¹ Antom, kwa non ka po fla? non ka po sa flimini ni pekadu pa glasa po pasa bi soblaka? ² Nuka! non ku molê pla pekadu. kuma non ka po bila vive nê? ³ A na sêbê kuma axem mo non fô butxizadu ni klistu Jizu, tembéte fô butxizadu motxi dê? ⁴ Plotantu, non fo nteladu ku ê plôviá di butxismu ni motxi. Ise da pla ku mó Klistu fa kodadu name di motxi ni gloia di Pe de. Axi non tembéte ka pô ndá ni nuvidáji vida. ⁵ Punda, xi nó sá biladu unidu ku ê ni moda di motxi, tembéte non ka sá unidu, ni ola ku ê koda. ⁶ Non sêbê kwase; kuma omé vé non fô klusifikadu ku ê, pla ubuê di pekadu bija blagadu. kwase bé pla non na bi sá katxibu di pekadu. ⁷ Ixi ku mâlê sa fladu justu né relason a pekadu. ⁸ Maji, xi tava môlidu ku Klistu, non ka kêlê kuma tembéte non ka vivê ku ê. ⁹ Non sêbê kuma Klistu fa kodadu ni motxi sósó ê na sa matxi fa, Motxi no bila tê pade ní ê fá. ¹⁰ Anton kantu te molidu ni pekadu. Ê môlê uã ve plo tudaxi. Andeji me vida ku e ká vivê pla Desu ê ka vive. ¹¹ De Modo se me, konsidera nansê tembéte motxi ni nansê pla pekadu, maji vivê pla Dêsu ni Klistu Jizu. ¹² Plotantu, na desa pekadu manda ni ubwê nansê motxi fa; di modu se pla nansê na bili olia tende fá. ¹³ Na toma patxi di ubwê nansê tanda pekadu fá, pla nansê sa flamenta uzadu di stluvisu di injustisa. Maji plesenta da Deçu, mo motxi ku miolê ska vivê. Sósó plezentá patxi di ubwê nansê da Deçu mo flomenta uzadu di stluvisu di justisa. ¹⁴ Na plimiti pla pekadu toma konta di vida fá. punda na sa ni basu di alê, maji basu di glasa. ¹⁵ anton? non ka peka punda non na sa ni basu d'alê, maji basu di glêsa? Nuka! ¹⁶ Na sêbê kuma kengê nansê me plesenta mo seliavi kengê nansê ka tende kengê nansê toká tende? Vêdê sa ise: ô nansê sa selivi di pekadu ku da motxi, ô selivi di bili olia ku kada justifikason. ¹⁷ Maji glasa Desu! Punda a fô selivi di pekadu andejime ola nansê bila olia di kloson da podlan di xinamentu kua dá nansê. ¹⁸ Ola asa livli di pekadu sá fedu katxibu di Justiça. ¹⁹ Ami nga fla mo ome, plovia di flakesa de kani. Punda, mo nansê plezenta patxi di ubwê mo katxibu da impureza pla male, di modo sê, miole. lezenta mo katxibu di Justisa pla santifikason. ²⁰ Bya kuma, ola a tava katxibu di pekadu, a tava livli di justisa. ²¹ Ni tempu sala, ku fluta, anton, takuê di kwa ka miolen sã vlegonha? Punda Kabamu ntu di inen kwasê sa motxi. ²² Maji miole, ku a sa livli di pekadu sósó fedu kotxibu di Desu, te obla nansê pla santifikason, sósó pagamentu dê sá vida pla semple. ²³ Punda pagamentu de pekadu sa motxi maji don afabaulu di Desu sa vida pla semple ni Klistu Jizu sun non.