⁹ O taro ro horo mino, mateng med name tu ung hod ho ara ham, ro doie nonho na uampo, em na ubang ho toh, eme ho tefang e lame? ¹⁰ Hunin e i ahol name no ay ho o kuasa ara palile mate mi puin doic nun ho uampo." Yesus ai tuung ho ara mateng, ¹¹ Na ara mateng: toh, o buh med, abor obang leam. ¹² Ai tuung hod he meng horo hee sahir toh. Sa sobuh med no sa hel luling lehel name tofang arahan homi. Name homiko barpi lahtal o tino ahel horo hee supi lahtal ani utarain, hero hee supi ubang ho na honim ho niday ahol. (Lewi Yesus Ataan) ¹³ Yesus foil sam mong Danau adileam, horo he e name ho barpi ulubung lubung horo he e Yesus name he afom apahang. ¹⁴ Yesus lame fa eh, sa dun Lewi ahol, Alfius o ay, mong pajak mana emele mimieh. Horo, hee Yesus ara mateng, maeh nataain, mang horo hee Lewi sahirtoh mang ataain. ¹⁵ Yesus mong name Lewi o bang mirah naade eh, o om mi ho name pajak u falihing di ara lafoh emeid name do'e e ahal panen di ara, bang homi am fe supi ham-ham Yesus ara naade med. O sakola aibar nun ara. Asel ho name tofang di ara, mang horo he supi Yesus atain. ¹⁶ Sari sel ho aura ham ho Ahli Taurat oy nu ho supi ho Farisi hinu dun sam hunin hee Yesus, name doit ahal panen e'med name pajale utalihing. Sara ham mih navade eh, supi Yesus e sakola aibar num atan. Mitarale nin fe sa name pajak talihing e med name doie panel ho ara ham-ham Naade? ¹⁷ Ho ara ham ho Yesus supi o mateng maeh sa o, aborho, namebirang ho elafurung lap nene hunin sobo naime ba omade horo name lho, e name abul nonho na ho olofe nene, sobo name doie ahal nun horo. (Puait Utaain) ¹⁸ Yohanis o sakola aibar e med Farisi hinung supi malihing atep. Name oynu ho atan minaba e fe Yohanis asakola aibar e med name Farisi o sakola aibar sara malihing atep, honinbo osakola ai bar ho emalihing atep mene? ¹⁹ Horo hee Yesus supi omateng abor, abul em alay pengantin lote tenang elbar ho puae ataam honimsobo pengantin lote ho dai ham-ham supiara? Pengantin lote ho supi dai sara ham-ham e, supi ho pau ade nene . ²⁰ Hunin sobo o hain maeh pengan lote ho name med, sari hair huni horo supi cuil puae hene. ²¹ Fen habar ho puin fen pah ba peh am ho bulang ho name e panen eh nene. Asel ho fen habar ba puin fen pah peh bulang ko sa uilpeh, no he o'peh ho sa mang mate ta. ²² No hee name Anggor baru ho e med kantong kukit ba paham ho e mi ahuin eh nene. So atino ahol fe hee. Anggor ho sauit kantoni med kantong kulit homi hee sa uilpeh hunin fe Anggor e med. Kantong ho so alo sah foil o bor mi anggor habar ho med kantong kulit habur ommi taro." (Yesus ho Tuhan hair palolsa Emota) ²³ Hair sabat nu arahan Yesus aha dil mi lame, alai salame om ho miho o sakolah aibar tabubul ala atir. ²⁴ Horo hee Farisi hinu atan, aday edun, minaba e fe supi naho panen naho hair sabat alahaun?" ²⁵ Horo hee sa supi o mateng abor i sura bolang ho taam am emday, naba hunin horo fe daut panenam ho, rarahan sari med, o name nun ara fetang ho kurang bo med malihing? ²⁶ Mitaroknife sa lahtal o bang om ke mid. Sel ho arahan ho abiata mate puin sari ho imam mate horo hee roti ba persembahan ho imam-imam so adeno hunin sobo roti ho supi foil med name nonun ba supi abung hoen?" ²⁷ O'ataan hunin hee Yesus, Farisi himung arama teng hari sabat ho sa panen med name no arahan, e med heir sabat ho arahan nene sa emola. ²⁸ Huninfe, nameno, ai horoba Tuhan, hunin fe, hair sabat ho sa emota.