YESUS YERUSALEM LAAM ¹ Minu mi, supi eday sam Yerusalem ba Betfage e Betania abung sari ho tong Zaitun doy ta Yesus sakola aybar pir alo olofe ahou. ² Horo he e sasakola aybar ara mateng isam desa honi noni he e Keledai nu ha na unod eh, name nu e tamih di day afateng e ara ho. ³ Name den i tan naba ey ve i na ho panen? ubang ho Tuhan so puin honi amfe sa holong ho'. ⁴ Horo supi sam honi he e Keledai muda ho sear mi nod eh, horo he e supi afetang ⁵ Name pir den ba honi tufeh ho supi atan mi naba ey fe keledai ha i a afateng? ⁶ Yesus o mateng horo supi puin abor, "Horo he e name ho mang supi e dun oh horo he supi lame am. ⁷ Horo he e, supi keledai ho ara ho Yesus abung, so ven ho hing med keledai ho tameng no am fe Yesus mid tamih. ⁸ Horo he e name tofang so fen ho med se' bur mi pep den he e tibeh med se'bur mi meng. ⁹ Name tofang ho lame den so fe' den so tur no' he e supi lofe "A ni u tarain! illuling med en ari ba Tuhan ani puin ho'. ¹⁰ Illuling med Daud o bap bale! En fe'de na ono' o ham ho fito Ani u tarain emele lafining mi." ¹¹ Horo he e Yesus sam Yerusalem mi sa mid Lahtal o bang om mi sa airnu turlo ho edun no' he e sa so sakola aybar pir air nu faling alo ho ara sam Bethania mi he e fed hel am. YESUS A ONG EPUJ E A O ME ¹² Horo he e mi dilel supi Bethania mi sabor Yesus so a lepang he e sa malihing am. ¹³ Horosa a ong sel nuho let edun he e beh mamang. Sa foil sam a ong ho edun ahal na den ara a ong ho ta sam ti ho abung he e saedun na den a hol nene, honi sobo o beh so ara. ¹⁴ Horo Yesus a ong ho ara mateng,"Ari ho name den e o pir ade nene sam so em." Sakola ay bar di madi. YESUS SAM A O ME NBANG MI ¹⁵ Om mi saname homi ho sa ahin alol fe'de name Lahtal obang om mi nafeil eh horofe sa name seng tiling o meja bakung edod alaifeu med korsi-korsi, nameba hiu uklo fail e ho. w ¹⁶ sa name ehap i ha ai foil barang fito bang bolang ho alai nene. ¹⁷ Mang horo he e, Yesus sipi sakola hubang, "Ho sura pa' ho e ahol nene? No bang ho a o me bang honin sobo i ano' ta u bang." ¹⁸ Horo he e, imam-imam o lafong tumo' bar air nu ahli Taurat sipi mateng maeh horo sipi se bur lap taro nin e sipi amine. Sobo sipi baroit Fe'de name no tofang o mateng pa ho sipi am dai upir. ¹⁹ Fe'de dil pana am Yesus so sakolah aybar ara bang ho elet. UDUME LAHTAL MI MED IEY A NO ²⁰ Lala mi, ho alai a ong sel ho e dun taat am ta sam tarubing le hel lam. ²¹ Petrus sami um ma sa Yesus atan, "Rabi, e dun! A ong sel nu ba a e pur e ho taat am!" ²² Horo, Yesus sa abor, "O u du me ho Lahtal fe mi. ²³ Na abul-abul ira mateng a no name nu so ubang ho doi, 'Ho tefang aluil pong tang mino',' ha ai i om upir e honi sobo o tino bit, naba horo fe sabit he e sa ara masa uil-uil ara taraham. ²⁴ Honin fe na ira mateng, naba honin horo fe i u a o me nabang o ti no'bit he e i med am. ²⁵ Honin fe i to aome iri u ampo honin sobo iom ho a i nu ho day ataian ehso he e imang tong surga miho di e iri u ampo nene. ²⁶ Honin fe, i e sipi o doyt u ampo nene, pi mang Lahtal di pi doyt u ampo nene." YAHUDI O' LATUNG YESUS O' KUFA U TAAIN ²⁷ Horo sipi foil ho Yerusalem mi Yesus Bait Allah, mi lame eh he e, imam-iman o lafung, ahli Taurat, Yahudi, o tu mobar, sipi ho o lap. ²⁸ Mang horo he e sipi a tan, naba kufa fe a puin baleta eh e me a no so med en fe a ano' lame eh. ²⁹ Yesus sipi ara mateng nataain pa nu med u i tan no mateng abor, honin amfe na ira mateng, nan di naba kufa fe na puin, na ho panen eh na u ira mateng. ³⁰ Baptisan Yohanes ho o surga mi ho e me name no' mi ho amba? No mateng ho abor!" ³¹ Horo he e sipi ta unung sara gahain nufanu atan numanu atan ubang ho mang fe'de pi abor surga, mi he e sa uil abor taro ninfe i e o tino bit nene?' ³² E honin, sobo pi abor, 'Name no' femi'? Lafung air nu name tofang u baroit fe'de sipi ahol barpi Yohanes ho so atiti no' nabi. ³³ Honinfe sipi Yesus ho mateng abor ni e ahol nene, horo he e Yesus sipi ara mateng ubang ho, ho o ni nari di honin na e ira mateng nene, naba kufa fe na puin na ahol nene.