¹ Afé sá seteza di kwa ku as kua kwada. Ê sá plová ni kwa ku á ná ka bê fá. ² Plô mê afé iném hungue témpu fé kua ku fika cuma kua buadu ni vda di iném. ³ Plôvia afé nón sêbê kuma tudo kua kiadu ku sá ni mundu bi punda Dêsu só fé tudu kua, di modu ku kwa ku non iska bê ná bi di kwa ku non ka pô pia. ⁴ Plô ômê afé, Abeli plêsê Dêsu, saklifisu maxi bwadu dokê Caim; Punda kua sé ê fô plóvadu mó zustu, punda Desú flá dê di kua ku ê ofetá; axém men ku sá motxi, ê ká flá pló mê di kwa ku ê fê. ⁵ Plô ômê afé, Enoqui fô bá osé ê ná bê motxi dê ku ê fá; a ná bêlá fá, punda Dêsu tómé bê ku ê; anti kue fô tomadu, ê dá buadu testemunhu, ku ê bwa dá Dêsu. Sê afé non ná tê ninwã môdu di fê kua bwadu da Dêsu. ⁶ Punda ê sá nesesario ku iném ngué ku iska xika petu di Dêsu ê tê ku kunfia ku Ê ka zixti, ku Ê sá Dêsu ku ka kompensá iném ngué ku ká buké. ⁷ Plô ômê afé, Nueli, fô advertidu di kua kua na tava ka bê antaô, ê têmê; Pê pô stlava tudo ngué di ké dê ê fê nwã arka. Plô mê afé ê kondená mundo tuda xi, ê bila lendêlu di zustisa ku bi plô ômê afé. ⁸ Plovia afé, Abron, olá ê fô samadu pê pô bé ni nwã lugué ku tava pê pô lesebê kuma lendêlu dê, ê obedêsê, ê fô sê sêbê anji ê tava ka bé. ⁹ Plovia afé ku ê peleglina ni tela di plómesa mô nwã stlangelu. Isé sá ¹⁰ punda êta ka pia pá pôson ku tê fundamentu ku Êle mé ka plójeta bila fé. ¹¹ Plôvia afé, tembeté, Sara, ku ná ká pali fá, ku ná tinha daji di pali maxi fá, lêsêbê pôdê pê pô pali nwã mina, punda ê kunfia ni Dêsu ku fé plomesa dê. ¹² Sósósó, omé sé ku tava ká molê, fe iô povô kuma istlela ku sá n'osé, ku sá kuma aleia ku sá n'ómali ¹³ Tudu hun guê sê môlê ni afé xê tê lesêbidu iné plomesa, maxi iné tava ka bê ku wê diné, punda iné mé tava ixka fla ku iné sá stlangêlu ku pelêglinu ni télá sé. ¹⁴ Pá iné ku ixka fla iné kua, ê ka fika clalu ku iné ixka buca ôtlô luguê ku ná sá nai fá. ¹⁵ Xi iné tava lembladu di tela ku iné bila tlaxi, ê ka possa ku iné ka bila tlaxi bi diné. ¹⁶ Maxi iné tava deseja uwã tela maxi glavi, telá sé ku sá Ósé, dôkê isé ku iné tava nê. Miolá ó, Desú ná ka tê vlegonha di sê chamadu Desú diné, punda Ê fê uwã posôn da iné . ¹⁷ Ê sá plóvia afé ku Ablôn, ólá ê fô testadu, ê dá miná dê ku sá uniku ku ê tê, mina sê ku tava lesebidu plómésa. ¹⁸ Ê sá ni miná dê ku Desú flá: " Ni Isaqui a ká sama descendenti bô". ¹⁹ Ablôn, tava ka kunfia ku Desú sá poderosu pê pô lanta ni motxi mina dê Isaqui, anton di modu figuladu, ê lesebê ôtlovê. ²⁰ Ê sá Plóvia afé ku Izaki bensua Jakó ku Ezaú plóvia ku ku tava pa bi. ²¹ Ê sá plóvia afé ku jakó, olá ê tava môlê, dá benson dê dá tudo mina di Juzé, Ê adola, plostá ni wê di kajudu. ²² Ê sá plovia afé ku Juzé, olá ê tava pia motxi ku wê, Ê fla ku iné mina de Israele ká bá xê di Egito, ê pidji pá iné bê ku ósó dê. ²³ Ê sá plóvia afé ku Muizés, olá ku ê nasê, iné pé dê kondê dulante tlexi megi, punda iné pia kue sá uã mósú glavi. Iné na tava ku mendú di dekletu di sun Alé fá. ²⁴ Ê sá plóvia afé ku Muizes, olá ê tava klesidu, ná tava kêlê ku á ká samé mina di mina di faraó. ²⁵ Maxi ê koiê padisê ku iné pôvô di Dêsu, dókê sufrui iné plazê di pekadó, ku sá pókó tempu. ²⁶ Ê tava koiê soflê dá Klistu dókê iné tesoló di Egito, punda ê tava ku wê dê ni rekompesá ku Klistu ka plomêtê. ²⁷ Ê sá plóvia afé ku Muizes, xê di Egito, Ê ná tava ku mendú di irá di sun alê fá. Ê táva supótá kuma hungê ku tava pia uã ngê ku sá invisivé. ²⁸ Ê sá Plóvia afé ku ê seleblá Paskua ku sa sangui ku ká pinga, pá anzú dó osé ku ká mata plimogenitu na ka toka iné fá. ²⁹ Ê sá plóvia afé ku iné tlavesá ni ômali vlêmê, kuma unguê ku tava ka ndá ni son seku, sê awa. Olá iné Egípcios tenta fê kua sé, ômali kubli iné tudaxi. ³⁰ Ê sá plóvia afé ku iné mulú di Jérikó kê, olá ê fô rodeadu sété vê ku pôvô Dêsu. ³¹ Punda afé ku Raabe ku sá plostituta tava kuê, ê ná môlê ku iné ungê ku tava desobêdêsê, punda é gwada iné espia ku paji. ³² Kekua un kã pô flá? Ê ká fátá tempú, pá pô fla di Gideon, Baraki, Sanson, Jefté, Davi, Samueli ku iné plofeta. ³³ Iné ku plóvia afé di iné, iné konquista, reinu, platika zustisa, iné lesêbê plomesa. Iné fisá bôká di léon, ³⁴ Iné pagá fôgó, iné iskapá di xipada, iné fika fotxi olá iné tava flaku, iné fika fotxi olá iné tava ni guélá, iné kólê ku iné sódé numigu. ³⁵ Iné mwala lesêbê iné ngê diné ku tava ka môlê plomê di ressureson. Ôtlô diné fô torturadu, iné na tava kêlê livlamentu fá, pá iné pô tê uã ressureson maxi buadu. ³⁶ Ôtlô diné passa zombaria ku xikoti, ku gema ni plison. ³⁷ A dá inné ku búdu, sela iné nô ômê, matá iné ku xipada. Iné tava ká ndá ku lópá di peli di oveia ku kabla, iná tava necessitadu, fligidu, malitlatadu. ³⁸ Mundu sê na sá dignu diné fá. Iné ndá iné tá ni desetú, ni montanha, ni klavena, ni bulaku télá. ^{39 40} Maxi ku non ká sêbê ku tudu iné ungê sé lêsêbê buadú testemunhu, plóvia afé diné iné ná lêsêbê plomésá antá uô, Punda Dêsu iska fê uâ kua maxi buadú dá non, pá plóvia non iné ká posa aperfesuadú.