APAPAI HO MED ANGGUR DIL SA HO MANANG ¹ Horo he'e Yesus apapai nu'u sipiara valeng. Name nu nu anggur dil u karasang. Sa o vo peie vadingtovew, lavo a rung ho mi anggur ding. Bang aten dil om ham mi atuhuin. Anggur maliley no' he'e sa talal den manang, no' he'e sa sam pali' beng taam. ² Hid lap o sel sa namenu tahow talal den abung, anggur o untu med. ³ Honin sobo, sipi sari aiy ho apuin no' he'e beh no' he'e ara lil, satang oh sabor ⁴ Horo he'e sa voi so name nu tahaow sipi en sobo sipi elavung mi beh'no he'e ari panen ano mala, maniang. ⁵ Savoi name nu tahaow, sobo sipi amine. na ho, o ara name tovang araham, den beh, den amine. ⁶ Dil aneng ho, Aiy pir nu, sa sona u karang b'i. Sa voi sona tahaow, sam sipi o, lap, n'o sa bita sipi uiy no, ay ho uada ahol. ⁷ Honin sobo talal den ho sipi sara hu'tang horo dil a, neng ba pi mang amine, honin e, o kavaic ho pi mang an'o tey. ⁸ Ho ro he'e sipi apuin no' he'e amine. No'he'e tevang anggur dil amot mi vew. ⁹ Naba ve anggur dil aneng panen? sa ho' sa talal den amine, no'he'e sa anggur dil ho med name beng e'n. ¹⁰ I vom pa'mateng pa'ho'o ta'an am em day. Voi ba, atang molang o sah bit e vew am ho, sano' voi asel. ¹¹ Ong'ho'oro Tuhan o panen o aten. panen aten ho'o so mi eng pir. pi day ahol. ¹² Horo he'e sipi o se'bur lap e' apuin sobo, sipi name tovang el baroic. Yesus apapai valeng eh'ho sipi ve bit eh. horo he'e sipi Yesus el te'eng sam. ¹³ Horo he; e sipi name Farisi pir den den, name Herodian ahow ho'Yesus o lap, honin e sipi somateng puin Yesus o ahal lap. ¹⁴ Sipi ho'horo he'esipi Yesus aramateng, Guru ni ahol a ri so atino. Name beng mateng a e alepang nene, o, panen a' ahol nene. ho'e aLahtal o se'bur atino ba a puin name gur eh. Lavung vali med kaisar ve en em a'ai? ¹⁵ Ni so manang em ni so e manang nene? Honin sobo Yesus sipi o kaluve ahol am, sa sipi aramateng taronin ve i napate? Dinar nu med nen e' na e dun ve. ¹⁶ 16 Horo he'e sipi vit ho'horo he'e Yesus sipi ara mateng, ano'o gambar, ano'o nahul so ba ho'o? sipi o'abor bita kaisar o gambar e, o nahul. ¹⁷ Horo he'e Yesus sipi aramateng, na o'ba kaisar ei ho med kaisar en, Lahtal ei ho med Lahtal en. Sipi saher med Yesus araham. ¹⁸ Horo he'e, name Saduki u bangbita name min e sovetang nene. sipi ho'Yesus abung sipi Yesus atan, sipi bita ¹⁹ ''Guru, Musa nahul bita name ba o u'ding lote min ob solo ad meng, sobo ai a'ay. uding lote ho uiy uiy o'b alove ho med e ai a'vainmed so uding e'mele mi. ²⁰ Name pir itito sara di'ai, di'ai a'ainang ho, ob nu med sobo sa min o vol o heb a'ai. ²¹ No'he'e di'ai o mi alo mi voi ob ho med bo min o vol o heb a'ay, honi sobo di'ai o mi tow mi. ²² Di'ai pir itito ho, o vol, o heb a'ay, o, a'muij mi ob hodi min. ²³ Name minso vetang sahirtoh, o'sel, ob ho ano, o'ob horo abul? ved'e di'ai pir itito barpi ob ho med an'o so, ob. ²⁴ Yesus sipi o mateng, abor ho oro i puin e i no natu e fe'de su ra bolang i om upir o naba Lahtal o atino? ²⁵ fe'de sipi name nim o, anay ho mi so fetang, sa hir toh sipi o anai ho mi den sari med nene sobo, sipi o rupa mang fe'de malaikat sorga mi honi. ²⁶ Ong name min ba so fetang sahirtoh, fom pa mateng pa ba musa o sur a mi ho i taan am em day, namang na huding, Lahtal ara mateng nari ho oro, "Abraham o Lahtal, Ishak o Lahtal Yakub o Lahtal?" ²⁷ Sari e name min o Lahtal nene, sobo name fetang Lahtal." ²⁸ No hee ahli Taurat o anai homi nu ho sipi o tutul u a lepang sa edun Yesus sipi o mateng abor hoo a hala aiy sa Yesus ataan hulung e parenta taro ro mi a tino? ²⁹ Yesus o abor hukung o a ai nanang ho u alepang Israel hinu pi Tuhan Lahtal ho so pi Tuhan. ³⁰ No hee u karang esah med Tuhan Lahtal araham om abel puin e med o laman e med o tanut e med o ku'fa.' ³¹ Med o mi alo mi Esah u karang med, name beng a raham o rupa mang fe'de a raham eh honi. ³² Horo hee, ahli Taurat, ara mateng ari so a tino Guru! A natino, febit eh a bit eh ho na sara nu. Na beng aai seilal sari horo. ³³ E med esah u karang tom abul puin e med o moa puin e med ku'fa ara puin o rupa mang fe'de o bo ara ham eh honi. so, mi a tino o rupa korban persembahan apew eh honi. ³⁴ No Yesus edun hee ay ho so om ra puin mateng abor eh sa ubang Lahtal o bang ho a e'elet nene. ³⁵ Sa Lahtal o bang mi name Gureh hee Yesus u bang ho ahli-ahli Taurat taroninfe i ubang ho Kristus ho Daud oai? ³⁶ Roh bolang alay Daud ubang ho, 'Tuhan nodiing nobab ara mateng: Natangtani alol mih, na falefang nun med e'fafar.' ³⁷ Daud solo bu saubang Kristus ho 'Tuhan.' Honin sobo ma' taroni, Kristus ho soaai? Horo, name tofang apa no u alepang. PANEN MED AHLI TAURAT ARAHAM ³⁸ Yesus name gur pel eh ho,"Saubang ho naumang ahli Taurat kod lai mang e lameh ho, sipi ey tanut ho, sipi u ada ahol ara e mele tofang mi, ³⁹ no he e sipi e mele mi mate ara Aomebang mi emed, emele mi mate milafining ara nak ade seyna emele mi. ⁴⁰ Sipi ob alofe o bang u tot, aome pa ano lai bi sipi o hukung salang tarovebi." ⁴¹ Horo he e, Yesus mih ahoy pati persembahan en, name so persembahan med pati om mi amiuj ho sa e dun, name kafaic e so mi tofangso oersembahan o mi tofang med pati om mi amuij. ⁴² No horo he eob alofe lahal nu eiy persembahan ho seng hir paalo o tofang ho seng nu araham. ⁴³ Horo he e Yesus so sakolah aybar olofe ara mateng, nana o mi ati no bit uiramateng obalofe lahal nu ho o eip persembahan ho so mi tofang bi sa, med pati persembahan om mi amuij, name beng ey alahain. ⁴⁴ fe'de sipi beng ey ho sipi so tofang ey araham meng sobo ob alofe lahal ey ho sa sosah so lahal e med fetang e med o karasang.