¹ Deuxu ruruteherekȳwadee rarybere kia-my. ² Jiarȳheka ijõre luunahakȳJerusalẽ-ò, sohoji luuna tahe wadee riwahinymyhȳre weribireny aõkõ. ³ Jiarȳaroosekre Jerusalẽhãwã-ò, tai tahe arasȳnykre, tai tahe Jerusalẽhãwã raninikre òbiti hãwã-my tahe tule kia hãwãlo Deuxu ruruterehekȳninikre hãwãlo aõ tai rȳimyhȳre-my òbitihikȳ-my. ⁴ Ixyby kia matuari mahãdu tyhy tule senadu mahãdu tariranareny òwòrurehe tebo-ki idi ratxirenyreri tiiboho rorukurenyre kia Jerusalẽmahãdu butunareny-ki. ⁵ Kia uri tawywii ributumyhȳrenyre tahe sõwe-my weryry tule hirari (obs:rsinyrenykre-ki). ⁶ Kia heka tai kȳnyikre tiiboho (obs:kdioosedenykreu) kia Babilonia (obs:yrbynaribi) tahe, wadee heka awesetyhyle kȳnyikre Deuxu ruruterehekȳwahe. ⁷ Jiarȳaritarenykre waijoi mahãdu, jiarȳaritarenykre kia txuu òlòna weribiribi tule txuròtena weribi-ribi titxibo kia idydureny ridyrenyreribi. ⁸ Kia adiòkesedȳȳnydenykre ixyby Jerusalẽhãwã-ò, tai rasȳnyrenykre-my. Tiiboho heka waijoireny roirekre jiarȳtahe adeuxureny aratxikre tule awedurenytyhymy abedeywisidȳȳdurenymy òbitihikȳ-my. ⁹ Deuxu ruruterehekȳrarybere. –Tahe, oruruterereny ijõdire, tiiboho tamy roholarenyre-ò wijityhyle tahe Deuxu rybedu raryberenyre tiubo kia Deuxu dohodȳȳna heto ixyby relekre tahe tamy ritidikre heto woraru. ¹⁰ Kia bedeu tahe iubeweri ijõõkre aõmysȳdȳȳmahãdu òwydȳȳna, kia aõnanaõ-di itxyyduboho iròdu iròduboho tiu tawedure-ò iubeweri risõedȳȳnyrenyõtyhy tawedu-ò. Sõwe-my iòludureny ijõdikre, tiu inyõ awi-my ratxiõtyhy, jiarȳrewinyre kia iny wi-my roludunyke-my aõtxiaõtxile. ¹¹ Tahe jiarȳDeuxu ruruterehekȳtuu ararybekre wiji tiu heka ariywinyõtyhy tibo rauhenykre wiji iny iwese juhuu rewinyre wese. ¹² Tiiboho ròbròrenyre tasurenymy awi-my bederasò awi-my riwahinykre, suu tamyreny riwahinykre kia aõnaõna lòbròna iribi ritakre-my, kedesekre biu biu ribi. Adiwahinykre kia ibutu-my tibo rohenykre-ò. ¹³ Juda-ki sȳdu mahãdu tule Israeli mahãdu kia-my raryberenyre ijõ mahãdu-ò kawese-my. Deuxu tiiboho aõhõkȳ-my (obs:risnyrenykre) kia Juda ijoi tule Israeli mahãdu aõhõkȳ-my (obs:risnyrenyreny) wesele. Tahe jiarȳaratarenykre kia (obs:atmoranarenymy) tahe tiibohole roirekre widee riwahinymy riorekre iny sohoji sohoji wahe. Tahe Deuxu riywinykre kia Juda mahãdu riywiny wese tule Israeli mahãdu. Brebu-di morenyõmy! Arurureny biixiòhòdȳȳnybenyke. ¹⁴ Deuxu ruruterehekȳrarybere iny mahãdu-ò: –Tiubo aijoireny ehetxina mahãdu wadee riwinyrekre ibina, jiarȳaõhõkȳ-my (obs:adisnydenykre), timy jiarȳreywinyre wese juhu-u. Warayky (obs:wdyna) rarahòreõre. ¹⁵ Wiji tahe jiarȳreywinyra aritarenykre-my Jerusalẽhãwã mahãdu tule Juda mahãdu tiu heka warayky ariwiranyõtyhy. Tai tahe breburenyõmy. ¹⁶ Kia heka kaiboho biwinybenyke, widi òbitihikȳ-my boibekre iny sohoji sohoji widi kia tahe bexiywinybenyke òbiti ywisidȳȳna-ò tibo aõbina tai riywinybenyke òbiti ywisidȳȳna-ò tibo aõbibina tai riywinymyhȳre tahe kia-my matxikre awi-my. ¹⁷ Tai tahe jiarȳariwinyõtyhy tuu kia aõ ibina wide biwinybeõtyhy tule inatyhy-my aõ òbitiaõkõ wadee jiarȳDeuxu, tai raykaranywãhãre kia ibutu-my. ¹⁸ Deuxu ruruterehekȳrarybere wadee kia-my. ¹⁹ Kia inarehena inaubiowa, iruyre, debo inatxi reurò tule debowiò ahãdu-di rirana sohoji beòra kia kanakre deysana txu, bededeysana txu kia kanakre Juda sȳmahãdu-ò. Tahe tuure òbitityhy-my awityhymy. ²⁰ Deuxu ruruterehekȳrarybere: — Kedehemynykre txuu tahe sõwe-my tai sȳdu mahãdu kia iwitxira witxira hãwã-my hãwã-du mahãdu tuu robirenykre Jerusalẽ-my. ²¹ Tai sȳdu mahãdu tuu robirenykre kia iwitxira Hãwã Hãwã. Inyboho (obs:rkeàlàrenykre) kia Deuxu ruruterehekȳ-my tamy (obs:rkexitòenyrenykre) inyboho ritarenykre-my. Kia tahe ijõ mahãdu (obs:kdirawyonydenykre), inyboho rokoirenykre tiiboho wana! ²² Iny sõwe-my mahãdu kia bedebede-ludu ruruterehekȳmahãdu kodobidenykre Jerusalẽmahãdu Deuxu-my reàlàrenykre-my. ²³ Kia txuu tahe debowiò-my iny bedewebròrò-my mahãdu ritaataarenykre sohoji judeu tahe tamy rarybekre. Jiarȳboho tuu rarurenyreri deuxu rybena heki aratxirenyke-my, tamy dori raholarenyreri Deuxu wana kaiboho atxitenyteri-my.