YESUS SEL O'MUIJ MI HO', U' FOM PAHANG Lahtal O Bang Ho' Ari' Eham ¹ Horo, hee Yesus Lahtal o bang homi hel sam, horo hee o' sakola ay nu atan ubang ho, "Om hul, edun foe nun e' med bang nun hoo' no' no' ² Horo Yesus o'bor, i bang no'no, hoo edun eh em a'ay? Foi pa' nu di uil-uil e ara foi beng ta seh nene barpi ho sa uil taru tung." Mode maar O A'aynang ³ Horo hee, ongo Yesus ara tong Zaiton doe ba ahoy Lahtal o bang palol en ho tamih eeh, Petrus, Yakobus, Yohanes e' med Anderias ho' Yesus solo'le fe Atan. ⁴ A' niemaring fe' den fe afang-afang ho uil-uil ara, ma' naba honin horo sano' o utub honin fe nanun ho hanoang o' a muij mi? ⁵ Mang horo hee Yesus homi sipi ara mateng, "Umama honie name den ho' ira fa sesah lol e'. ⁶ Fede' name tofang uil Nani puin ho' ubang ho 'Nari horo ba Sari, honie sipi name tofang med sesah felol. ⁷ Mang fe'de i mali tale' mae'h med e mali tale' o'moi, i ha'ay baroch' e fe'de barpi-pi ho, ara fe sobo barpi ho e o sel o'muij mi dai. ⁸ Asel bang pali' uil-uil setoh sara mali, mede afenbang e afenbang uil setoh sara mali, Pali'ladidin eleme ri'an, uil-uil hilmalihing, horo mangfede' name safain o modemaar a'ainang honi. ⁹ Ho nin sobo ari u'buang, fede' ma' sipi iri med botang dasing ap o' sear mi, mede name ira sam mong sobang palol mi iri beh, i uil-uil Sanhedrin, med afen nun ho e'dang apong'dang toh, asel Nari, sipi ino' ahal o mateng pa' ahol med sipi araham. ¹⁰ Honin fe, sura' bolang o'pa ho hanoang sotur puin bang ernu emaring. ¹¹ Med, mangfede' sipi ira sam med name en am di, ha'ai iom upir e; ma' nabafe i ubang, honin sobo, o se'l homi nabaso ara Haltafoil iraham horo ubang, fede' hu'tang eh ho e iri nene, hunin sobo, hamoy bolang soba. ¹² Name sara di' matu di uil-uil sari med min o tapuil, mede Omang e ai, di. aikabar sofo-somang ra'toh, sam so amine. ¹³ mede Name om halimang name barpi uil-uil ira sah, asel Nani ho'e. honin sobo, ai ba sa som tahang sam o' muij mi, il'luling fetang soem uil samed." NA SAHKARANG HORO ASAHAINABITE ASEL ¹⁴ Sobo, mang fede' i edun, name ri'ing kabesar-kaerlal ho ara seleme fe sa e mi toh nene, ho hee Sipi ba ara mong Yudea mi ho uil-uil teeng tong doe' taam. ¹⁵ Name ba ara tong bang ado ta ho ha'ai hel e, soem om bang om le mid so na aernu ho arahel luling lehel disah. ¹⁶ Mede, name ba ara mong but mi, ho ha'ai sabor so kod lay ho med e. ¹⁷ Sam sel haer homi sipi tabang am, sipi ba ongo dai afo'oy eh, med o ba dai ai te'ten to en naeh ho. ¹⁸ U aome, honi e sah karak ho'o, ha'ai maab sah ovang fe mi ara e. ¹⁹ Asel sel haer homi ho, modemaar mate uil ara o sel, mode maar mate hoo e' ara day, mong o a'ai nang ta Lahtal naaernu aten pali' ho ta, sam fed ho'o mimeng, horo sari modemaar ho foi ara nene sama emeng. ²⁰ Honi fe mang fede' Lahtal sel haer ho e'toang nene, hee nameno' nun ho pir nu di e' il luling med di ha'ai. honin sobo asel Sa u tara' horo ei fe oba sa u tara' am, horo Sa sel haer ho ano toang. ²¹ Horo hee, ahal name den ira mateng 'edun, Yesus ara ho'omi!' Soem 'Sa ara hemo mi!' Sari ho i o atino' bit e. ²² Fe'de name sari upapain, nabi upapain, di ara satel toh so afang-afang akala puin sesah med name Sa u'tara am ho ereeng. ²³ U'ma Ubuang! barpipi ho dai eh ta hee, Na u ie maring am. ²⁴ Sobo, sel haer ho araham, mode maar mate ho, mang alai, 'Fed lel ho sano' pana e, ul di e lel nene. ²⁵ Ibing nun ho di tong burang ta muij hel, emed ho nie na' o atino' nun ba ara burang ta di sari o'dang. LAHTAL AI OHO' OMA ²⁶ Horo he'e, sipi uil-uil Lahtal Nameno' ai, tafiing bo' tahel ba' lel madal ho edun. ²⁷ Horo hee Sa Malaikat ho ahou o name ba sa utara' mong hamo'y eng ut el mitoh, mong pali'mol asel mi, sam pali' o taporta mi, burang o' tapor lol. ²⁸ Gurpel ara mong Aong bo' o u papain: mang fe'de o'bale nun ho bala am hee o beh nun ho upuin am, ho hee i ahol bite fed bune o sel fanang am. ²⁹ Iri di ba orupa honin, i edun mang fede'naaernu ho ara am, ho hee i mang ahol Sa ho fanang am, ara ong sear mi. ³⁰ Na o abul'bul Na ira mateng, toto'htohmou hoo e sam amuij dai hee, naaernu ho ara so. ³¹ Pali' mol e burang uil suhuin, sobo No fom pa' bolang e suhuin ei nene." UMAMA MEDE UBUBU'ANG ³² Honin sobo Osel otapeng ho, mang name nu di e ahol nene, malaikat nun tong bang bolang mi di e'hol nene, mang so Ai di e'hol nene, Omang solo ahol. ³³ Umama'o, iri u'bubuang. asel osel den Sa uil ho i e'hol nene. ³⁴ Na ho'o mang fede' Name nu senu u'lame eh honi, bang mi hel sam horo he' naba so ara bang mi ho mede O'ramih atangmi, ubu'ang, karesang sipi ri'an puin, e mede' Name sear buang ahou uma, so bubuang eh. ³⁵ Honin fe, ububu'ang asel se'l den bang aneng sabor ho' Fed hel, soem dilpana, soem tunham hiu u'le, soem mang lalami, ³⁶ Ahal-aha, seh-seh Sa ho' Ihol he'e i nop eh ereeng. ³⁷ Naba fe Na u ira mateng hoo, Na uil med name barpi ara mateng: 'iri u'bubuang!"