¹ Ántón ngá puntá: Dêçú zéta pôvô Dê? Di niuã módu ixi, sókú ání témbété u sá uã israielita, uã désé dentxi di abrón, di tlibú di béjami. ² Dêçu ná zéta pôvô dê fá ngué kwê cônsê jiná têdjá zá. Nansê ná sêbê kwá kú sclitúla ká flá ni Elias, mó ê supliká da sún, kóntlá islaelita? ³ "Súmú ê nén mátá plófeta sún, kébla atáli sún, kú ami tã so fiká, i ném gôlô matá mú" ⁴ Mají, kwá kú Dêçú kúji ê? "U guádá plá mi mé sété mili ómé kú ná dá dizé dá Báal fá" ⁵ Axi témbété, ni témpu sé miólé tê uã kú sóvezá, plôvia di êlêsón di glása. ⁶ Máji xi, ê sá plô glásá ê na bilá sá plô ôblá fá. D'ôtlô módu, glásá ná ká sá glásá fá. (Uã uã kópia di nôstempu ká flá axén: "Kútudu, xi ê sá plô óbla, ántón ê ná bila sá plô glása fá; dótlô módú, óblá ná ká sá oblá fá)" ⁷ Dáién ? Kwá kú Israieliká gôlô, isé inén ná bêbê fá, maji inén sé kú sá kôidu bêlê, maji inen sé fisá klósón. ⁸ Axén mémó ê sá sclêvidu: "Dêçu da inén uã xplitú intorpesidu, wê pá inén ná bê fá, óliá pá inén na têndê fá, ántê djá dózé". ⁹ Antón Davi flá: "kú mésá dê ká bila uã lêdê ku uã téla, uã búdu di tópi kú uã divisón plá inén. ¹⁰ Kú wê bô ká bila kúlu pô ná bê fá, kú tláxi bô vlegádu pála sémplé. ¹¹ Antón, ngá púnta, inén dá topí plá inén kiê? di niuã módu mi vêji disé, plô flakêzá bô stlávásón bi plá inén jintxin, ni módu di plôvoká súmú niném. ¹² Miólé, xi flákêzá dínen sá likêsá múndu, i kú plédé dinén sá likêsa dínén jintxin, kántu máxi, tãmen ká fisá plenitúdi fá? ¹³ Maji mióle ngá flá nánsê, jintxin, uã vê kwa sá uã apóstulu plá inén jintxin, ngá glofiká mistéli mú. ¹⁴ Táluvê nga bi plóvóká súmú da nguê xi kú sá ji plópi káni mú, táluvê uã uã ká pô stlává. ¹⁵ Sóku xu zéta dínén sá blásá di mundu, kwá ka bí sá asetásón dinén, xi ê ná sá vida nômê di mótxi fá? ¹⁶ Xi plimê flútu sá sántu, mása témbété sá; xi légi sá santu mángá témbété sá. ¹⁷ Máji, xi uã uã mánga sé fô kébládu i bô, uã mánga di olivêla blútu, bô fâ pêdu ni nén, i bô bila sóxi kú inén ni légi liku di olivêlá. ¹⁸ Ná dá glóiá kontlá mánga fá. Maji, xi bô ká glóia, bô sebê kwmá ê ná sá bô só ká klágá léji fá, maji lêji só ká klágá bô. ¹⁹ Antón bô ká bi flá: "Mángá fô kêbládu plámi pô sá pêdu nê" ²⁰ Védê! plô fáta da kêlê diném, inén fô kébladu máji bô ká flimi plâ mê di afé bô. Ná Pénsá Montxi ni bô mê fá, maji têmê. ²¹ Púndá, Xi Dêçu ná pópá mánga natural fá, témbété ê ná ká pópá bô fá. ²² Ántón, pia, bóndáji kú severidáji de Dêçú. Plô uã kúátu, severidáji bi plá zudê kukiê; maji plô ôltô kúátu, Bóndáji di Dêçú bi plâ bô. Xi bô plémá nêsê ni bóndáji dê. D'ôtlô módu bô témbété ká bi sá kótádu. ²³ I inén témbété, xi inén ná tá flimi ni fata di kêlê di nén fá inén ká bilá bi sá pêdu máxi. sósó Dêçú sá ká páji di bilá pê inén máxi. ²⁴ Pundá, xi bô fô kotádu d'olivela blútu plô natulêsa, dôtlô módu natulêsa sê bâ fô kotádu ni olivêlá buádu, kántu máxi inén zudê, kú sá mánga natural, inen ká bilá bi sá kotádu ni plôpi olivêla dinén? ²⁵ Punda, inén mánu, na mêsê plá nansê tá sê sêbê di mistéli sé fá, ni módu kú nánsê ná ká sá sêbêdo ni plôpi pénsaméntu nánsê fá. Mistélo sé sóku fé kú inén islaéli tê uã klóson fisádu, ántê kwê ká xigá plénitudí dinén jintxin. ²⁶ Axén, túdu Israiel ká bá sá stávu mô ê sá sclêvidu: "Libertádô ká bi di xión. Ê ká bi txilá impiédaji di jakó" ²⁷ Isé ká bi sá aliánsá mú kú inén óla ngá bi txilá pékádu dinén" ²⁸ Ni patxi di vángeli inén sá kôntlidu plôvia nánsê andéji mé ni patxi mé koiê di Dêçu, inén sá amádu plôviá di inen nostémpu. ²⁹ Sósó túdú dón kú samádu di Dêçú ná ká môlê fá. ³⁰ Sóku, nôstémpu, nánsê ná táva ká vléga da Dêçu fá; Máji, miólé, nánsê lêsêbê mixikóji plôviá di fáta di vlégá dinén. ³¹ Di módu sé mé inén zudê sé miólé inén sá sê vléga. Plô básu di kwasé, plôvia di miscóji musá du dá nansê, nem témbété ká pó lêsêbê mixikóji miólé. ³² só só Dêçú fisá túdu dínén ni glêntu plâ fáta di vlegâ, di módu kú ê ká tê mixikoji di túdu nguê ³³ Kê plófundáji di likêzá, di sêbê kú sêbê dô di Dêçú! kê glánji sá juizu bô, inén stláda bô ná ká dá di kômplêndê fá! ³⁴ Sósó kêngê kônsê pénsaméntu sun? O kênguê ká Dé Kônsê? ³⁵ Ô Kênguê dé uã kwá plimé, pá Dêçú bilá, ³⁶ sósó plêlê, plô êlê plá êlê sá túdu kwa. Plêlê sá glóiá pálá sémplé. Amé.