(Yohanis Pembaptis Okarisang) ¹ Hooro mateng fetan oa ai nang med Yesus Kristus ba, lahtal ai ho ei araham. ² Orupaba, hul mong nabi Yesaya o kitap ommi honi: "Nedun, nanome ba na ahou ey ho nasotur tahau samam, sari horofe masak sekbur panen med ereeng; ^{1 3} Ainu mong laboknu ani gurun nomi toh lofe eh: sekbur panen med lahtal ereeng, sekbur anok mulang med araham." ^{2 4} Okmudmi honin hee, Yohanis ba name ofail anok sarani ho, ara mong gurun hami horo hee, salofe iomfom e ma na ifail, haninfe lahtal idot uampo. ⁵ Selfo araham ho, nameba ara mong Yudea med Yerusalem mi ho, hok sobarpi Yohanis abung sodot sokahal ubang nok horo hee, Yohanis sipi afail mong Yordan mol mi. ⁶ Yohanis ofenho, unta o uil fe, name obeng ho gar anok bolang amfe, anok kod mate, sama. O sapu uil ho tifah, o named ho, fain sey med kafe. ⁷ Yohanis saneme tofang ara huktang, mipanekta honim hee ainuba minak tinok nemotaho hok malik hel okalom hei horo afetangdi sah. ⁸ Nariho na seyfe puin ifoil, sobo sariho, saroh bolang fe puin ifail. (Yohanis Yesus Afoil) ⁹ Selho araham ho, Yesus mong natsaret mo hok, Galelia mi, nak horo hee Yohanis Yesus med Yordan sei mol homi afoil. ¹⁰ Mangsei mi hel nok hee, Yesus dan honi hee burang sariduring, a med Roh ho orupa aiu uklo honi hel Yesus arita. ¹¹ Nok horo hee saalepang honi hee amang pak nu sorga mi hok, Arihoro no ai nomhel, na ari u karang." (Setang Yesus Pate) ¹² Mangnok horo he Roh Yesus arasam gurun palik mi Yesus ara mong labok gurum homi ho olufang tareng erut, setang ari. ¹³ Mong labok gurun miho Yesus ara eleme ho mi olufangho tereng erut, seta ari pate. Yesus ara monghemomiho binanta falefang tofang o anai med mala ikat hok sana ubaleta. (Yesus ara mong Galelia Mi) ¹⁴ Yohanis nem mangapain hee Yesus hok Galelia mi mateng fetang ba lah tal mi ho saumateng. ¹⁵ Saubang: sel anam lalital obang soem ho fanangam iomfoni mateng fetang udume." (Yesus sosakola Aibar Olofe oa ai Nanang) ¹⁶ Selmu mi ho Yesus lame-lame mong danau Galelia tut ho ta, Yesus sa Simon med odiail, Anderias, Ahol, Sipi danau homi puko feu eh feduk sipiho name ablap oname. ¹⁷ Nok horohee, Yesus sipi ara mateng, mae nataain honie naihau namenok fe puku tafeu. ¹⁸ Simon med Anderias hano noang sopuko meng horo hee fa ata ain. ¹⁹ Sel ho mi sa lame miu lelet apitek hee, Yesus dan Yakobus bo Sebedius o ai, med adiail Yohanis ho ahol, ara ei ta sopuko ano noke. ²⁰ Sohoromi hee, Yesus ha nonoang sipi olofe manghoro sipi somang Zebedeus med name sipi ara mih ho med homi eita amihing horo hee sipi sam Yesus ata ain. (Kuasa Yesus ommi Afom Apahang) ²¹ Horo hee sipi Kapernau mio heir horo sel palol asel mi, sohorohee Yesus med aome bang omle med name afom apahang. ²² Name omupir o fompak mateng pak maeh fedek sa name a fom ho, arupa mangfedek name okti ti nok honi e mang fedek ahli taurat honi nene. ²³ Selho arahamho, mong kumpulan banghomi ailote mu setang ari tamang horo hee sabeat, ²⁴ samateng, "Yesus ariho natsaret hinung habaso sah piknai ho mi? Ahal a hok ho ahok nimine soti? Na ihol ari horo bolang lahtal mihok!" ²⁵ Sobo, Yesus asiud, ara mateng, por! haraain aiho ommihel!" ²⁶ Selhomi Roh ariingho aiho odang beat hel teeng. ²⁷ Namenok tofong om upir horohee sipi satan hooni, naba soe? Fompak habar nu bo okuasa ra! Yesus roh sah ho ahouhel roh sah ho ata ain." ²⁸ Sohoromiho hamoi lamail mitoh horoba Yesus ani ho lil Galelia palikho mipir. Simon oobofo med name tofang anok Birang ²⁹ Sipi mong kumpulanbang homihel Yesus med Yohanis sammong Simon e Andrias o bang mi. ³⁰ Simon o ob ofoho tareh ho asel mode tasok. Sipi sohoro hee obto opan atanho a Yesus ara mateng. ³¹ Yesus sammong abto emele abung homi sohoro he sa obto ho saatang mi puin bakungtoh, horo hee otasokho suhuin - sohorohee obtoho sipi u baleta. ³² Fed mud dil pana honi hee, sipi name mode med name setang tamaho arahok Yesus abung. ³³ Sohomi horo hee name tofang sipi o lubang ara sear homi. ³⁴ Yesus name mode tofang-tofang ho anok birang nok horo hee sasetang ara lil; sasetang nun ho ehap haai mateng, fedek sipi ahol. (Yesus Saaome nokhe sa Fompak Umatang) ³⁵ Lalami ba dilsel tabarung Yesus satel toh sam emele oh nu mi, horo hee sa hemomi a ome. ³⁶ Sahoro hee Simon med o bengta ho sam Yesus lap. ³⁷ Sipi manglap ahol horo hee sipi Yesus ara mateng, name tofang arilapeh. ³⁸ Sohomi ho, Yesus sipi aramateng, mapi sam bang palik o fanang homi honie na, fom pak ho med sipi di ara mateng fe, fedek hooro eife nahok. ³⁹ Mang horo hee Yesus sammong lame Galelia ho mipir. Yesus fompak ho ubang mong name o kumpulan bangha mi nok hee, sa setang ara lil. (Nape hape Burang anak Birang) ⁴⁰ Ai nuba mode hape burang anok ho hok Yesus olap-sari ainuho sasefaur muding Yesus ekfa selmi nok he sa Yesus abang ara mateng, mang fedek a inungso, a nohape burangho anok suhun. ⁴¹ Mang horo he Yesus odamur farufing asel ommud, horo he Yesus satang ahodfa, aiho ator nokhe Yesus aino aramateng: Na inung, noamba ohape burangho suhun. ⁴² Sosel horomi he ai modeho ohepe burangho suhun. ⁴³ Yesus aiho ahou hanoang sam bo daiehho Yesus aiho ehap. Yesus aiho ehou hanoangsam bo daiehho Yesus aiho ehap. ⁴⁴ Na aramateng, nahoo eiho mangano horodi naden u sipi ara mateng nene. Sobo, sam afah ahirho imam etub nok hani he onaba so ara apeu med obirangho arahan mang fedek Musa uparenta eh honi anok utub umaring sipi ahou hol. ⁴⁵ Honin sobo, aiho sam horo he sasarinaho bit nok horo he samang umatang lame eleme arian. Horo eife, Yesus epetan petang sam kota leam nene, sabo samong lulingmi, mong eme ohfe mi, name tofang-tofang mong emele arian araho solame hok Abung.