¹ Plotantu, justu pla afé, nonte paji ku Desu plo ome di sum non Klistu. Jizu. ² Plovia dê, tembéte, non te dilêtu, ni afé. ni glasa ku non sa flimi. non tê gosto ni spelansa ku Desu, da non pla futuru kunfiansa ku non tê patxi ni gloia a Desu. ³ Ê na sa kwase tan fa, maji tembéte no te gôsto ni sufli non, sêbê kuma sufli se kabe nansê flimeza: ⁴ Flimeza ka nansê plova; soso plova ka nansê kunfiansa pla futuru. ⁵ Kunfiansa na ka ngana fa, punda amolê di Desu sa blokadu ni Kloson non plome di suplitu Santu, ku Desu da non. ⁶ Punda, ola non tava flaku antawo, Klistu môlê da impiu ni tempu setu. ⁷ Punda, ku motxi ka, uã ngê môlê da ua justu, ise sa, taluve uã ka po bi môlê da uã ngê bwadu. ⁸ Maji Desu plova amôlê dê plopi da non, punda Klistu môlê da non, andejime non tasa pekado antawo. ⁹ Miole maxi do ke ise, ku non se justu plo sangi dê, non ka bisa salvu plome dê di leva Desu. ¹⁰ Punda, xi olamenta sa numigu, non bi fe paji ku Desu atlavés di motxi di Mina dê maxi do kio depos di Paji ku non bi fe, pla vida dê non ka bi sa stlavadu. ¹¹ Na ise san fa, maji tembéte non sa ku gosto ni Desu atlavés di Sun non Kistlu Jizu, plome di ngê ku miole non te rekonsiliason se. ¹² Plotantu, mo pekadu lentla ni mundu atlavés di uã home, di modu seme motxi lentla atlavés di pekadu soso motxi wanga da tudu ngê punda tudu ngê peka. ¹³ Punda anté alé, pekadu tava ni mundu, Maji pekadu na tomanon mon ola ku alê na tava sen fá, ¹⁴ Andejime, motxi manda di Adon aanté Moisés, di modu se ante ne ixi ku na peka mo Adon ku fe olia Lizu, ku sa fegula di ixi ku tava dibi. ¹⁵ Maji axen me, dom glasa na sa mo kebla ale fa. Punda xi tudu ngê molê plô mali di uã, maxi montxi glsa di Desu ku dádiva ni glasa di un uniku home, Klistu Jizu, So bloka da muntu. ¹⁶ Punda dom na modi pagamentu di pekadu di uã home fá. Punda pla uã ladu, jlugamentu pe náda bi plovia de uã home ku kebla alê: maji, plu ôtlô ladu, dom glasa bi ola a kebla yo alê, pla justifikason. ¹⁷ Punda, xi motxi manda atlavés di uã di uã ta ku kebla alê. Maxi doke ise inen ku lesebe yo glasa di dom di Justisa ka bi manda ni vida atlavés di uã tan, Klistu Jizu. ¹⁸ Anton, axen me tudu ngê fo dadu penada plo uã ku kebla alê, tembéte plo uã obla di justisa bi justifikason di vida da tudu ngê. ¹⁹ Punda mo olia liza di uã home tan yo ngê fo fedu pekadô, di modase, atlavés de vonte de Desu ku uã fe. Yo ngê ka be fedu Justu. ²⁰ Maji alê lentla pekadu pa soblaka: agola, andji pekadu sabloka, glasa sabloka maxi da kúse. ²¹ Kwa se bi pa dê modu se ku pekadu manda ni motxi, axen tembéte glasa pasa bi manda, plome di Justifikason di Justisa, pa vida pala semple atlaves di Klistu Jisu, Sun Non.