¹ Uga flá vedé ni Klistu; û na ka mitxila fa. Kunxensa mû ka dá testemuia kuamin, ni suplitu Santu. ² Ku pla min ê sá ûa glanji tlisteza ku dôlô sê mun já ni kloson mû; ³ Só só û dizeja ku amin mé ka pô sá malditu é patadu di Klistu, plâ amôle d'iné manu mû, ku inen sá ûguê mû ni kani. ⁴ Inen sá israelita. Aduson ka petêsê inén, gloía, liansa , entlega di alê, adolason a Dêsu, i plomesa. ⁵ Patliaka sá d'inen, ûguê xi ku Klistu dexedê, segundu kani, kuali sá Dêsu ni libá di tudaxi, seja êlê benditu eternamente amén. ⁶ Maji ná sá punda palavla di Dêsu pata fa. só só nê tudu nguê di israel na sa di israel fá. ⁷ Kuma tembeté nê tudu ûguê dexedentxi di Ablon sá vede-vedemé mina dê fá. Maji "Plovia di Izaki, ê ka sá samadu dexedenxa dê" ⁸ Isé sa, inén mina kani na sá mina de Dêsu fa. Maji inén mina di plomesa sá konsideladu, món dexedenxa. ⁹ Só só isé sa palavla di plomesa: "Ni tempu sé ûga bi, ê ka bi sa dadu uã mina da Sara." ¹⁰ Ê na sá kua sé tan fá maji tembeté zawó, ku lebeca toma bégaa di pe non Izaki. ¹¹ Inen mina antauó na tiã maxidu fá, nê tava fedu kua buadu ô mali fá (pla ku plopojitu di Dêsu di akadxi ku kâiê Dê ka montê, na sá plâ obla fá maji plâ via d'ixi ku samá) ¹² Kua sé fô fladu dé: "Maxi tomé ka bi xtlivi maxi novu" ¹³ Axen ê sa xklitu: "Û amá jakó, maji kontlê esaú" ¹⁴ Anton kê kua ku non ka pô flá? Justisa na sen ni patxi Deçu fá? Nuka! ¹⁵ só só ê flá maizé: "Ûga bi tê mixikoji di ûguê xi kû mêsê tê mixi kóji, mêsê tê pená." ¹⁶ Só só só isé na ka dependê di ûguê ku ka kolê, maji di Dêsu ku tê mixikóji. ¹⁷ Só só xklitula flá dá faraó: "Pla isé mé û lamtá bô, pla kû û pôji munsa ni bô podê mû i pla ku nami mû pôji sá fladu ni tudu tela" ¹⁸ Sókú, ê ka tê mixikoji di ûguêxi ku ê mêsê, malá Kloson di ûguêxi ku ê mêsê. ¹⁹ Antón, bô ka bi fla mû: "Punda ka mandá ê klupa ûguê antauó? só só kengue xi ku lezisti vonté dê?" ²⁰ D'ôtlô modu, amé, kênguê sá bô ku ka kuji Kontla Dêsu? Kê kua xi ku balu ka pôji flá plá ûguexi ku maldéé: "Punda ka mandá bô fé mû axi?" ²¹ Ngê ku ka fé xtluvisu ku balu na tê glêtu di pega balu pla ê fe di masa sé mé ûa vazu pla uzu xpesial, i ôtlô vazu. pla uzu komun fá.? ²² Xi Dêsu, mêsê munsá lava Dê di fé konxidu podê dê, supotá ku iô paxensa inê vazu di leva, plepaladu pla distluison. ²³ Di modu ê ka pô fé konxidu likêza di gloia Dê ê plivini teólazá. ²⁴ Kua sá, ku e sama tembeté, na sa inén zudê tan fá maji ine gintxi tembeté.? ²⁵ Món ê flá oseia tembeté: "ûga bi sama pôvô nû ûguexi ku na sa pôvô mû fá, di amadu, xi ku na sa amadu fá. ²⁶ Ê na sa ni lugê ola a fada iné: Ûnasê na sa pôvô mu fá, malá iné ka bi sa samadu: mina di Dêsu vivp" ²⁷ Isaias klama dá israel: "Antuó ku iné mina di israel ka pô sá mon d'aliá d'omali, ka bi plasê uã glupu novu ku ka bi stlava". ²⁸ Só só sum ka bi zekutá palavla dê plu tudu tela, sedu kompletamente. ²⁹ Nó Isaias flá andeji: " Xi sum diné sodé ná ka désá zelason fá, non ka bila mo sodama bila bi sa mó gomora." ³⁰ Antón kua non ka flá? iné jinti ku na tava ka buka justisa fá, Iné bê justisa, justisa plâ afé; ³¹ maji israel, ku buka alê di justisa, na bêlê fá. ³² Punda ka mandá fá? Punda iné na buka isé plu afé fá, maji plu obla, Iné tlopesá ni budu de tlopeso, ³³ mó sá sklitu: "I alé ugá pé ni sion ûa budu di tlopêsu, ua budu di de manda, ngê ku kêlê nê na ka bi pasa vlegonha fa.