¹ Kia inaubiowa txu deboinaubiowa ahãdu, erysyna txuu, kia inire Kisleu, kia inaubiowa beòra-my tyyriti-di rare, Deuxu wadee riwahinyre rybe sohoji. ² Kia rȳire tiubo Beteò mahãdu riwahinyre Sareze tule Hege-Meleke taijoireny boho wana Deuxu dohodȳȳna heto Deuxu ruruterehekȳ-ò rexitòenyrenykre-my riwiòrenanyrenykre-my. ³ Kia tule riwinyrenyke awire xiwena wahidȳȳdu Deuxu rybena heto tule Deuxu-my rybedu mahãdu dȳȳraxi. –Beòra sõwe-my waribireny riijere jiarȳbohe rahinyhyy renareherenyre kia iruyre ahãdu, kia ãhadu Deuxu dohodȳȳna heto hudunamy. (obs:Rikiwinyrenyke) kiawese tuhyy. ⁴ Tahe Deuxu ruruteherekȳrarybere wadee. ⁵ Diteònyde jiarȳtuu ararybekeki tahe kia xiwewahidȳȳdu mahãdu-ò. –Kia heka riwinyre iny umy deboinatxi beòra-my kaiboho tahinyhyy tule tenarehehyy kia iruyre ahãdu-my tule deboinatxi reurò-ò. Tahe kia he aõ wadee wimy aõkõ, kaiboho kia tewinymyhȳtenyte tuu. ⁶ Tiubo biroxibenykre-u tule biõbenykre-u, kaibohole ixiki awi-my mahabenykre tewinyte-my. ⁷ Kaa rybe wahidȳȳna kia Deuxu ruruterehekȳdiwahinyde wesetyhyle rare juhuu kia deuxu-my rybedu juhu mahãdu yribi; tiubo Jerusalẽ-ki watxiwahã awi-my tai sõwe-my sȳdu mahãdu ijõdire. Kia tai rȳire wesetyhyle hãwã wera-di tule ijõ bederanorahãkȳhãwã-ki ijõ Juda hãwãlo hãwãlo-ki. ⁸ Deuxu tahe rarybere Sakaria-ò kia-my. ⁹ Jiarȳ, Deuxu ruruterehekȳrare, retidire tamyreny; òbiti-my ratxirenyke-my tule òweòwe-my aõkõ tule wii biynybenymy awityhymy tule làhàna-di. ¹⁰ Wytese mahãdu aõhokȳmy isȳdȳȳõ-my, tule ijõ mahãdu, tule iwitxira bedebrò mahãdu kia awanareny rasȳnymyhȳrenyre, tule hãwãdu mahãdu. Aõbo biwinykre-my nootiõmy aõbina-ò awihikȳ ¹¹ Tai e tiiboho tah kodoosedenykre tahe tiu roholarenyõtyhy. Rexirahòrerenyre wawe ribi tule tohõtireny-ò (obs:rexihtenyrenyre) tamy roholarenykelau warybe ywisidȳȳna-ò. ¹² Ixyby itelesõreny itere-my relere kia (obs:mnatrȳrȳhȳkȳ) wese-my tahe tiu heka rityhynyõtyhy tybe òraru tahe rybe rewahinyre. Jiarȳwatyytyby tyaribi, rewahinyre kia Deuxu-my rybedu mahãdu ihetxina-ò. Tai tahe jiarȳsõwe-my waki tamyreny reare. ¹³ Kawese heka tiiboho roholarenyõkrehyy ijõdire tiu aroholaõtyhy iixitòedȳȳnareny-ò aõmybo rurumyhȳrenyre-my. JiarȳDeuxu ruruterehekȳkaa rarybereri. ¹⁴ Kia hãluukȳrurutere wese jiarȳreuberanyre ibutu-my bedebede-my iwitxira tori bedewòbrò mahãdu, titxibo kia suu ribi ròhònyrenyre tule taruhukȳmy, tuu inyõ tai ratxiõtyhy. Su awityhyre tule tyhyna sõwere tahe rexirahorere aõ tai ijõõhokȳ-my.