¹ Ném mánu, vónté ni klósón ngá piji Dêçu ni favôlô dínen sá plá nén sá sáluvu. ² Só ku ngá dá sestêmunhu kú nén tê zêlu plô Dêçu, máji ná sá di akordu kú konximéntu fá. ³ Andéji mé kú nén ná kônsê justiça di Dêçu fá, ká góló fé justiça dê plópi, ná fé Justiça di Dêçu fá. ⁴ Sóku clistu sá kumplimentu dá lê plá justiça di túdú nguê kú ka kêlê. ⁵ Punda Moisés ka sklêvê ni justiça kú ká bi dálê. "Hómé kú ká platiká justiça ká bi dalê ka vivê ni justiça sé." ⁶ Maji justiça kú ká bi dáfé flá: "Ná flá ni klósón fá: guêngue ka subli bá ocê?" (mó fála, di bá buká clistu bi kwê básu.) ⁷ O: Quenguê ka dêsê ántê blôgôdô? " Mó falá, pa pô lántá Clístu nô mê di motxi)" ⁸ Máji kwá bô ká flá.? "palávlá sá pétu di bô, ni bóká bô i ni klósón bô" Isé sá palávlá dá fé kú nón flá nê. ⁹ Só kú, xi kú bóká bô kófésá Jizú kúmá sún, i kêlê ni klósón bô kúmá Dêçú lésúsité nômê mótxi, bô ká sá sálúvu. ¹⁰ Pundá kú klósón á ká kêlê plá justiça, i kú bôká á ká kófésá pla stlávasón. ¹² Sò ku sclitula flá: "Túdú nguê kú ká kélé nê ná ka sá vlegonhadu fá" ¹¹ Sósó konparásón ni zúdê kú glêgo ná sém fá; punda sún sé mé sá sún di túdú nón, sá liku plá túdu kú ká samá plô sún. ¹³ Pundá túdú nguê kú ká samá plô nômi súm ká stláva. ¹⁴ Kúmá á ká pô samá ni nguê xi kú á ná kêlê nê fá? Kúmá á ká pô kêlê ni nguê xi kú á ná têndê nguê ká fla né fá? I kúmá a ká pô têndê xi ê ná tê nguê kú ká pléga fá? ¹⁵ I kúmá á ká pô pléga, xi á ná mándinén fá? Mó ê sá sclêvidu: "Ê sá glavi ni ápé di nguê xi kú ká dá patxi di kwa novu!" (Vageli) ¹⁶ Maji ná sá túdú nén kú dá óliá dá vángéli fá. Sóku Isaias flá: "Sumúê, kênguê kêlê ni palávla kú nón flá?" ¹⁷ Sóku áfé ká bi ni têndê, i têndê palávlá di Clistu. ¹⁸ Maji ngá púntá: nén ná têndê fá? Iôxi, nén têndê. "Vóji dinén wangá ni túdú télá, i palávlá dinén antê konfin di múndu." ¹⁹ Andéji disé, ngá púntá: Israel ná tává sêbê fá? Plimêlu, musé flá: "Ami ngá bi plóvoka sumi ni nansé plô inen nguê kú ná sá nasón fá; plô básu dûa nasón kú na tê sêbê fá, ngá bi pê léva ni nánsê" ²⁰ Isaias kú pôdê flá: "Û fô bêdu plô inén sé kú ná tává ká góló mú fá. û plásê da inén sé kú ná puntá ná mi fá." ²¹ Di islaéli: ê flá: túdu dja u sêndê món mú dá uá pôvô kú ná ká vlêgá fá kú libéji.