¹ Ô â na sêbê, yné manu, ku alê ka kontlatá ómé olá ê ska vivê fá? só ku ugá flá dá ugêxi ku konsê alê. ² Só ku, plâ alê, mualá kazadu sá ligadu ny ómé dê ola ê xka vivê; maji, xi omé dê molê ê sá livli d'alê dy kazamentu. ³ Anton, xi ê zunta ku ôtlô omê ku omê dê vivo, a ka bi saméé dy tlapasa. só só só xi omé dê môlê, ê ka bi sa livli d'alê, dy modu ku ê na ka bi sá tlapasá fá xiê kazá ku ôtlô omé. ⁴ Só só, yné manu mu, nansê tembeté fâ motxi plá alê, plâ mê dy obúe dy Klistu, dy modu ku a ka pôji sá di ôtlô, ise sa, ugêxi ku fô kodádu nômê d'yné motxi. Dy modu sé dy pla non ploduzi flutu plá Dêçu. ⁵ Só ku ólá non tava ny káni, tudu gôstô dy pekadu, lamtadu plô alê ê xka fé menblu mon dá flutu pla motxi. ⁶ Andeji mé, miolé non sá livli d'alê. Non môlê pla ixi ku tava plezu, antón plá stlivi ny muvidaji dy xplitu, y na ny letla vé fá. ⁷ Antom kua non ka flá? alê mé sá pekadu? niuã modu. Antón, uma ka konsê pekadu xi ê na sá plôvia d'alê fá. Punda una ta konsê kubisazu xi alê na flá fá: "Na kubisá fá?" ⁸ Maji pekadu ploveta dy dadu plô óji, bi ku tudu tipu dy kubisa namin. só ku sê alê, pekadu sá motxi. ⁹ Ôtlô ola u tava ka vivê sê alê, maji olá áji bi pekadu bila vivê y u môlê. ¹⁰ óji, ku tava dy bi ku vidá, e bilá motxi plá min. ¹¹ Só ku pekadu, plovetá dy, modu sé plovia dy óji, ê ugana mu. Plovia dy óji, ê mata mu. ¹² Só só, alê sá santu, y óji u sá santu, Justu y bundu. ¹³ Só só, kua xi ku tava Buadu é bila motxi pla mim? Niuã modu. Maji pekadu, plá ê munsá non pekadu plô mê di xi ku sa buadu, ê fé motxi n'amim. Axem plovia dy óji pekadu ka bi sa bêdu món pekadu, maxi liba dy mijida. ¹⁴ Pundá nón sêbê ku alê sá xplitual, maji u sá karmal, bendidu mon katxibu dá pekadu. ¹⁵ Pundá kua xi ûga fé, vedé-vedé men na ka têndê fá. só só kua xi ku ûmêsê fé, na ka fé, na ka fé fá; ¹⁶ Maji xi u ga fé kua xi ku na mêsê fá, uga bé ku alê, ku alê sá buá. ¹⁷ Maji míolé na sá amim maxi ku ka fé kua sé fá, maji pekadu ku sá má ámin. ¹⁸ Só ku u sêbê ku namin, ise sá, ny kani mu, na tê kuá buádú fá, só ku vonté pla kuá buadu sá na amin, maji na ka pôji fê fá. ¹⁹ Só ku ben ku umêsê fé, na ka fê fá, maji mali ku na mêsê fé fá, ysé uga fé. ²⁰ Só só só, xi uga fé yxi ku na mêsê fá, antón a sá amim maxi ku xka fé fá, maji pekadu ku ka vivê na amin. ²¹ Uga têndê, antom, na amim, alê dy mêsê fé kua ku sá buadu, maji vedé-vedé men mali sá plezentxi n'amin ²² Só ku, ku ómé uglêntu, uga gôgô ny alê dy Dêçu. ²³ Andeji mé, ûga bê uã alê di ôtlô modu ny memblu de ubuê mu, ku ka lutá kontla ûa novo alê ny kabesa mû. Ysé ka fé û plezu d'alê di pekadu ku sá ny menblu dy ubuê mu. ²⁴ U sá uã ómé mizeravelu! kengê ku ka poji livlá ubuê sé di motxi? ²⁵ Glasa Dêçu plo Klistu Jizu sumu non! Axem, só só, uga xtlivi, alê dy Deçu ku kabesa mu só só ku kani uga xtlivi alê di pekadu.