Yesus Amine O Se'burlap ¹ Hair mate Paskah med hair mate namej o hanir a'ai o sel ho halo day ham, Yahudi o nametur o tumo'bar sari lap ta unung se'bur lap taro'nife Yesus u pain amine fe. ² Sipi saragahain u, pi ha'ai hair mate , om ho mi panene ma'le serang aernu tabarang bo'. Lamanem Tarubing o iping Puin Yesus Adule ³ Selnu araham Yesus Betania mi, ara Simon hapeburang ade obang om mi mih na'ade eh, ai ob nu sei manem butiling nu puin ho, sa butiling otel ho apo' horo o iping ho med Yesus elafung ta uhuin luh, ⁴ Honin bo, name oinu ubang, tarunin fe i iping o fali mate ho mang tanai aburat urusa ho ni? ⁵ fe' de iping ho mino' bi' hee fail seng rat tow med e oseng ho med name sah lahal fe e dalam nene, horo sipi ai ob hu e'riing. ⁶ Honin sobo Yesus sipi ara mateng ubang ho, se honi, i naba u e' riing om ano' muij, sa na o no' fe panen ma naraham so ba ho, ⁷ name lahal ho ara ira se masing, i om sel taro mi fe i ukarang hee o no' fe panen puin sipi araham, honin sobo Na e ira se masing nene. ⁸ ai ob hoo sa na o no' fe panen, ai ob hoo sotur iping manem puin nahop, sari ho puin no min o sel adang. ⁹ Na atitino' ira mateng mang taro taro mi ong pali' mate ta name sura' bolang o pa' ho bit umateng, naba fe sa panen naraham am hoo name uil bit puin ari uma." Yudas Yesus o se lap ¹⁰ Yudas Iskariot, sarihudi sakola pir airnu faleng alo hu om mi, sa sam Yahudi otumo' bar name om ara airnu abung Yesus alorang supien. ¹¹ Yudas mang supi ara mateng horo hee supi apang mino' horo supi ara paha' hu seng med en, hore hee Yudas Yesus o se'bur lab. Hair Mate Onameij ¹² Hair o' a'nang, hair namej o hanir aai, sel ho name paska o nub ai amine, sakola aibar ho' Yesus atan, e mele taro fe Auinung e nisam paska o sei nameij utaro'e pi ade na'. ¹³ Yesus supi au ubang, i sam bang hemo leam, ma a i name lote nu sei dong tefang eh ahol. ¹⁴ Sari ai horo i ataain sam bang tarofe sa om lemid, i bang aneng hu atan, ni tung u bang hu, emele tarofe na mi no sakola aibar ara Paskah o naade. ¹⁵ Hunin hee maa sa e mele hu utub, sari emele hu tong lafeni, mate berang, i huni sei na meij utaro' amihing." ¹⁶ Sakola aibar alo hu lame sam bang hu mi hee name fe Yesus bit hu so mi ap' supi sei na mej utaro, amihing no' horo hee supi sabor ¹⁷ Sam dil pane he Yesus med o sekola aibar pirairnu faleng alo ara ho'. ¹⁸ Supi mih na'de eh, Yesus ubang, Na atitino' ira mateng, pinade ham ham sobo i nei ho mihu name nu om sah ma nara ham. ¹⁹ Sekola ai bar mid oh, supi Yesus atan, maa e nari nene tih'. ²⁰ Yesus ubang ho, inang airnu faleng alo horo ano so satang no mako om lehel hee horo. ²¹ Name no' sa uil sabor sam, sura' bolang u bang huni, sobo ai ba ei panen fe name no' Ai name a no' sah sah hu, o mi no'bi sari ai hu na me afain e. Yesus O bo' ano' uma ma ei ²² Sari sel hu raham supi mih na'de Yesus karepo med, sa satang taahir hal tafoil medta, sa ahid med sekola aibar en sau bang, med, ho'ro no