ROTI PA'ITITO, NAME PIR RIBUT ADE ALI HING ¹ Mi nu mi honi hee, name tofang ray taunung sobo namej haay Yesus so sakola ay bar o lofe a ra mateng. ² "Name no' tofang hoo nom esah bik fede' supi nara tareng tou om mi am sobo namej haay. ³ Supi malihing om mi honi e na supi ahow sabor so bang el ari an ahal sam seham naden supi ano' fe'de supi let ho'." ⁴ Horo o sakola ay bar o mateng a bor pitaromi roti med puin supi ah? fe'de pi pali' taimang mi. ⁵ Horo hee, Yesus supi atan, "i roti pa' den? Supi o mateng a bor, "pak itito." ⁶ No' horo hee Yesus name tofang ho parenta supi ahow faay ta mih, no' horo hee sa roti pak itito ho med u mahen sah bang, no' honi hee sa apeh kari-kari honi am fe med so sakola ay bar en honi e puin supi ah. ⁷ Sakolah ay bar di oab kari' pite' ara. Yesus o mahen sah bang, honi amfe med sakola ay bar a how med name tofang ho e dalam. ⁸ Supi na'de sam a to' in, horo hee o ameh-ameh ho supi taunung barpi honi hee botang i tito afeng. ⁹ Name na'de ho raham ho ma o tofang pir ribut. Nok hee Yesus supi ahow sabor sam. ¹⁰ No' horo hee Yesus med sakola ay bar mid ey ta sam Dalmanuta mi. YESUS ABANG SURGA O TANDA U TUB ¹¹ Med Farisi nun ho ho' Yesus ara tutul, sam Yesus abang surga o tanda utub honie puin Yesus a pate. ¹² No' horo hee yesus Roh mi a englay batin, no am fe sa hu' tang, "Taro' ni fe sel ho om mi ho o tanda fe bang? na i ra hu' tang abul fe ho fed sel ho o om mi ho tanda pa' nu di e i etub nene." ¹³ No' heni hee Yesus sabor mid eyta sam nuh nu ta am. NAME FARISI EMED HERODES OM SAH ¹⁴ Sakolah ay bar roti sibung, pite' le ara ey om mi eh. ¹⁵ Horo Yesus supi a uw, iri u taro' no' name om sah ho uma-maeh! Name Farisi nun med Herodes om sah." ¹⁶ No' horo hee supi mih sara gahain nu-nu som a her med oba e roti ara huil nene ho ara mateng. ¹⁷ Horo, Yesus na ho ahol horo sa supi ara mateng, Taro' nife iri ba e roti puin nene ho i u i ra hu'tang? i e maeh e ahol day so? em i i om ano' a dobe am? ¹⁸ Em i e' fail ara sobo, i e dun no' ahol nene? eme i i fel ara bo, i e maeh nene? i si bung am so. ¹⁹ Ho' raham ba na roti pak i fihing apeh kari-kari med name pir rib i fihing ah ba, ameh-ameh ba i taunung ho botang den a feng? supi o'bor botang air nu faling alo. ²⁰ "No' honi hee, roti pak i tito med name pir ribut ho, ameh-ameh ba i taunung ho botang den afeng?" supi o' bor botang i tito. ²¹ Horo hee sa supi ara mateng, "Taro' nife i e maeh day? YESUS BETSAIDA MI NAME E' FAIL SAH ANO' BIRANG ²² No' hee, Yesus med o sakola ay bar sam mong Betsaida pali mi. Eseseh honi hee, name oy nu ay e' fail sah ara ho' Yesus abang honie sa ator. ²³ Yesus name e' fail sah ho a tang puin hel desa ho e let. No am fe, Yesus sat maley puin e' fail ho luh Satang med tameng, honi am fe sa atan, "A ahal na den ahol?" ²⁴ No' honi hee, ay e' fail sah ho dun lafining mid no' fe sa hu'tang, na dun name ahol sobo mang fe'de tinuntoh ba la me eh honi. ²⁵ Horo yesus foil sateng med e fail ho tameng, sa se' fail alel sa birang am sa dun na' ahol hee lelam. ²⁶ Horo hee Yesus a how sabor sobang leam, "sobo haay desa homie." YESUS HO KRISTUS ²⁷ Horo hee, Yesus med so sakola aybar ara, sam mong Kaisaria Filipi o desa-desa mi. Sam seham mi Yesus supi a tan, "Name tofang ubang ho, nari hoo ano so?" ²⁸ Supi o' bor, "Yohanes Pembabtis, den honi hee Elia, o' mi tofang hee nabi-nabi nun horo o nu." ²⁹ Yesus foil supi atan, "i ahol hee nari hoo Ano so?" Horo Petrus o' Bor Ari ho Kristus. ³⁰ Yesus supi ano' na uma. Nari hoo haay name den ara mateng e. YESUS SO MAAR AHOL ITO MED NAME EMARING ³¹ Horo hee, Yesus so sakola ay bar ajar Lahtal ay ho sa maar mahip ahol mong yahudi o tumo mi, imam-imam o lafung mi, med ahli-ahli Taurat, supi a do do fa a do do ma sam so amine, honi sobo mi tareng tou honi hee sa so fetang. ³² Yesus sari na ho ubang lel-lel horo Petrus sa Yesus baring sa hoy mi am fe sa ehap. ³³ Sobo Yesus so sakola ay bar edun am fe sa Petrus ara mateng, "Setang! hel sam fe'de o tanut ho e lahtal ey tanut nene, sobo na me' no' fe' ey' tanut. ³⁴ No' horo hee Yesus name tofang med sakolah aybar olo fe sa supi ara mateng, A' no nu so om ho nataain. ³⁵ Fe'de ano nu so sobo so laman ho esah honi hee sa uil suhuin. honi sobo ano nu so sobo saloman ho esah nene, fe'de nari med injil honi hee sa fetang so em ho med. ³⁶ Fe'de o untu ho naba palik mate ho o ano sey sobo minumi suhu in? ³⁷ Naba fe med puin sobo saloman ho abor? ³⁸ Fe'de ano nu so pali' mate ho ota ho nari med fom pak mateng pak ho u mala fed sel daic ahal ho om mi he minu mi Lahtal aiy med so mang med malaikat ara kemuliaan puin ho' he Lahtal ay di mala ani bit.