¹ Sósósó, uã vê ku non sá lojadu di uã nuven di sestemunhu glandji axi, bomu zétá tudu pésu di pekadu ku ka loja non sédu axi. Bômu kolê ku paxensa, kolê sé ku sá uwê nón. ² Pê wê nón ni Jizu, ató kumplidó dá afé di nón. Postá dê tava ni tloka di góstó, glagá klusú, kondená vlegonha ku ê tasón ni kwátu klétu ni tlónô di Desú. ³ Pê ni konta ixi ku gaglá opózison sé di pekadó kontla Êlê, pá nansê na kansafá nê disanimafá. ⁴ Atyaô nansê maxi legixti ni luta di sangui kontla pecadú fá; ⁵ Ku nansê kêsê di izortason, ku fô dado dá nansê mô mina: "Mina mu, ná displezá coleson di Sun fá, nê na dizanima fá ólá ku ê ka mendá nansê fá". ⁶ Punda Sun ka mendá iguê ku ê ká ama, ê ka dá sótxi ni tudu mina ku ê ka koiê ⁷ Zujetá suflimentu mô di môdú di kureson; Desú ku tlatá nansê mô mina, kê mina ku Pé na ká vlega fá ê? ⁸ Maxi, si nansê sá sê vlegá di môdu ku nansê tuduxi sá memblu antón nansê ná sá legitimu fá ê ná sá mina dê fá. ⁹ Sên forá di kua sê, sekundu Pé ku non tava kuê di kani, tá ka vlega non i non tava ká lispété. Non ná toká di ôbêdêsê Pé nón ixpilitual maxi pá nón pô vivê fá? ¹⁰ Dôtlô modú, pé non ku vegla non pá uwã dôssú djá ku ká plasê iné sétu. Dôtlô modú Desú ka vegla non pá bem non, pá non poji tomá patxi di santidaji Dê. ¹¹ Tudú koreson ni momentú sê ê na ká kô mutivú di kôstô fá, maxi di blosê, tantu maxi taji ê ka bi dá uwã flutu masú di zustisa pá iné ngê xi ku ká pê ni platika. ¹² Sôsô flima môn nansê ku sá kansadú ku zuntá di nansê ku sá flaku bilá fotxi; ¹³ Fê ôpé ndá ni stladá flimi, pá tudu nansê ku sá lesádú ná plêdê fá, dôtlô môdú, pá iné pôji kulá. ¹⁴ Ndá Ku paji ku tudu ngê e santidaji, xi ná sá axén fá ni uwã ugê kabê Sumu fá. ¹⁵ Tomá kuidadú pá ni uwã ugê ná sintxi, fatá di glasá di Desú fá, pá ni uwã ugê tá ku legi di levá, ká klêsê, ká petubá nansê ni pontu di vénéná iô diné. ¹⁶ Tomá kuidadu pá ê ná tê uwã xi ku ná ká môlê fá ô uwã plófanu mô Izaú fá, ku ni uwã kumé mô plimêlú ê bêndê dilêtú dê. ¹⁷ Puná ê sê bê ku ni pokô tempu ê mêsê ledá bénsón ê fô zetadú pundá ê ná lêpêndê fá, ku ê sólá, ê ná bêlê fá. ¹⁸ Pundá ê na xigá nuâ okê ê na ká poji búli fá, nuã ku fógó ka glimi, ni motxi kulú kê ma tempú, nê tlomentú de tlómbétá ê na xiga fá. ¹⁹ Nê uwã voji ku ká flá palávla fá, ku iné ku ká têndê lógá ku ni uwã ôtlô palavlá á ná fla iné flá. ²⁰ Punda iné na tavá ka zujetá kua ku a mandá iné fá: "antê uwã bisú, xi ku ê buli ku ôkê sê a ká bi dê ku búdú" ²¹ Muzé, ni uwã vison kua sá sá fotxi ku passa, ê flá: " hun sá ku méndú, hun ixká tlêmê tá". ²² Maxi, bô xiga ni ôkê xion, ponsôn di Desú vivu, Jiluzalém di liba di dizena di mili anzú ni seleblason. ²³ Bô bê glêsá di iné plimêlú ku ká lólá ni ôsé di Desú, juizu di tudu iné dá ixplitu di iné zuxtu ku fô pléfésuadu. ²⁴ Bô xiga ni Juzú pensadó di tudu aliansa, ku sangi di aspeson, ku ká flá maxi buadu dô kê sangi di Abélu. ²⁵ Pia ku nansê na lekusá Sun ku ixká flá. Pundá ungê ku ixká negá ungê ku ni telá ixká zortá nansê nansê na ka pô ixkapa fá, non ku serteza ná ká ixkapa fá, xi non bilá kostá non dá desú ku ixká flá ku non di ôsê; ²⁶ Sun sé ku vóz dê tlêmê télá. maxi miôlá wô Ê plômêtê Ê flá: "Antawô, uwã vê maxi, Hun ná ixka kábá ku téla tán fá, maxi tembété ôsé". ²⁷ Palavlá sé: "ôtlô vê maxi" ká mostla iné kua sê kua ixka bá xê, kua ku sá ni fô kliadu, pê pô fika kua ku na ká pô dezaplasê. ²⁸ Punda kua sé, non ku lesêbê uwã lenu ku na ká pô sê dextluidú, non ka mantê ni glasá ká pô stlivi Desú di uwã môdu glavi, ku lêspetú, ku amolê. ²⁹ Pundá Desú non sá uwã fógó ku ka konsumi.