bo'. ²³ No' horo, sa fail mako atel, omahen no' bit, samed supi en na. ²⁴ Yesus supi ara mateng, hooro Nofui her name tofang e reeng. ²⁵ Na ira mateng, fed ho' mi Na anggur hoa na nene am, sam sel numi fe Na anggur o no' hu na, tong bang bolang Lahtal emele mi. ²⁶ Naade no' hee supi dal o rang no' hee supi sam Zaitun doi ta. Yesus o sakola ai bar ma a el teeng fe ²⁷ Yesus supi ara mateng, sam sel nu mi, maa i barpi nel teeng oh, ara sura' bolang mi u bang eh. Na nub o buang hu aminefe, sobo onub rai hu tabite oh. Zakharia 13:7 ²⁸ Honin sobo, Na nofetang nahertoh am, Na notur mong Galilea leam am. ²⁹ Sobo, Petrus Ara mateng bite,"Masiki sipi barpi e'l teeng di, na so Ara tohuil eh." ³⁰ Horo, Yesus ei'bor bite, Na aramateng petang, fed pana hoo, hiulote di e u'le mi alo dai, a uil Nara kalufe mi tou am." ³¹ Honi sobo, Petrus tetangtoh foil o'bor, "Masiki na ara ham-ham min di, na foil Ara kalufe di a'ai!" Sakola ai'bar beng di ubang honi. YESUS GETSEMANI MI ³² Horo hee, Sipi sam emele nu ani Getsemani ho mi, Sa so sakola ai'bar ra'mateng, " i hoo mi mih eh, e Na fa aome fe." ³³ Horo Sa Petrus, Yakobus mede Yohanis Ara sam, sipi baroic afah mi, e sipi hah. ³⁴ Horo Sa sipi ra'mateng, "No laman pe ' bi' sam edai Na mang u min. honin fe i so hoo mi eh, iri ubu'buang." ³⁵ Horo hee, Sa sipi elet pite' Sa faai ta faur muding, aome, ahal mangfede' sel sah ho elet. ³⁶ Horo, Sa aome, opa' ho, " Abba, Nimang, naaernu barpi A 'hol, o no'bit. maarmahip hoo atel med Naraham. sobo haai Nei nom alol e' sobo Ei om fe alol." ³⁷ Horo hee, Ai sabor ma sakola aibar olap, edun hee aibar nop oh, horo Sa Petrus ara mateng, "Simon, taro'ni fe anop? i taro'ni fe nari buang od nu om mi disah? ³⁸ Iri u bu'buang e aome, honie falefang ho iri mi muij e. Roh ho e'lol, sobo bo'mate moleng." ³⁹ Horo hee, Sa fol sam semele mi aome, aome pa' o aai nang horo Sa foil ulamelol. ⁴⁰ Horo, Sa foil ma sipi edun hee, sipi nop oh, asel e'fai tarofe, ma'a naba fe puin O mateng abor. ⁴¹ Mang honi horo hee, Yesus foil fa sabor ma o mitou mi, horo sipi ara mateng, " E i dai nop suhuin eh, noam ba toh, osel an am. i daidun, Nameno' Ai, name alorang med name doch'al atangmi meng am. ⁴² Ihertoh, mae pi sam. edun, name nari fail ho ara fanang am." NAME YESUS APUIN ⁴³ Mang horo, Yesus dai ong hu'tang eh hee, O sakola ainu, Yudas ho reala nun ara ho' sipi ney'rab sarian, fede' Yahudi bang ho o name mate, torat o om hul dilmaeh, tumo' bar nun so sipi ahou. ⁴⁴ Aiba Yesus fail name en ho utub nu med name tofang ho aramateng, bite, "Ano fe na amuning hee horo Sari. i horo apuin e, ara sam na iedun eh. ⁴⁵ Yudas mang ho' horo hee, sa rak mong Yesus abung toh, ubang ho, "Rabi!" sa Yesus amuning. ⁴⁶ Mang horo hee, name Yesus apuin. ⁴⁷ Sobo sakola ai nu toh, ney bara' name O tumo' nu afel hor 'hi'. ⁴⁸ Horo, Yesus name tofang ho aramateng, "Minaba ei fe i ney'rab fe ho' napuin, mang fede' nari name tau honi? ⁴⁹ E dilel