¹ Sóku, ném mánu ngá insisti kú, plômixi koji di Dêçu, Plésentá úbuê nánsê mó di kónostlá (Saklifisu), Sántu bwádu da Dêçú, kú ê sá kútu nansê racional. ² Ná kónformá kú múndu sé fá, máji nánsê ká tlasfólmáa pla lénóvasón di pensamentu nánsê plá á pô konsê kwali kú sá buá, plefétu bwadu ni vónté Dêçu. ³ Pundá plô glásá kú fô dádu, ámí ngá fadá nansê kú kádá uã nánsê ná tóka pénsa ni nánsê mé fá máxi montxi dôkê kú tává fá; Máxi iôxi, Pénsá kú Sêbê, sêgundu mijida dá fé ku Dêçu pátxi dá kádá uã. ⁴ Sósó nón tê io memblu nuã klôpô, Maji ná sá túdu mémblu kutê fúnsón sé mé fá. ⁵ Axén témbété nón, kú sá móntxi; nón fólmá uã klôpô tã ni Clistu, máji pátádu, nón sá ménblu uã d'ôtlô. ⁶ Nón tê uã dán kóntlália di módu kú glásá fâ dádu nón. Xi dón duã nguê sá plóféxia, kwê ká sá kónfólmu plópósón dá fé. ⁷ Xi dón sá stlúvisu stlivi ê. Xi dón sá xina, xinéé. ⁸ Xi dón sá di dá klóson, dé kloson. Xi dón sá kôtlibui, kontlibuê kú vonté. xi dón sá di guiá, guiá ku zêlú. Xi dón sá mixikoji, fé mixikóji kú gôstô. ⁹ Kú amôlê ká sá sê pôclêsia. Kôntlê máli; tê kwáx. Kú sá buádu. ¹⁰ Ni amôlê fraternal, sá afétuosu uã plô ôtlô. ni lispêtu, nansê ká lispêtá uã kú ôtlô. ¹¹ Ni zêlu, ná diskuidá fá. Sá flêbêlôsu ni xplitu, ká stlivi súm. ¹² Iê gôstô nánsê ni kunfiansá kú nansê tê ni d'já ku ská bi. Tê paxénsa ni tlibulásón. ¹³ flá lásón sémple. Flá ni nécéssidaji di santu i ká zúda. ¹⁴ Dá bénsón da inén kú ká plixigui nánsê; dé bénsón ná pensá mali dé fá. ¹⁵ Té gostô nanse ku nguê xi kú ká tê gôstô; sólá kú nguê xi kú ká sólá. ¹⁶ Té pensá sé mé uã pla ôtlô. Ná pensá né bâmé fã, Maji da ku nguê sá máxi básu. Na di sebêdô ni plôpi wê nánsê fá. ¹⁷ Ná págá máli kú máli dá niuã nguê fá. Fé kwá buádu ni wê di túdu nguê. ¹⁸ Xi nansê pôji, ni kwá kú ká tóká nánsê, tê páji kú túdu nguê ¹⁹ Inén mánu, na vingá ni nánsê mé fá, maji dá lúguê dá léva di Dêçú. Púndá ê sá slêvidu: "Vingánsá sá Ji Mú; Ngá bi da súm flá" ²⁰ "Máji xi númigu bô sa kú fóme, dée kumé. xi ê sá ku sêjé, dée bêbê. Pundá xi bô fé kwá sê, bô ská pê blásá di fogô ni liba kábéça dê" ²¹ Ná légá mali vênsê bô fá, máji vênsê mlai kú bén.