¹ Kaa Deuxu rybe wahidȳȳna, Deuxu tii heka tuu rarybere kia adrake mahãdu-ò tule Damasku mahãdu-ò kia aõhõkȳmy (obs:kdsȳnydenykre-my). Tule Siria hãwã tule ixȳju mahãdu Israel mahãdu deuxu ijoi. ² Hamatxi hãwã tahe kia iòhòmy roire hãwã ribi kia Deuxu hõrõ roire, kia Txiro hãwã tule Sidõ kia taaõmydȳȳna tyhy roire mahãdu tule ihõrõ rare. ³ Txiro mahãdu riwinyre awihikȳmy idi rexiiherenykre-my wityretyre riadònyrenyre sõe-my womati ura (obs:trȳrȳhȳkȳ) aõ node wesemy kia womati (obs:trȳrȳhȳkȳ) subruru wese-my. ⁴ Tahe Deuxu riwykre rakreu tii idi rehukre Txiro mahãdu tyhydi beronihikȳ-ò ihãwãreny tahe rahurenykre heòty-di. ⁵ Tiubo kia Askilõ-my sȳdu mahãdu rieryrenykreu sõwe-my ruberurenykre. Gasa mahaãdu tule aõhõkȳmy rutȳȳnyrenykre kia Ekrõ mahãdu tahe tararòsònareny ibutumy rahurenykre. Kia Gasa hãwã wedu tahe ituerenykre, Askilõ hãwã-ki tahe moõ rasȳnoõhyykre. ⁶ Wimyuri mahãdu tahe Asdoki-ki rasȳnyrenykre. Deuxu rarybere: Jiarȳarexixiwedenykre kia ixiwederenymy ratxirenykre filisteu mahãdu. ⁷ Tamyreny aritidikre iròdu de uritere iròrenyõkre-my kia ihãlubu-dimy ijõ aõtxile byrena aõwaõkõ kia rohenyrenykre tahe kia he wahõrõ-my roirekre tule Juda mahãdu ijoi-my relerenykre. Ekrõ-my rasȳnymyhȳre mahãdu tahe waijoirenymy relerenykre, kia Jebuseu-ki aõ rȳirewese-my. ⁸ Jiarȳararybekre aritakre wamahãdu iòludureny ribi tiu heka inyõhokȳ (obs:rsymyhȳre) mahãdu ihãwãreny-ò rirònyotyhy ihudurenymy. Tiu heka iwedureny binahãkȳ-my tiu ratxiõtyhy tikile ihãwãrenymy rasaõsaõmy ratxike-my, jiarȳdori ijõdire timybo tiiboho aõhõkȳ-my rutȳȳnyrenyre-my. ⁹ Sõwe-my hãwã mahãdu, mawinybenyke deysamy awedureny tyhy dori kedehemynykre. Tii kanakre tarasana-di sõwe-my ywimy, awaru yja riòre tyre-ki, awaru yja riòre wahe. ¹⁰ Tii kanahukre aõbina Israeli mahãdu ityti heòty. Tule Jerusalẽmahãdu awaru Xiwahate, wyhy wana kedexihukre. Tii ratxikre kia hãwa õwana awimy ratxikre Tahe ahunihikȳ-ki hekarexiywinykre tule iny ijõ mahãdu wana. Kia bero Eufratxi ribihikȳle wahe kia titxibo suonana-ò hòkȳle wahe. ¹¹ Deuxu rarybere: Jerusalẽ-ki sȳdu mahãdu. Jiarȳrewinyre sohoji debo awanareny hãlubu-di heka rewinyre. Tai kynyhe, jiarȳaritarenykre kia yrybryna ribi kia hãluu be tai ijõõhõkȳribi. ¹² Deòdu mahãdu, bidiòkesebenyke aruterenahãkȳreny-ò Bidiòsebenyke adee inatxi ratyre-my ruxetòenahakȳ. Kia aõhõkȳmy dȳȳna kaiboho tetatenyte ribi. ¹³ Jiarȳariuhekre Juda kia aõbina xiwahate wese-my tahe Israeli mahãdu tahe wyhy-my ratxirenykre Jerusalẽhãbu mahãdu tahe wamay (obs:wbese) wese-my ratxirenykre idi tahe aõbina ariwinykre Grecia mahãdu wana. ¹⁴ Deuxu tahe (obs:kdexitnynykre) amahãdureny-ò aditakre awyhyreny Kia biudelaa wese-my Deuxu tahe ajuròna-di rurònykre Tahe ritorunytyhykre yhydebure yki kia bedeònana hãkȳ-ki. ¹⁵ Kai Deuxu ruruterehekȳadireny tarukikre amahãdureny-di. Tiiboho (obs:kdòtadenykre) kia inymynydu mahãdu òludureny ribi. Kanahudenykre ebònareny taòludureny hãlubu (obs:kdiòdenykre) kia bisòhòkȳwese-my tule tȳxihikȳle-my aõbo beso bedeò wese-my. Tiubo xiwena tyre iny ritximyhȳre wese-my. ¹⁶ Kia txuu tahe Deuxu (obs:kditadenykre) ta mahãdu. Kia Deuxu-my rybedu mahãdu tabueni ritamyhȳre wese. Tiiboho sõwe-my inireny rohonykre awihikȳ-my ihãwãrenyki. Kia manawihikȳwese-my tula rataana wese-my ¹⁷