ri'an Na ira mong Lahtal obang mi, ifom ipahang eh ho e, i e napuin nene. Sobo sei honi e, Sura' bolang om no' an." ⁵⁰ Horo'le hee, sipi barpi Elet el' teeng oh. ⁵¹ Afor ai nu di ara Yesus atain lame eh, ai ho sabo fe puin sow, name edai apuin. ⁵² Sobo, sa sari bara' a'boi teeng am, o sabo ho muij so ol'eh. YAHUDI O'BA'AY OM'RA YESUS O'HAL LAP ⁵³ No' horo, sipi Yesus ara sam Yahudi o name mate olap. hoe, abaay kapal, Tumo nun, mede Torat o omhul nun barpi taunung am. ⁵⁴ Ho e, Petrus ho let-let lame Yesus atain ho'o Name mate o hemang mi am, mongo name buang fe ara gau mih, afail pau' eh. ⁵⁵ Abaay kapal, hu' ap dasing afel o name, Yesus o atan afel o'hal lap, o se lap, taro' nin fe sipi amine no', sobo sipi e O ahal ahol nene. ⁵⁶ Asel, name tofang ho kalufe med kalufe ta, Yesus ara toh o se lap, sobo sipi o kalufe ho e sari nene mamang. ⁵⁷ Mang horo, name lubung oi'nu toh, hu'tang ladimang puin Yesus aratoh, sipi ubang ho, ⁵⁸ "Ni maeh Sa hu'tang, 'Na Lahtal obang ba name no' satang puin aten ho, ari' bahite, honi sobo, tareng tou le' hee, Na foil beng aten no' sari bang name e satang puin aten nene. ⁵⁹ Sobo, sari O mateng hoo ei araham, sipi o kalufe ladimang ho, e saraham nene. ⁶⁰ Mang maeh horo, mate nu ham mi sahertoh, Yesus atan, "A taro'ni fe name nun ho o taan pa' ba ara toh eh ho e o'bor nene? ⁶¹ Honin di Yesus mang poram e o'bor nene. horo aba'ay mate ho foil atan, "Ari so ti'no' Mesias, Lahtal Ai ba name oti'no' bit?" ⁶² Horo, Yesus o mateng abor, "Nari horo ba hoo, sel nu mi, i uil ahol Nameno' Ai ara tong Mate lafining atang tani lol mih, honin am fe ham-ham ho' tafiing bo'ta." ⁶³ Horo hee, aba'ay mate sahertoh so kod karang ho apeh, ubang ho, " Naba ei fe pi foil o sah lap eh? ⁶⁴ O mateng pa' sah ba i maeh ham. honin ba i u hu' dasing ap ema? horo hee sipi Ai ho hukung amine fe med en. ⁶⁵ Name oi'nu malei o pahur, E'fai apec, beh par, horo hee ara mateng ubang ho, No amba adai tahaaer pa' nu ubang." Horo name buang nun med beh par'. PETRUS YESUS U KALUFE ⁶⁶ No'horo, Petrus dai name mate o bang hemang ho mitoh eh hee, o'ramih ob nu ho. ⁶⁷ O'ramih ob ho dun hee Petrus dai afail pau eh, horo sa Petrus atan, "Ari di Yesus ba Nasaret hinung atain eh em haai." ⁶⁸ Sobo, Petrus ta aba u'bang ho, "Na Sari ai ho e' hol nene, mede a'naba fe bit eh na e pahang nene." horo e satoh sam sear mi hee, hiulote di u'le. ⁶⁹ O'ramih ob ho Petrus edun, horo hee, sa foi name rai hu ara mateng, sari ai hoo, ai fale hu o ara bang nu so. ⁷⁰ Honin bo Petrus dai kalufe eh, dai eh hee name nun ba homi tufeh ho foil atan, "ari ho di Ai tale hu obeng so, fekde i'ri hu Galilea hinung ho." ⁷¹ Sobo, Petrus futung pauj, sepur se ha' bite, "Ai ba ibit eh ho, na e ahol nene. ⁷² Mang horo hee, hiulote di u'le omi alomi horo Petrus Yesus o mateng pa' ba otareng u aramateng am ho sa uma, "hiu lote e u'le mialo dai hee, a uil nara kalufe mitow am, mang horo Petrus ahain emari mang tafoil.