¹ Ku amôlê di iné manu ká sá sêmplé. ² Ná kêsê di lêsêbê ixtlangêlú fá, axén, fê kua sé uwã uwã di nansê ka pô lesêbê anzu Desú sê sêbê. ³ Npá kêsê di iné ungê ku sá plesú fá, mô kua ku nansê sá plêsu ku iné. Lemblá di iné xi ku axká tlatá mali, mó kua ku nansê sá mali tlatadu kuma iné. ⁴ Ku tudu nón ka lixpetá kasamentu ku iné dô dôssú ka sá púlu, pundá Desú ka bi zugá tudu iné ungê ku ka fê sexu sê lispetu ku iné adutelú. ⁵ Ná lêlê amôlê di gêlú fá ê kontentá ixi ku nansê tê, pundá Desú mé flá: " Ami ná ka legá nansê fá, ami ná ka zetá nansê fá". ⁶ Ni Modú, non ká kunfia, non ká flá: "Sun só ka guia mu na ká mendú fá. Kê ômé ku ká pô fê mu mali?". ⁷ Iné xi ku flá nansê ni palavla di Desú, Pia iné kumá ungê ku sá mésé nansê, vivê di modu ku iné ka vivê, vivê modu afé ku iné tava kuê. ⁸ Punda klixtu mê sá onté, ôzé, ê sá pala Sémplé. ⁹ Ná lêlê iné dotlina ku nansê ná konsê fá, punda kloson ku sá buadu sá isé ku asá fotalesidu ni glasa., ná sá ni legla di kumé, ku na ka zudá iné ungê xi ku ka vivê nê fá. ¹⁰ Non tê uwã atali, ungê xi ku ká stlivi ni tabenakulu ná tê diletu di kumé fá. ¹¹ Punda sangi di bisú saklifikadu plovia pekadú ê kabi plômê sumu sasedoti ni luguê santu. ku koplô diné ka sá kemadu ni iwã ni luá. ¹² Sa plovia sê, ku povo sá santifikadu, plô mê di sangi di Jizu ku sóflê ni lua ni pótó di poson. ¹³ Sósó non xê di poson ba lêlê ni lua, pá non pô sujetá vlegonha dê. ¹⁴ Punda non ná tê uwã poson nai fá. dôtlô modú non ka buka uwã ku ixka bi. ¹⁵ Antón, plovia Dê, non ka fé sakrifisu di lovô dá Desú tudu djá, ku sá flutu di bóka non ku ka konfesá nome Dê. ¹⁶ Na kêsê di fê ben di súdá uwã ku ôtlô fá, punda sakrifisú sé Desú ká gôgô kué lumadu. ¹⁷ Vlega dá iné mésé nansê, tendê iné, punda iné ká sêbê di alima nansê, mô di iné xi ku ká bi plesa konta dê. Vlega da iné mésé di nansê pá iné pô fê ku gostó pá iné ná lamentafá, pê pô valê dá nansê. ¹⁸ Flá lason dá non, non sá konvexidú ku non tê uwã kunxénsá limpu, ku deseju di vivê setu axi ni tudo kua. ¹⁹ Hun gá dá nansê fôsa maxi antáwô di fê axi di modú ku ungá poji bilêê nansê maxi sedú. ²⁰ Desú de paji, plovia di sangi di aliansa pala sémplé, ê bi nomê di motxi ku glandji Paxtoló diné ôvelha, ku ká samá Sumu Jizu non. ²¹ Nansê ku plefésuá ni tudu kua buadú pá pô kumpli vonté Dê. Ku Ê ká tlabá ni kua xi ku sá buadú, plovia Jizu Klixtu, ku non ká dá glolia dá tudu sémplé. Amém. ²² Iné manú, ungá izotá nansê di suzetá iné palavla sé di dá nansê fosá ku inklevê nansê miólá mé. ²³ Pá nansê pô sêbê ku manú non Timóteo fô libetadu, só hun ka bê kue bá lêlê nansê, sê bi lógó. ²⁴ Dá mantxan non dá tudu lidé, ku tudu manu non. Iné ugê di Italia ká manda matxan da nansê. ²⁵ Glasa Sumu ká sá ku tudu nansê.